من يومين قاعده ملانه وطفرانه


فدورت لي شي اسويه واتسلى فيه


ففكرت وقلت بسوي طيارة


فيبت دبة ماي وقصيت مكان الغطاة وقصيتها من النص علشان يكون شكلها مرتب






بعدها جبت لصق شفاف وركبت الجزء اللي فوق بالجزء اللي تحت وصمغت الغطاة فوق





بعدها جب كرتونه وقصيتها على شكل الجناح وقيت طرفها وطويتها علشان اقدر اثبتها بالدبه






وهني بعد ما ثبتها بمسدس الشمع





وبعدها يبت ورق ابيض وقصيته مربعات صغيره


وجبت الورق وغمسته بصمغ ابيض مخفف بشوبه ماي


وحطيت الورق على الدبه علشان يغطيها واقدر ألونها


وبعدها تركتها تنشف






وبعد ما نشفت بديت التلوين


لونت بالاول الغطاة باللون الابيض كأساس


بعدها لونتها باللون البرتقالي


ولونت الجسم باللون الازرق


والنوفذ باللون الابيض









وهنا شكلها النهائي







عيالي حبوها وايد وقعدوا يتضاربون عليها


عاد انا قلت احلموا فيها هذي طيارتي انا خخخخخخ


عاد انتوا شرايكم فيها

والله فكرة حلوة للأولاد
بس خليهم يلعبوا بيها

تسلم ايدك حبيبتي

هههههههههههههههااااااي روعه بس انا ماراح اسوي زيها اخاف تطير فيها رقاب
نتضارب عليها خخخخخخخخ

تسلم ايدك حبيبتي
فكرة حلوة

روووووووووووووووعه تسلمين

ما شاء الله الفكرة حلوووووة وخصوصا ان ممكن الاطفال تشارك فيها

رررررررررررررررررررررررررررررررروعه رووووووووووووووعه
تسلم ايدك ياقمر

ما شاء الله روووووووعة

تسلم الايادي

بارك الله فيك

مميزة بارك الرحمن
عاد دايما لمن تكوي طفشانه اظهري ابداعك وانرينا بها

يسعدلي هذي الأفكار والناس اللي تستغل وقتها

ربي يسعدك وذريتك

ماشاء لله تبارك الله تسلم الايادي يارب