طريقه عمل علبه مناديل لغرف الاطفال (بالصور)

**ganageno2** · 04-03-2008, 01:50 AM

بسم الله الرحمن الرحيم
السلام عليكم ورحمه الله وبركاتوا

انا شوفت علبه مناديل عجبتني اوي فقولت احاول اعمل زيها فحبيت انزلهالكم
ودي صوره العلبه المناديل علي شكل ولد الي عملت زيها بس لما شوفتها مكنتش معاها الطريقه وانا الي خمنت الطريقه

ودي علبه المناديل علي شكل بنت الي نفذتها بس شوفها براحه علشان ماتصحاش انا نيمتها بالعافيه

ودلوقتي نقول الادوات المستخدمه:
# علبه كرتون
# خيوط صوف اسود وبني
# قماش لون فاتح لعمل الوجه والرجلين
# اي لون قماشه لتغليف العلبه
# قماش ستان لعمل المخده والمفرش
# ابره خياطه
# كلك او روق شفاف لعمل البترون
# مقص
# مسدس شمع
#خرز كبير لعمل الحلق
# توك شعر او شريط ستان
# ةسفنج للحشو او قصاقيص قماش

الطريقه :
دي شكل العلبه قبل البدء فيها

ونغلف العلبه كلها بالقماش

بعدين نرسم علي ورق الكلك او الشفاف الراس والرجلين

ونحط الورقه علي القماشه ونقص عليها الشكل

ونبتدي نخيط الراس ملحوظه : انا مش كويسه في الخياطه اوي علشان كده ممكن تلاقو ديفوهات

وبعدين نعمل الرموش بالخيط الصوف الاسود

ونكمل بقيت الوجه ونعمل المناخير بزرار ونغلفه بنفس القماشه ونعمل الشفايف بقماشه قطيفه حمره او حسب اللون الي تحبيه

وبعدين نعمل الشعر بالخيط الصوف البني واعملي فيونكتين في الشعر

فاصل ونواصل
.
.
.
.

**ganageno2** · 04-03-2008, 02:07 AM

ونواصل

نبتدي نخيط الرجلين مثل الراس ونحشيها بالسفنج او قصاقيص

نعمل بعد كده المخده

وزينتها من الجوانب بالتل

نيجي بقي علشان نعمل اللحاف او المفرش

ونبتدي نلزق بالشمع المخده علي خطاء العلبه ثم المفرش وطبعا نعمل خط في منتصف المفرش لخروج المنديل ثم الراس ثم الرجلين

وده الشكل النهائي للعلبه

يارب الفكره تكون عجبتكم وياريت النقد مع الرد لانو هيفيدني

وبالله عليكم ان تدعوا لزوجي بان يتحقق له الامنيه الذي يتمانها وان يرزق أمي ويرزق كل المسلمين اجمعين يارب

وجزاكم الله كل خير