تويت
❤ Orange Pie ❤ الابتكار الأروع من مطبخ بيرو ❤ مشاركة فى اميرة البرتقال ❤
بيروووووو وصلت بإختراع جديد
طبعا اول ما حبيبتى نانى نزلت موضوع حلويات بالبرتقال .. جه فى بالى على طول كيكة البرتقال .. قلت مافيش غيرها حلويات
لكن انا مايرضينيش انى اعمل حاجة تقليدية ..
المهم ماطولش عليكم
جبتلكم النهاردة ابتكار خطير
محمد << جوزى .. واللى ربنا يعينه فى ابتكاراتى واختراعاتى المطبخية
قالى ايه لما داق .. قالى لازم لجنة التحكيم تدوق علشان ماينفعش تحكم على الاختراع ده من خلال الصور 
بينى وبينكم انا قلت انه بيضحك عليا علشان اقوم احضر العشا
ندخل فى المفيد .. يلا بينا
Orange Pie
وفى رواية اخرى فطيرة البرتقال
نصف كوب عصير برتقال
ربع كوب لبن حليب
نصف كوب زيت
نصف كوب زبادى
نصف كوب سكر
2 بيضة + برش برتقالة
ملعقة صغيرة مستخلص البرتقال
لفة جلاش
ملعقة كبيرة بيكنج بورد
اخدتكوا بالكم من الcating board بتاعى .. برتقال برضوا << حب انتماء للبرتقال
نضع كل المكونات (ماعدا الجلاش) فى طبق عميق
نخلط بالمضرب الكهربائى لمدة3 دقائق
ليصبح الخليط بهذا الشكل
نقطع اوراق الجلاش
مربعات مكعبات .. انتى وراحتك مع الاشكال الهندسية
نضع الجلاش على الخليط السابق
ملحوظة: المرة دى حطيت نصف باكيت الجلاش .. المرة الجاية بإذن الله استخدم الباكيت كله
ونقلب
ونصب الخليط فى صينية مدهونة وندخله فرن حامى لمدة نصف ساعة او 35 دقيقة
وهنا النتيجة بعد ما طلعت من الفرن
يا سلام على اللون الذهبى والا ريحة البرتقال اللى مالية البيت
تعليق