تويت
السلام عليكم ورمحه الله وبركاته
جتلى فكرة انى اعمل صبانه للصابون وكوبايه للفرش و المعجون من خامات سهله خالص وان شاء الله تبقى متوفرة عندنا اولا الصبانه عملتها من علبه بلاستيك كان فيها بوريو والى عجبنى فيها انها بتلات عيون عشان طبعا احنا البنات مبيكونش لينا نوع واحد من الصابون فقلت انها هتنفع عشان تاخد كذا صابونه والصور ان شاء الله هتشرح قصدى
اولا الادوات
1- علبه بوريو او اى حاجه شبها نكون مسغنين عنها
2- سيخ الى هو بنستعملو فى الشوى او ممكن مسمار او اى حاجه ليها طرف مدبب عشان نسخنو ونستعملو فى عمل خروم من تحت فى الصبانه
ثانيا طريقه العمل
هنسخن السيخ ونعمل بيه الخروم الصورة هتوضح
بعد كدة هنزينها زى منحب انا عن نفسى كان عندى قواقع شريط بلاستيك فاستخدمتهم فى التزين
وهنا استخدمت مسدس الشمع عشان الزق الشريط البلاستيك
وهنا استخدمت الغرا للزق القواقع لان لما جربت الشمع فىالقواقع لاقيت ان القواقع مش بتستحمل السخونيه ولما بضغط عليها بتكسر فاستعملت غراء الخشب
ودة شكلها النهائى
تانى فكرة عملتها كانت كوبايه للفرش والمعجون
الادوات
1- علبه او كبايه فاضيه انا استعملت علبه حمام كريم فاضيه
2- اى حاجه تحبى تزينى بيها وانا استخدمت القواقع
3-مادة لاصقه واانا استعملت غراء الخشب
طريقه العمل
لزقت القواقع على العلبه وبقت بالشكل دة
اتمنى فكرتى المتواضعه تعجبكو وطبعا تقدرو تفننو فيها براحتكو انا بس اخترت القواقع لانى من عشااااااااااااااااق البحر والسمك واى حاجه تطلع من البحر
تعليق