ساعة حائط خشبية من إبتكار سمسمية :)
بسم الله الرحمن الرحيم
السلام عليكم جميعا
النهاردة ان شاء الله هعرض عليكم ساعتي المبتكرة
أحكيلكم الحكاية من أولها
كان يا ما كان في يوم عندي زمان
كان فيه قطعة خشب ماليها أي مكان
فكرت أرميها وأريح منها الأذهان
وبعد كده صعبت عليا فقلت أستغلها بفكرة جنان
قعدت أفكر يا ترى هعمل فكرة إيه
فخطرة ببالي إني أعملها ساعة تعلق على الحيطان
تعالوا نتعرف على الخطوات والشكل النهائي كمان
أولا أحضرت صديقي القلم الرصاص
وبدأت أحط رقم واحد بس على الساعه
وإختارت رقم 6
جميل صح
بلون خشب أخضر ولونته
واضح صح
بالصنفرة وصنفرته
تمام صح
جاء دور التلوين
طلعت لون زيتي بني
وعجنته
وبدأت أعمل رتوش خفيفة باللون البني على الأطراف
شخابيط حلوة
صح
قلت لابد ولازما أجعله معتق
جبت اللون الأخضر
وبدأت في رتوش خضراء على الحواف
وبعد ما إنتهيت من التلوين
جبت الورنيش وورنشته
بالفرشة طبعا
وجبت آلة لساعة عندي
مش مستعملة وركبتها
طبعا بمسدس الشمع
وجيت من الأمام وركبت العقارب
بس ركبتها بالراحة لحسن تقرصني
ركبتها أخيرا الحمدلله عدت على خير
وأصبح شكل الساعة النهائي
كميلة خالث
إيه رايكم
أتمنى يكون ابتكاري اليوم عجبكم
وتوتة توتة
فرغت الحدوتة
حلوة ولا ملتوتة
وصلى الله وسلم وبارك على سيدنا محمد
وعلى آله وصحبه أجمعين
ودمتم سالمين
.jpg)
تعليق