السلام عليكم
شخباركم خواتي
كل عام وانتم بالف خير شخباركم بعد رمضان والله راح بسررررررررعه والله ما شبعنا منه
الله يعوده علينا وعليكم وانتم واحنا بالف صحه وخير
مااطول عليكم بعد هالمقدمه الطويله اكيد بتقولون هذي وراها شي
اي والله يا خواتي طالبتكم طلبه لا تردوني محتاجتكم
بنت خالي ولدت وجابت بنوته وحبيت اجيب لها هديه مميزه شفت عندها كثير هدايا متكرره الي في السلال والي في علب والي حركات ثانيه بس انا ابي اهديها شي مختلف
انا عندي فكره بس مبعثره في مخي ابي احد يرتبها معي ياليت تساعدوني
انا شايفه في محلات حلويات في البحرين حاجات مو علب هم يصلحونها عندهم من الفلين بعدين يصبغونها
الاشكال مثل عربه, او بيت ,صندوق , او قفص عصافير , اشياء رهيييييييييييبه وانتي تحطين هديتك فيها
انا حابه اختار شكل البيت واجيب اقفاص صغييره مررره ورديه وفيها عصافير ورديه واشتري ملابس واغراض للبيبي بس ياليت تساعدوني والي عندها افكار غير كذا ياليت تساعدوني وابي العبارات الي تنحط مع الهديه
والله يجزي الي تساعدني الف خير ويحقق ربي جميع امانيها ويكتب لها السعاده في كل خطوه تخطيها
مو كني انقلبت طراره
سلااااااااااااااااااااااااام

والله كان ودي اساعدك حبيبتي..
بس تدرين حنا في عائلتنا طفشنا من التفكير بهديه وياربي احد جاب زيها ولا انا الوحيدة قمنا اجتمعنا واتفقنا...اننا نعطي بس فلوس وفعلا الكل ايد هاذي الحركة لان الهدايا تتكرر هاذا غير الباقية من هدايا البيبي الي قبله..
بس فكرتك حلوة
ممكن اقول لك ايش تشترين..
بربتوز... فستانين.. جزمة وانت بكرامة... وشراب... لعبة.. وعضاضة.... ورضاعة..
وهاذا الي عندي.. معليش اختي ودي اساعدك..

شوفي هالروابط ان شاء الله تفيدك
* هدية للوالدة.... من صنع يديك.
* هدية مواااااااااليد
* ساعدوني بأفكاركم يا أهل الأفكار
* @@ محتاااااااره وياريت تساعدوني @@
* اصنعي هدية طفل في منتهى الروعه
*

مشكوريييين على ردودكم الطيبه
مجموعة انسان والله يا حبيبتي فكرة الفلوس بيني وبينك حلووووه كثير حتى انتي بتستفيدين منها يعني لو كل وحده اهدتك 200 او 300 صراحه ما تطلعين من النفاس والى عندك مبلغ محترم ......... بس انا لو بعطي فلوس لازم اسوي فيها شي احطها بصندوق ولا عربه ولا قطعة قماش
على قولة امي انتي تحبين الحوسه عطيهم كذا وبس...
بس تعرفين الواحد ينبهر بشكل ولفة الهديه اكثر من الهديه نفسها
اختي ديم
مشكوره ياعمري على هالمواقع وتسلمين لي ونخدمك في الافراح انشالله
مشكوررين مره ثانيه وما قصرتو سلااممممممممممممممممممم

الله يجزاك خير ياديم :

امس قعدت اسوي بحث لهذي المواضيع علشان الاخت قراطيس ..مارضي يطلع معاي اي منهم ..
اختي قراطيس :

باذن الله تفيدك الروابط السابقة ..

انا مره كنت ابي اقدم هدية لطفلة عمرها تسع شهور ..وماكان عندي اي شي الا تغليف الهدايا .ومايمديني انزل السوق ..
شوفي ايش سويت
الهدية عبارة عن فساتين ..

رحت اخذت كل فستان , ولفيته بالتغليف على شكل حبة الشوكولا ., وربطها من الجانبين بشرائط الهدايا ,

بس خليتها طويلة مش قصيرة .

مثل شكل الحلاوة هذي

اختي العزيزه ،،،،
ممكن تروحين عند نجار وتطلبين منه ان يعمل سرير طفل بس حجم صغير ويصبغه بالوان وردي وابيض وتقومين انت بوضع ورود مجففه بداخله ثم وضع الهديه التي ترغبين فيها
وتغطيتها مره اخرى بالورد المجفف ويمكن استبدال الورد بالشرائط المعمةله من ورق الكريشه
وتسجيل عبارة((شفناك باللفه عقبال ما نشوفك بالزفه)) عروس يعني...

اهلين شماليه غربيه ودانة الكويت كل عام وانتم بخير وعيدكم مبارك
شخبارك حبيبتي ( شماليه غربيه )صراحه فكرتك مره حلوه واذا كانت البنت كبيره شوي راح تفرح بهذا الشكل من الهدايا وصراحه فكره حلوه اذا جمعتي كم وحده وحطيتها بعلبه على انها علبة حلويات راح يطلع شكلها رهييب..........
اما انتي اخت( دانة الكويت )صراحه تعجبني مره هالافكار الحلوه وفكرة السرير صراحه روووووعه بس يمكن ان اسويها من الفلين المتين واسوي نفس الفكره
صراحه مشكوررررين ونردها لكم في افراحكم
سلاااااااااااام

اختي العزيزه قرطيس,,,
العفو،،،وممكن عملها بالفلين او ورق الكرتون(الكرتون الصلب مثل كرتون تلفزيون) وقومي بتجليده بورق جلاد عادي بس عليه رسومات اطفال ويفضل ان تعملي اولا الشكل على ورق شفاف ,,,
وبصراحه ان عملت هالطريقه وضعت في السرير كاكاو ووضعت اسم المولود عبى جانبي السرير..
وان شاء الله ازودك بآخر الافكار...

فكرتك رهيبه ياشماليه وانتي يادانة الكويت الله يعطيكم العافيه يارب

انا مره اهديت صديقتي الوالده...سلة النونو..وداخلها خاتم ذهب...ومجموعة لوشن وصابون وكريم للنونو..وفستان ناعم للنونو....ولفيتهم كلهم مع بعض..بطريقه انيقه....