انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 32 1234511 ... الأخيرالأخير
عرض النتائج 1 الى 10 من 311

الموضوع: تحف جميله بأستخدام خامات بسيطه

  1. #1
    تاريخ التسجيل
    Feb 2007
    الموقع
    مصر
    الردود
    2,012
    الجنس
    أنثى

    المواضيع المتميزة تحف جميله بأستخدام خامات بسيطه

    السلام عليكم ورحمة الله وبركاته

    أخواتى الاحباء اسعد الله ايامك وبارك لكم فى كل اعمالكم الصالحه وجعلها فى ميزان حسناتكم .

    انهارده انا جيبالكم موضوع جميل وبسيط جدا وان شاء الله يارب تستفيدو منه وهو من اختراعى ميه فى الميه من طق طق لسلام عليكم نظرا لانى من محبات الاعمال والاشغال اليدويه واصلا الفكره خطرت على بالى لما كنا بنعمل تصليحات فى المطبخ وغيرنا الارضيه والعمال كانو لما يروحوا بعد انتها اليوم كنت بلاحظ بقايا خلطة الاسمنت فى طبق العجن بتاعهم عامله شكل جميل البقايا يعنى المهم انا عجبنى الشكل العام وبدأت اجرب وعرفت منهم انها عباره عن اسمنت ابيض ورمله بيضاء ولما جربتها لقيتها حلوه بس تقيله شويه بسبب الاسمنت ففكرت انى اضيف الجبس شويه وجربت بقى مقدير مختلفه من الثلاث مكونات لغاية ماوصلت للمقادير المظبوطه من وجهة نظرى اسيبكم مع الموضوع ويارب افيدكم فيه

    بسم الله الرحمن الرحيم

    اولا المقادير :


    زى ماشايفين عباره عن : اى اشكال او مجسمات زجاجيه برطمانات بأى احجام +فلوت اللى هو ورنيش + قواقع واصداف وخرز + اسبريه دهبى وفضى + تنر او تربنتينه + طبق + فرشاة +جليتر + ملعقه +ماء + كوب جبس + كوب رمل ابيض بتاع البحر + ونصف كوب اسمنت ابيض + وعاء لعجن المكونات انا اخدت زجاجة بيبسى وقصيتها عشان بعد الشغل حتترمى .

    الطريقه :

    اولا :



    نخلط كلا من الجبس والاسمنت والرمل فى الطبق ونقلبهم بالملعقه جيدا حتى يمتزجو



    وبعدين ناخد كميه صغيره ونعجنها بالماء فى وعاء كما هو مبين فى الصوره معايا لحد هنا



    بعد العجن وبسرعه شويه نبدأ بتوزيع الخليط دا على جدار اى مجسم انت حابه انك تزينيه وانا اخترت هنا مجموعه منها كاس ومنها طبق ومنها زجاجة كاتشب وبرطمانات بأحجام مختلفه



    وبعد مايخلص او جنب من جوانب المجسم نبدأ بتوزيع الخرز او اللولى والقواقع بشكل عشوائى مع الضغط عشا يجف الخليط ويمسك كل حاجه حطيناها سواء الخرز او الصدف او القواقع فهمتو ليه بقول بسرعه عشان طبعا الاسمنت والجبس بيسخنو ويجفوا بسرعه ولو جف قبل ما نزين حيبقى زى الحيط فا احنا بنعمل شويات شويات عشان مايجفش مننا بسرعه وبرضو جمب جمب لغاية مايخلص المجسم كله ودى صور توضح كلامى





    وبعد مانخلص كل الشغل نسيبهم يجفو خااالص ممكن اربع او خمس ساعات معايا لحد هنا ودا الشكل النهائى بعد الخطوات اللى فاتت



    نيجى بقى لخطوة الاسبريه وهى طبعا بالنسبه للالوان حسب اختيارك ممكن ازرق مع دهبى او فضى وممكن اخضر يعنى حسب ديكور البيت عندك والوانه بس انا اخترت دهبى وفضى عشان بيليقو مع كل الالوان وحنبدأ نرش الاسبريه على المجسم ممكن كله وممكن نخلى جزء الزجاج باين انه زجاج عشان بس يدى شوية فخامه للتحفه قال يعنى ههههههههههههههههههه



    انا بدأت هنا بالون الدهبى وبعدين اديت تاتشات بالاسبريه الفضى وبرضو الامر متروك ليكى تلونيه بالطريقه اللى تعجبك وبعد ما تسيبى المجسمات تجف من الاسبريه تيجى الخطوه القبل الاخيره .......



    وهنا حنجيب التنر او التربنتينا وبقطعة قماش او قطن او منديل حنبللها بالتنر ونمسح الزجاج من الاسبريه اللى جه عليه اثناء الرش







    حناخد الفرشاة والفلوت وندهن المجسم كله



    وصلنا للخطوه الاخيره بعد مانخلص طلى المجسم بالفلوت نبدأ بنثر الجليتر على المجسم نثر عشوئى وبرطو حسب رغبتك ممكن تستغنى عنه اصلا كل الخطوات دى منى مش حاجه اساسيه يعنى



    ودا بقى شكل العمل بعد الانتهاء حسيبكم مع الصور بس احب اعلق على الطبق هو مقسم من الداخل 3 اقسام ممكن ينفع بونبونيره بس انا عملته فواحه وحطيتله ورد مجفف بزيت عطرى من باب التغيير يعنى











    ودا كان العمل من طق طق لسلام عليكم يارب شرحى يكون واضح واكون وصلتلكم الموضوع بحذافيره وتستفيدو منه ودعواتكم لى ولكل المسلمين والمسلمات

    والسلام عليكم ورحمة الله وبركاته
    آخر مرة عدل بواسطة rony444 : 31-03-2009 في 07:13 PM

  2. #2
    تاريخ التسجيل
    Jun 2005
    الموقع
    الجزائر
    الردود
    540
    الجنس
    أنثى
    عجبنى الشكل العام وبدأت اجرب وعرفت منهم انها عباره عن اسمنت ابيض ورمله بيضاء ولما جربتها لقيتها حلوه بس تقيله شويه بسبب الاسمنت ففكرت انى اضيف الجبس شويه وجربت بقى مقدير مختلفه من الثلاث مكونات لغاية ماوصلت للمقادير المظبوطه

    يعني عملت مخبر تجارب في بيتك هههههههه
    لكن تهاني الحارة لان تعبك جاب نتيجة رااااااائعة
    ماشاء الله عليك اختي rony 444سلمت وسلمت يداك على هذا التفنن
    ناوية نجرب الفكرة لانها هبلتني فعلا تستاهل .
    شكراااااااااااااااااااا


    نسيت اسالك
    هل يمكنني الاستغناء عن الاسمنت والاكتفاء فقط بخليط الرمل والجبس ؟؟؟
    آخر مرة عدل بواسطة souadz : 31-03-2009 في 07:57 PM

  3. #3
    تاريخ التسجيل
    Feb 2005
    الموقع
    بين ذكرياتي
    الردود
    34,186
    الجنس
    امرأة
    التدوينات
    21
    التكريم
    • (القاب)
      • لمسات فنية
      • درة صيفنا إبداع 1432هـ
      • لمسة عطاء
      • درة صيفنا إبداع 1431هـ
      • بصمة إبداع
      • مبدعة أجمل حكاية مصورة
      • نبض وعطاء
      • اميرة الجمال
      • لمسة جمال
    (أوسمة)
    ماشاء الله تسلم الايادى يافنانه المنتدى







  4. #4
    تاريخ التسجيل
    Feb 2009
    الموقع
    مصر/القاهرة
    الردود
    860
    الجنس
    امرأة
    جميل جميل فعلا
    وخامات مافيش اسهل ولاابسط من كده
    وتكلفة بسيطة بالنسبة للنتيجة الرائعة دية
    تسلم تسلم تسلم
    ايديكي

  5. #5
    تاريخ التسجيل
    Nov 2006
    الموقع
    في قلب زوجي معنى الحياه
    الردود
    1,179
    الجنس
    أنثى
    ماشاء الله تسلم الايادى

  6. #6
    تاريخ التسجيل
    Feb 2007
    الموقع
    مصر
    الردود
    2,012
    الجنس
    أنثى

    heart2

    تعقيب كتبت بواسطة souadz عرض الرد
    عجبنى الشكل العام وبدأت اجرب وعرفت منهم انها عباره عن اسمنت ابيض ورمله بيضاء ولما جربتها لقيتها حلوه بس تقيله شويه بسبب الاسمنت ففكرت انى اضيف الجبس شويه وجربت بقى مقدير مختلفه من الثلاث مكونات لغاية ماوصلت للمقادير المظبوطه

    يعني عملت مخبر تجارب في بيتك هههههههه
    لكن تهاني الحارة لان تعبك جاب نتيجة رااااااائعة
    ماشاء الله عليك اختي rony 444سلمت وسلمت يداك على هذا التفنن
    ناوية نجرب الفكرة لانها هبلتني فعلا تستاهل .
    شكراااااااااااااااااااا


    نسيت اسالك
    هل يمكنني الاستغناء عن الاسمنت والاكتفاء فقط بخليط الرمل والجبس ؟؟؟
    متشكره جدا ياحبيبتى والحمد لله ان الموضوع عجبك دا شرف ليا وبالنسبه لانك تكتفى بالرمل والجبس صح الوزن حيخف شويه بس الصلابه والمتانه حتقل وحتبقى هشه جدا وبتفرول مع الرطوبه لانى جربتها مش بتعيش يعنى .
    وبالنسبه لزجاجة الكاتشب دى ليها عندى سنتين ولغاية دلوقتى زى ما اكون عملاها النهارده عشان المقادير دى مظبوطه جدا ودى عن تجربه وانشاء الله لازم تقوليلى نتيجة شغلك حتكون امتى عشان نفسى اشوف ابداعك انا كمان عن قريب .

  7. #7
    تاريخ التسجيل
    Feb 2007
    الموقع
    مصر
    الردود
    2,012
    الجنس
    أنثى
    الف الف شكر لكم اخواتى رانا وجميله وام اسامه شرفنى مروركم وتعليقكم على موضوعى ويارب يخليكو ليا ويجزيكم كل الخير على كلماتكم التشجيعيه لكم منى الف الف الف تحيه .


  8. #8
    تاريخ التسجيل
    Nov 2007
    الموقع
    القصيم
    الردود
    570
    الجنس
    أنثى
    رائع تسلم ايدك عملك كله ابداع ماشاءالله موفقة ان شاءالله

  9. #9
    loverose233's صورة
    loverose233 غير متواجد مجموعة العطاء في أركان الجمال والاناقة
    تاريخ التسجيل
    Jan 2009
    الموقع
    في مصر..وفي قلب حبيبي كمان
    الردود
    2,288
    الجنس
    امرأة
    روووووووووووووووعة ماشاء الله

  10. #10
    تاريخ التسجيل
    Nov 2007
    الردود
    928
    الجنس
    أنثى
    ماشاء الله تبارك الرحمن عمل رائع
    تسلمى على مشاركتك لنا تجربتك الجميله سلمتى من كل مكروه

مواضيع مشابهه

  1. صيفنا إبداع: ¯¨'*•~-.¸¸,.-~*'ميداليه من خامات بسيطه والنتيجه تووحفه ¯¨'*•~-.¸¸,.-~*'
    بواسطة ساره الاعظمي في ركن الأشغال اليدوية والخياطة
    الردود: 29
    اخر موضوع: 05-10-2011, 03:03 AM
  2. فكرتي لترتيب الخواتم..خامات بسيطه
    بواسطة بنت تجد في ركن الأشغال اليدوية والخياطة
    الردود: 35
    اخر موضوع: 21-03-2009, 07:01 PM
  3. اكسسورات جميله بخامات بسيطه
    بواسطة Rana363 في ركن الأشغال اليدوية والخياطة
    الردود: 25
    اخر موضوع: 20-11-2007, 05:25 PM
  4. حقائب من خامات مختلفه ( غريبه لكن جميله )
    بواسطة Rana363 في ركن الأشغال اليدوية والخياطة
    الردود: 19
    اخر موضوع: 28-02-2007, 02:39 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ