**** الدورة التدريبية لفن الديكوباج...البعد الثالث ( المجسم ) ... مع ...كارمــن ****

بسم الله الرحمن الرحيم

وبه نستعين

وعليه توكلنا

قال صلي الله عليه وسلم ( أذا مات ابن أدم انقطع عمله الا من ثلاث : صدقة جارية او علم ينتفع به او ولد صالح يدعو له ) رواه مسلم

ربي اجعل كل ماأقدمه من خير او علم للناس صدقة جارية علي روح ابي رحمه الله وأكرمه وأدخله فسيح جناته .. أمين يارب العالمين

اهلا بيكم اخواتي

في دورة فن الديكوباج

ذات البعد الثالث (( المجسم ))

اولا

سوف اقوم بعرض بعد أعمالي السابقة لأخواتي التي لم يسبق لهم رؤيتها في موضوعي السابق ... حتي يكون عندهم فكرة عن انواع التابلوهات ... وأشكالها

[

ثانيــــــــــــــــا

تعريف مختصر عن فن الديكوباج

عرف فن الديكوباج منذ عصور قديمة وقد بدأ فن الديكوباج في دول الشرق الأقصي ... وبعد عدة عصور انتقل الي أوروبا

وكان وقتذاك فن الديكوباج ... يتقنه بعضا من الناس الغير قادرين علي شراء أثاث جديد ... وكانوا يقوموا بتجديد بعض قطع الأثاث في منازلهم .

وبعد عدة عصور اكتشفوا هذا الفن ... وكانوا يعتقد الباحثون انه رسم يدوي لما فيه من دقة التوزيع ومهارة الأيدي العاملة وجمال الألوان

ولكنهم بفضل الأجهزة الحديثة والتكنولوجي ... اكتشفوا انها مجرد ورق مقصوص ... وضع بعنايه فائقه ... لخدعة العين... كما لو كان عمل يدوي متقن ... ومرسوم يدويا

ومع مرور العصور وتقدم العلم والفن تحول فن الديكوباج الي فن الديكوباج ذات البعد الثالث ... أي المجسم

وهذا النوع من الفنون يصلح لعمل التابلوهات ... ويحتاج للدقة

والتمتع بالخيال لدي متلقيه

هذا النوع من الفنون قله من يمتهنوه ... ويجيدوه ... وله ذوق خاص

ونوعيه رفيعة المستوي هي التي تقدره ... وتعرفه

كما أنه ايضا أسعاره باهظه الثمن ... وهذا لمجهوده وتقنيته وأخراجه في صورة جيدة

وغدا بأذن الله تعالي

سنقوم بتحرير الدرس الأول لفن الديكوباج

بالشرح والصور

كما اتمني من جميع اخواتي أن ينتبهوا للصور والشرح المرفق

كما اتمني أن كل من أحبت ان تتعلم الديكوباج أن تبدأ التطبيق العملي معنا من أول درس ... حتي يتسني لي الرد عليهم نحو أي استفسار

أول بأول .... لأننا سوف نقوم بعمل عده تابلوهات مختلفة ... من حيث الأشكال ... والمنظر.

وانتظروووووووني غدا

تنويه عن الدرس الأول

في الدرس الأول

لعمل تابلوه القطط

تم اختياري لهذا التابلوه لأنه يسهل علي

المبتدئين عمله لقلة تفاصيله

والأدوات والخامات بالصورة

وسوف ندرج مرة أخري اسماء الخامات وأماكن شرائها

الخامات والأدوات اللازمة

عدد 4 صور بوستر متكررة

توضيح : من الأفضل ان تكون مقاس 50 سم * 70 سم

عدد 2 انبوبة سيلكون كبيرة + محقن سيلكون

توضيح : يفضل أن يكون السيلكون من النوع الشفاف

عدد 1 لوح اسنفنج سمك 3 ملي

توضيح : نقوم بأستعماله فيه لعمل البومبي مثل : موج البحر - حرف سرير - او اي تعلية في التابلوه

عدد 2 مقص اظافر

توضيح : يفضل ان يكونوا صغار الحجم ويكون مقص منحني والمقص الاخر مستقيم

عدد 1 علبة كلا كتش

توضيح : تستعمل مادة الكلاكتش بديل لمادة الغراء لأنها افضل بكثير لأن بعد جفافها لا تترك اثرا اطلاقا ابيض اللون ... مثل مادة الغراء وتعطي ثقل لورق البوستر ... وتجعل الورق مرن عند عمل انحناءات .... وتجعله مقاوم للمياه والرطوبة وعوامل الزمن ... حيث أن هذا العمل تتورثه الأجيال ( أطال الله أعماركم )

عدد 1 علبة ورنيش ملمع (( فلوت ))

عدد 2 فرشة(( فرشاه مقاس نصف بوصة او بوصة - والأخري رقم 6 أو 8 ))

ربع متر قماش لونه لبني (( يفضل جرسيه مصوف )) لكورنيش البطانية

دانتيل – وستان – ركامة (( أي اكسسوار ملائم )) كما هو موضوح بالصورة

عدد 1 علبه لصق ورق حوائط

عدد 1 لوح سلوتكس

توضيح : هو لوح خشبي لكي يتم تثبيت عليها البوستر لبدء العمل وعادة اطلبي اللوح اكبر من جحم البوستر بقيمه 10 سم من كل اتجاه ... حتي يكون هناك سهولة لعمل اطار خارجي لها

شوفوا يا بنات هي الطلبات هتكون ثابتة في كل التابلوهات ما عدا البوسترات هتكون متغيرة.... ودايما هتكون الحاجات دي موجودة بأستمرار لأنها ثوابت لتعليم فن الديكوباج

هنقول ممكن نشتري الادوات دي منين

بالنسبة للمصريات

معظم الادوات دي في المكتبات الكبري

مكتبة سمير وعلي ..... اي فرع

مكتبة برناسوس ... وسط البلد

مكتبة سامي ... ش شريف

وهناك

شركة ماستر الايطالية ش الخليفة المأمون - القاهرة

تليفون 24852306

فرع أخر تابع لنفس الشركة الأيطالية

شركة كرياتيف تاتش ش القصر العيني – القاهرة

تليفون 27960599

دي ميزاتها انها بتبيع كل ماسبق من ادوات وخامات دفعة واحدة ( packing ) دون اللف والدوران وبأسعار السوق المحلي بزيادة غير مذكورة

وفيه شركة منهم فيها ميزة انها بتشحن الطلبات دي

لأي مكان في اي دولة .

يلا ........ حضروا أدواتكم واستعادوا

واترككم في رعاية الله

وانتظروووووووووووووووووني

كارمــــــــــــــــن

جاهزين وحاضرين ومستنيين الدرس الأول يا فنانه

كل ما بنشوف التابلوهات الحلوة دى نفسنا بتتفتح على الشغل والتعليم
انا اشتريت وجهزت حاجاتى ومستنيه اهه
متخافيش هنفهم بسرعه ومش هنتعبك معانا

انا عصفورة وجيتلك طيران علشان استفيد ......
هنبتدى بتابلوه القطط زى ماقلتلنا....صح

انا جاهزة

طيب حضرنا ادوتنا
وشمرنا ساعدنا (بسرعة لابرد واخذ برد)
ومستنين الشرح لاول خطوة

بارك الله في جهودك غاليتى

اكملى واحنا متابعينك

ما شاء الله

ربنا يباركلك ويجعل ما تقدمى فى ميزان حسناتك واكيد متابعة

أشكرك على الموضوع الحلو ده و ربنا يجعله فى ميزان حسناتك.

بالنسبة لمادة الكلا كتش هل هذا هو إسمها فى السوق عند البياعين و الا ليها إسم تانى و كام ثمن العلبة.

مستنية ردك و ربنا يبارك فيكى.

الله يبارك فيكى انا مثلك عندى الهوايه ديه وعملت بعض الاشياء على الحائط عندى فى البيت ولكنى كسلت ولما شفت لوحاتك غيرت واتشجعت تانى
وان شاء الله حتابع معاكى واصورلك اشغالى
شكراااااااااااااااااااااااااا

مشكورة اختي