شوفو بقي انا من يوم ما قريت موضوع استغلال القوارير البلاستيك الفارغه وانا عجبتني اوي علبه المناديل الرول اللي شفتها....المهم انهارده قلت اجربها كنت فاضيه ..جربتها ...طلعت مش مظبوطه لان البلاستيك كان رقيق شويه ..قلت ارميها..طبعا لأ ..قلت لو غلفتها اكيد شكلها هيتظبط ..طيب بايه اغلفها..معنديش خامات فشقتي كله عند ماما..طيب طرحه مش عاوزاها..مشيت لحد الدولاب وخدت بنطلون من بتوع جوزي ..خلاص كنسله من زماااان ومعدش بيلبسه..وبعدين مين الاهم البنطلون ولا البلاستيك اللي كان هيترمي..طبعا البلاستيك

اول حاجه طبعا عملت العلبه زي ماشفتها في الموضوع..وبعدين قصيت رجل البنطلون لحسن الحظ جه الاتساع علي قد الزجاجه بالضبط فمحتاجتش تظبيط ولا حاجه وبدأت اغلف بالجينز والصق
http://www.lakii.com/img/all/Apr08/zcEYIs04031559.jpg

http://www.lakii.com/img/all/Apr08/5pS7Db04031604.jpg

الفتحه في اعلي الزجاجه كان شكلها مش ظريف قصيت ورده مفرغه من المنتصف وحددت اطرافها بغرزه البطانيه
http://www.lakii.com/img/all/Apr08/Ai6l5H04031606.jpg

بعد كده قصيت 3 وردات مقاسات متدرجه وحددت الاطراف برضه بغرزه البطانيه وبعدين ثبتهم مع بعض بالشكل ده
http://www.lakii.com/img/all/Apr08/VUntRK04031608.jpg

قمت بتثبيت الورده علي العلبه بالشكل ده
http://www.lakii.com/img/all/Apr08/gbny9o04031608.jpg

وده بقي شكلها النهائي
http://www.lakii.com/img/all/Apr08/ZcN2VF04031610.jpg

http://www.lakii.com/img/all/Apr08/2JQrPH04031611.jpg

كنت هزودها كمان شغل بس ..المغرب اذن وكنت صايمه..قلت كفايه عليها كده..هو مين اهم انا ولا البلاستيك..طبعا انا

تسلم الايادي والله فكرة جميله الله يعطيكي العافيه

الله يعطيك العافية على افكارك الحلوة تسلم الايادي

يعطيكي العافية فكرة حلوة وسهلة وتنفع للسيارة وغرفة الاطفال
تسلم ايديكي

يعطيك العافية على الفكرة والاستغلال الجميل

ماشاء الله عمل يستحق التميز انتي مبدعه
تسلم ايدك ياقمر
ومنتظرين ابدعاتك
جزاكي الله كل خير
وبعد اذنك نزلت الصور علشان نشوفها علي طول

ما شاء الله تبارك الرحمن تسلم ايديك حلو كثير والله يعطيكي الف لف عافية

ماشاء الله لا قوة إلا بالله

عمل رائع رائع رائع سلمت يداك

مشكورييييييييين كل اللي ردو علي الموضوع ..بجد شكرا..وganagenoمن غير ما تستأذني ..كفايه انك بتردي علي كل مواضيعي (هم يعني ميجوش تلاته اربعه)....وهسألك سؤال عبيط شويه..انا لما كنتى بحمل من مركز تحميل بره كانت الصور بتظهر من غير روابط..انما لما حملتها علي مركز التحميل فالموقع هنا ظهرت بالرابط ..ازاي بقي اخليها تظهر مباشره..

وياريت لو مشفتيش السؤال اي سكر من اللي هيردو علي الموضوع يفيدوني ..معلش اصلي بتخنق من الكمبيوتر بسرعه ...