السلام عليكم ورحمة الله وبركاته



انا باعتذر على التأخير فى تنزيل الموضوع ... الهارد ديسك اللى عليه كل مشغولاتى اتحرق وكل الصور ضاعت فعملت خدادية تانية من جديد وان شاء الله بحاول اعمل كل اللى ضاع

كان لى موضوع سابق وكان فيه خدادية على شكل وردة وفيه بعض الاخوات طلبت منى الطريقة وانا بوفى بوعدى وعملتها لكم وان شاء الله تستفيدوا من هذا الموضوع وانا باشكر بنتى حبيبتى لانها تعبت معايا فى تصوير هذا العمل بارك الله فيها
وده موضوعى السابق

http://www.lakii.com/vb/a-17/a-769327/

يلا نبتدى بسم الله







ده الباترون اعمليه على ورق او كرتون اللى متوفر عندك





هنحتاج لشريط ستان حوالى 7 متر او اكتر وممكن تعملى هذا الشريط على ايدك لو عندك اى قماشة قديمة وشكلها حلو تجيبى مسطرة وتحددى بيها عرض القماش وتثنيه نصفين ويبقى عندك شريط مثل الاسود فى ذهبى اللى موجود بالصورة




لو هتعمليه بشريط ستان جاهز فيجب ان تثنيه نصفين بالشكل ده وتبتدى تشتغلى به





هنا بعد ماقصينا وعلى فكرة الخدادية بتاخد حوالى متر وربع قماش وطبعا ده حسب الباترون اللى انا قصيت عليه ولو عملتى وحدة الخدادية اكبر طبعا هتاخد قماش اكتر

انتى بتقصى من كل وحدة 12 يعنى عدد اوراق الوردة بالفردى 36





نبتدى ناخد اول واحدة ونثبت عليها شريط الستان بالشكل ده يعنى طرف الشريط يكون على الحرف ووجه الشريط للداخل




كده خلصنا تركيب الشريط




هنا الورقة التانية اللى هضعها عليها




نجيب الورقة التانية لنضعها عليها بالشكل ده




ونخيطهم كده




وبعدين نقلبها




وده شكلها النهائى




دى مجموعة اوراق الوردة وعددهم 18 ورقة




ناخد واحدة واحدة ونحشيها بالفيبر




ونخيط طرفها على الماكينة كما هو واضح




ونشبك كل 6 ورقات كده ونخيطهم على الماكينة اللى معندهاش ماكينة ممكن باليد مفيش مشكلة وبقول كده لان مرة خيطت وردة مثلها باليد لما كانت الماكينة بايظة

كده خلصنا خياطة المجموعة كلها




وبعدين نقفل دائرتين منهم ونسيب الثالتة مفتوحة كما هى والثالثة دى اللى هى اصغرمقاس فى اوراق الوردة





هنا عندنا اتنين كشكشت اول واحدة فيهم من النصف كما هو واضح فى الصورة




هنا لتوضيح الصورة اكتر




كده واضح شكل الكشكشة




هنضعهم على بعض




وبعدين نخيطهم من المنتصف




نيجى لثالث واحدة ولازم يكون حشو الفيبر فيها خفيف يعنى مش كتير عشان نعرف نلفها




نبتدى نثنى طرفها كما هو واضح




ونبرمها تانى كده




ونستمر فى لفها لغاية الاخر وطبعا يكون بالخياطة اليدوية بس انا بوضحلكم بالدبوس




كده بعد ماخلصنا من لفها وثبتناها بالخيط




وبعد كده لفيت الخيط حولها كذا لفة زيادة فى التثبيت




وده شكلها النهائى




باخدها واضعها على الوردتين اللى خيطهم فى بعض واثبتها بالخياطة او المسدس الشمع انا طبعا ثبتها بالخياطة

وده شكلها من الناحية التانية




هاتى اى شكل دائرى عندك وارسمى على القماش شكل دائرة وقصيها كده انا حددت الشكل ده بالطبق




ونعملها بالشكل ده ونحشيها بالفيبر




ونضعها فى منتصف الوردة اما بالخياطة او تلصق بالشمع انا بفضل الخياطة




نيجى بأه لعمل ورقة الشجر ممكن تضعى فى النصف اسفنج او فيبر او فازلين اللى بيتكوى على القماش




نضع طبقة الفيبر الاول او الاسفنج وعليها طبقتين القماش ونخيطهم مع بعض




نقلبها بعد الخياطة




هيكون ده شكلها




نخيط طرفها كما هو واضح ونعمل خياطة فى النص كشكل جمالى




نثبت ورق الشجر بين اوراق الوردة اما بالخياطة او مسدس الشمع وده الوجه التانى من الوردة




وده الوجه الاول للوردة وبكده الخدادية خلصت واصبح عندك خدادية بشكلين مختلفين

ملحوظة : الخدادية دى عملتها ببواقى اقمشة كانت عندى يعنى متكلفيش نفسك قماش لو عندك بطانة فستان قديم استعمليها اوجيبة قديمة او ستارة اللى موجود عندك ممكن تبدعى منه حاجات كتيرة وربنا يوفقكم فى عملها

انا تحت امركم فى اى سؤال


تم بحمد الله وفضله

تبارك الله قمة في الاتقان

تسلم ايديكي الشرح رائع والشغل ولا اسهل بس الحكاية عايزة ماكنة خياطه

تسلم الأيادي عمل رائع
يعطيك العافية

كتبت بواسطة marmoucha

تبارك الله قمة في الاتقان

شكرا لمرورك ياقمر

اولا عودا حميدا ريحانة واتمنى انك ما تغيبى ابدااا لاننا بنفتقدك يا قمر

ثانيا اة الجمال دة ما شاء الله ربنا يحميكى ويوفقك يا غالية

كتبت بواسطة رورو رنوش

تسلم ايديكي الشرح رائع والشغل ولا اسهل بس الحكاية عايزة ماكنة خياطه

الله يسلمك ...ممكن تتعمل من غير ماكينة خياطة انا عملت واحدة قبل كده من غير ماكينة بس هتاخد وقت شوية

كتبت بواسطة في العصر

تسلم الأيادي عمل رائع
يعطيك العافية

الله يسلمك وشكرا لمرورك