ازيكو يا حلوين ؟
طبعا كل واحدة فينا عندها علب كتير فى البيت اشكال واحجام ومش عارفين نعمل بيها ايه ممكن نحولها لشكل جميل ونستخدمها لوضع حاجتنا فيها زى المكياج او ادوات الخياطة او الدبابيس بتاعتنا حسب حجم كل علبة
وممكن كمان نستخدمها علب للهدايا وتكون شكلها جديد وجميل ومن صنع اديكى بخامات بسيطة وطريقة سهلة .
وتعالوا شوفوا ازاى حولت علب الكرتون اللى عندى لعب هدايا .

ودى اول علبة



الطريقة \ هنجيب علبة مدورة كبيرة او مربعة الشكل _ وورق لف هدايا او اى قماش متوفر عندك او ورق جلاد ملون - لصق - واعواد للزينة متوفرة فى المكتبات - واذا مالقتيهاش استخدمى اى شىء تزينى بيه من عندك ورد او اى خامات متوفرة
ودى صورة الخامات اللى استخدمتها

بنغلف العلبة بالقماش عن طريق اللزقة ونسويها بالمقص وبنشكل اعواد الزينة حسب الشكل اللى عاوزينه ( شكل القلب _ شكل الوردة ) وهى اعواد سهلة التشكيل .



شكل القلب ونلزقها على العلبة باللزق



وده شكل الوردة ونلزقها

اما شكل الوردة المجسمة اللى هنزين بيها مركز العلبة
هنجيب شريطة عريضة من القماش ونلفها على شكل دائرى ونثبتها على العلبة بالدبابيس زى ما شفتوا فى الصورة

وبكدا بقا نكون وصلنا لشكل العلبة النهائى ولو العلبة حجمها كبير ممكن تقسميها من الداخل قسمين او 3 اقسام بالورق المقوى .

ودى اشكال تانية من العلب احجام مختلفة بنغلفهها بالورق الملون او بورق ابيض ونلونه
اول علبة لزقت عليها وحدات من الورد الملون بنرسم ورد على ورق ابيض ونلونه ونلزقه

او علبة نلونها ونرسم عليها بالالوان الشكل اللى يعجبنا ونلزق عليها فصوص

وبكدة نكون استفدنا من العلب اللى عندنا وممكن كمان نستخدمهم كديكور فى المنزل

ويارب تعجبكم واسفة على الاطالة

ماشاء الله اعماااال جميله وبسيطه

بارك الله فيك

دمتي بخير

تسلم الايادى
مشكوره حبيبتى

اعمال جميلة شكرا لك
تسلم ايديك