السلام عليكم يا حلوين
اليوم نزلت كم صورة من كتاب ايتامين عندي
الرسومات سهلة و بتقدروا تتابعوها بالعدد
ان شاء الله تعجبكم

انا ما صغرتها لانه ما الها باترون و هيك بتقدروا تعدوا القطب

جميلة جدا بارك الله فيك يا هاوية طبخ
ما شاء الله حلوين
بس انتي عاملاهم ايش، خدديات؟ والا شي تاني

لا و الله انا مش مشتغلاهم هي هيك الصو من الكتاب
بس انتي فرقي الموتيفات كلا على حده و كل واحدة بتنفع لشي
عندك مثلا اول صورتين بينفعوا على ياقات قمصان البنات او فساتينهم
ثاني صورتين فيهم افكار لدواير الخداديات او المفارش
ثالث صورتين فيهم افكار موتيفات صغيرة تنفع على البطاقات ، مساكات المطبخ ، مفارش الشاي
قاعدات الاكواب ..... الخ
و انتي اتصرفي

الاخت هاويه طبخ

ماشاء الله كل مواضيعك جميله وحلوه

جزاكي الله كل الخير

جزاكي الله كل الخي

مشكورة حبيبتي كنت محتاجة لهيك شي
سؤالي وين تعلمتي التطريز و الأشغال اليدوية ؟؟؟؟؟
.

الى الاخت ام سالي المبتكرة للمفارش
عزيزتي انا قد قمت بالتعرف عن نفسي في موضوع سابق
تعلمت التطريز و الاشغال اليدوية كامتداد لمواهب و هوايات والدتي اطال الله في عمرها
فهي فنانة و صاحبة ذوق رفيع جدا لا ارتقي لمثله ... هي مدرسة موسيقى متقاعدة اما انا فمدرسة فيزياء و كيمياء كانت تشرف على تعليمي هذه الهوايات في الصيف و تنفق على كل متطلبات هذه الاعمال حتى جعلتني اتقن اعمال التريكو باحتراف بكل ما به من غرز و ايضا اعمال التطريز كافة و حتى الحرف اليدوية قمنا سوية بعمل اشياء و اشياء كثيرة بس خاصة لنا و لمناسباتنا و ليس للبيع و هي مرشدتي و دليلي لما اطمح اليه جزاها الله كل الخير عني
هي كانت تحتفظ بمجلات تخصصية للتطريز من الستينات و انا الان احتفظ بها و بما اضفت عليه من مجلاتي الحديثة
طبعا لا اريد ان ابخس مدرسات التربية الاسرية اللاتي قمن بتعليمنا في المدرسة حقهن فاول مدرسة تربية اسرية كان لها الفضل في تعليمنا الغرز المبسطة و اتقان نظافة العمل من الخلف و هذا من اهم و من اولويات العمل و الياقي كان لهن الدور في تدريبنا بعد ذلك
بس للماما الفضل الاعظم
عماتي يتقن اعمال التريكو و الكروشيه و مع ذلك لم اتمكن من التعلم منهن لاننا نعيش في الامارات من 30 سنة و نحن سوريين فعشنا بعيدا عن الاهل لكنني تعلمت الكروشية بطريقة علم نفسك بنفسك و نجحت و الحمد لله طبعا بمساعدة الدروس التوضيحية بالمجلات المتخصصة و بتشجيع الوالدة و الوالد رحمه الله
هل اطلت عليكي ؟؟؟

هاوية طبخ مشكورة حبيبتي يا ريتك عنا كنت على طول رح اتعرف عليكي
لانه شكله انسانة خلوقة ومحبة للخير
هاد الايتامين مبين انه الخيوط اللي في مش حرير زي الصوف؟؟
انا من كتر الاشيا اللي حابة اتابعها و اتعلمها صرت اتخربط
بس يا ريت تشوفيني في موضوع الغرز
عندي استفسارات كتير بس مش عارفة كيف ابلش و الله
انا بحب الايتامين و بطرز و مشتركة من الاول بموضوع رنا و لوز الله يجزيكي و يجزيهم الخير
اسمعي بما اني صرت كاتبتلك هون. هو انا بشوف كتير امثلة من مفارش و غيره من شغل الغرز بحس دايما غرزة الحشوة المايلة هاي بتكون بخيوط رفيعة كتير مش تخينة زي الخيوط اللي بنستخدمها في الايتامين
مع اني فهمت من دورتك انها نفس خيوط تطريز الايتامين؟
آسفة اضطريت اكتبلك هون النت بطئ بدي مية سنة عشان ارجع لموضوعك

اهلا و سهلا فيكي يا سيدة ملعقة
بتشكر لطافتك معي و مثابرتك في الموضوعات الخاصة بالتطريز
انا هلأ شفت سؤالك
حبيبتي و الله هي نفس الخيوط بس في شلل و في مكبات
الشلل يمكن فصل الخيط فيها الى 6 فتلات
و بذلك تشتغلي بفتلة و احدة او اثنتين .... الخ او 6
الفرق انك كل ما بتزيدي عدد الفتلات كل ما بيبرز الشغل