تويت
||~شرح مطوية لثالث ثانوي ~|| جيولوجيا
مرحبا حبايبي ان شاء الله تكونوا بأتم الصحة والعافية اليوم حنعمل مطوية جيولوجيا لثالث ثانوي وهالمرة مافي صراخ ولا مناوشات مع ابني
بس المشكلة يلي صادفتني انوا اللاب كان بالتصليح واخدت الصورة من الجوال وما عرفت كيف طريقة عملها بالظبط بس حاولت فيها حسب ما شفتها وان شاء الله بتعجبكم
الادوات المطلوبة دفتر ورق ملون وصمغ ومقص واقلام تلوين والة الكبس
اختاري الالوان يلي بتناسبك وحسب ذوقك محتاجين 5 مستطيلات العرض 5 سم والطول 8سم
منحدد المقاسات بالمسطرة ومنقصهم
الخطوة التانية منحضر الة الكبس ومنطبق كل طرف من القطعة الاولى والطرف من القطعة الثانية مع بعض ومنكفي بنفس الطريقة بصير معنا شكل النحمة
بلون تاني منرسم 5 مستطيلات نفس المقاسات الثانية ومنلصق بالصمغ الطرف الاول من المستطيل بالطرف الثاني من المستطيل الاخر
من المحتمل تقصي شوية من المستطيلات حتى يدخلوا بالنجمة انتي بتقدري هيدا الشي بعد اللصق نضع المستطيلا داخل المجسم متل الصورة
انتهينا من هالخطوة وبلون تاني منعمل مستطيلات حسب موضوع الدرس وافقؤات يلي بدنا نكتبها فقط الفرق انك بتنقصي من الطول والعرض تقريبا سم واحد وبتكتبي عليهم
االمعلومات ومندخلهم بالمجسم
المشكلة يلي صادفتني هي عمل القاعدة حتى الاوراق ما تنزل وما كنت مفكرة هالمشكلة حتواجهني من الاول كنت ما عملتها هههه بعد التفكير وفشل كل المحاولات ما ظبط معي الا انوا
الصق سي دي بالشمع الحراري باسفل المجسم لانوا المجسم كلوا حواف ما تلتصق قاعدة على كل المجسم ممكن تلاقوا فكرة افضل اذا حبيتوا طبقوا المطوية
واخر اللمسات رسمت على مربعات صغيرة صور من ضمن الدرس ولصقتهم خارج المجسم حتى يوحي بمضمون المطوية وهيدا شكلها النهائي
اتمنى ان تنال اعجابكم ورضاكم
في امان الله ورعايته
.jpg)
تعليق