تحفتى الجديدة
السلام عليكم و رحمة الله و بركاته
اخواتى انا عملت تحفة جديدة و فرحانة بنفسى اوى 
شوفوا بقى من كام يوم اشترينا تورتة ايس كريم ، وانتوا عارفين بتتحط فى علية من الفلين كدة انا بقى شغلت مخى و قلت هو انا هريمها؟
لااااممكن ابدا
لااااممكن ابدافجبتها و غلفتها بعجينة الورق ( اول مرة استخدمها و طلعت عينى 
)
)و الغطا بتاعها كمان و قلت هستخدمة قاعدة و بعدين افتكرت انى مش برمى الرول الكرتون اللى بيبقى ملفوف عليه الاكياس فجبته و ثبته كأنه حوامل
و قطعت بعض من الرول الكرتون لقطع صغيرة و لزقته عليها بالغراء بالشكل اللى تحت دةبعدين سيبتها لما نشفت خالص و دهنتها بالورنيش
و كنت عاوزة اعمل تأثير كذا لون فى بعض فدهنتها بلون بنى و بعدين رشيتها رش خفيف بالاسود و بعدين الدهبى فأدانى تأثير اللون النحاسى حلو اوى.
و كنت عاوزة اعمل تأثير كذا لون فى بعض فدهنتها بلون بنى و بعدين رشيتها رش خفيف بالاسود و بعدين الدهبى فأدانى تأثير اللون النحاسى حلو اوى.
انا بقى كسلت ادهن الحوامل الكرتون فأستبدلتها بحامل معدنى عندى مكنتش بعمل بيه حاجة و حطيت جواها مية و زرع بقت بالشكل دة (طبعا انا دهناها من جوة كمان بالورنيش و لون بنى على شوية اسود)
و ممكن على الحوامل الصغيرة اللى فى النص دى تحطى حاجة زى كدة فيها زهور مجففة معطرة.
بس انا ملقيتش عندى واحد صغير ينفع قلت اما اشترى بقى ان شاء الله
ايه رأيكم؟؟
احرجتينى يا رنا ربنا يخليكى
تعليق