يوم الخضار العالمي :) تجربتي و ان شالله تفيدكم

السلام عليكم و رحمة الله و بركاته

هذه التجربة كنت شاكة بنجاحها لاني كنت ارى انها صعبة التنفيذ ، و كنت املك الوقت يوميا لتجهيز متطلبات الطبخة و اعدادها بسهولة ، لكن بعد ان من الله تعالى علي و رزقني الاطفال بدأت احس بضرورة تطبيق هذه التجربة و الحمدلله افادتني و اختصرت من وقتي الكثيييير و لذلك احببت ان افيد حبيباتي في المنتدى

ممكن في منكم بيعملوها بس معلش اعتبرو حالكم اول مرة بتسمعو فيها

يوم الخضار العالمي هو اليوم اللي زوجي بجيب فيه الخضار لاسبوع او اكتر ، بعد ما كنت اجيبها يوميا بس الوضع بطل يسمح .. و صرت في هاد اليوم اجهز كل الخضار للطبيخ طول الاسبوع، منها بعرف حالي شو رح اطبخ، و كمان متل ما حكيت بختصر وقت و جهد كتير

اول شي دايما ببدا بالباذنجان ، بقسمه جزئين: جزء على طول بحطه بصينية و بالفرن ( للمتبل) ، والجزء التاني بقشره و بقطعه شرايح و بحطه بمصفاية و عليه شوية ملح

بعدين الكوسا، الكبير بقطعه و بحطه بلكياس صغيرة بالفريزر( للشوربات) و الصغير بنقره( بحفره) للحشي سواء رز او لحمة
بعد هيك الورقيات،،، البقدونس بنقيه و بغسله و بنشفه بمنشفة عشان السرعة، و بفرمه بال multi chop و اذا ما عندك ممكن بفرامة الملوخية .. و بحطه بتبروير و بستخدم منه طول الاسبوع ... و كل ما اطول منه شوي بحب حالي لاني بكررره فرم البقدونس
و النعنع، الجرجير ، البصل الاخضر، كله بقطفه و بحطه بتبرويرات بالتلاجة لوقت الاستعمال
الفاصوليا و اللوبيا ، بقمعهم يعني بقطعهم و بحطهم كمان بتبروير( طبعا مستحيل يجيبلي بنفس الاسبوع فاصوليا و لوبيا مع بعض ... )
الليمووون .. بعصره كللللله و بقوالب تلج عالفريزر
السبانخ و شلته... تنظيف و فرم و غسييييل و بعدين باكياس بالفريزر للفطاير
الجزر... شي ببشره للبخاري و السلطات .. و شي بفرمه عادي و شي بخليه للقرط
و غالبا بعمل حشوة خضار و بخليها بالفريزر .. اللي هي بطاطا مع جزر و بازيلا

متذكرين الباذنجان اللي بالفرن؟؟؟ بكون استوى بطلعه و بقشره و بالخلاط مع طحينية و ليمون و ملح و شوية لبن .. و صار احلى متبل للاسبوع كله
و الباذنجان اللي بالمصفاية ..بتكون نزلت ميته و بقليه و بحطه بالثلاجة و غالبا بستعمله تاني يوم .. انا نقلوبة او صينية باذنجان او فتة .. عشان ما يطول الزيت بالتلاجة
و شووو كمان يا دندووون ... طبعا في اشياء بتضل على حالها متل البطاطا و البندورة و البصل و الخيار ... ممكن مع الوقت الاقيلهم صرفة

ان شالله يكون الموضوع عجبكم.. هي صحيح 3-4 ساعات بتهد الحيل، بس والله مرييييحة طول الاسبوع

سلام

شكرا اختي علي المعلومات القيمه وعلي فكرة انا مصريه وزوجي اردني وبحب الاردن كتير

فعلا افكار حلوه وبتريح كتير

طول الاسبوع بدل ما تبتدي الطبخه من اولها تبقي عندك حاجات جاهزه وانت تنفذي علي طول

ان شاء الله اجرب اعمل زيك

بس ليا سوال الكوسه مش بيجري ليها وانت حطها في الفريرز

تسلم ايديكى
بسندى سوال الليمون مش مكن طعمه يغير
مع الشكر
ام سجده

كتبت بواسطة marwa_dly

شكرا اختي علي المعلومات القيمه وعلي فكرة انا مصريه وزوجي اردني وبحب الاردن كتير

هلا باهل مصر العفو اختي

كتبت بواسطة دعوة للتفاؤل

فعلا افكار حلوه وبتريح كتير

طول الاسبوع بدل ما تبتدي الطبخه من اولها تبقي عندك حاجات جاهزه وانت تنفذي علي طول

ان شاء الله اجرب اعمل زيك

بس ليا سوال الكوسه مش بيجري ليها وانت حطها في الفريرز

اهلا اختي
انا الكوسا ما عمري طولت عليها اكتر من اسبوع و ما حسيت انها تغيرت .. بالاول بتشوفي لونها صار شفاف من التجميد بس مع الطبخ عادي .. ممكن تحفظيها بالتلاجة اذا حبيتي و ما كانت المدة طويلة

كتبت بواسطة sagdaaaa

تسلم ايديكى
بسندى سوال الليمون مش مكن طعمه يغير
مع الشكر
ام سجده

اهلا ام سجدة
لا الليمون ما بيتغير طعمه انا بستعمل قوالب التلج اللي لها غطاء عشان ما تعشق ريحة اللحوم او السمك
وممكن انتي بعد ما تجمدي الليمون على طول تفرغيه في اكياس و تسكريها كويس عشان ما يتغير طعمه

معلومات قيمة
جزاك الله خير

كتبت بواسطة ام علاء $

معلومات قيمة
جزاك الله خير

شكرا لمرورك

ما شاء الله افكارك جميلة جدا جزاكى الله كل الخير