############ *_* صينية القزحة *_* ################

السلام عليكم ورحمة الله وبركاته لكل اهل المنتدى
الحقيقة انا عضوة جديدة بس متابعة للمنتدى من زمان وواستفدت منكم كتتير الله يوفقكم للخير كمان وكمان ووكنت من زمان حابة اشارك معكم بوصفاتي بس بلاقي الكل بيعرفها او انها مكررة بس هالمرة رح اعطيكم حلو كتتتير مفيد وززاكي كتتير اتمنى تجربوه وتحكولي رأيكم واتمنى ما يكون مككرر
_صينية القزحة (حبة البركة)

المقادير
1 كاس من خليط القزحة والسمسم
1 كاس من طحين القمح (الطحين الاسمر)
1 كاس من السميد
نصف كاس سكر
اقل من النصف زيت قلي
ملعقة صغيرة خميرة
ملعقة صغيرة بيكنج باودر
رشة ملح
ماء دافئ للعجن
مكسرات حسب الرغبة (لوز او فستق)
قطر بارد

الطريقة
1) طريقة خليط القزحة والسمسم ,,,,,, نحمص القزحة و السمسم ثم نخلط مقدارين من القزحة مع مقدار واحد من السمسم ونطحنه جيدا
2) نخلط الخميرة مع نصف كاس ماء وملعة سكر وتترك جانبا حتى تظهر الفقاعات
3) نحمص طحين القمح على النار قليلا
4) نخلط المواد الجافة معا ثم نضيف الخميرة والزيت والماء الماء الى ان ان يصبح قوامها مثل الهريسة او اجمد قليلا
5) يوضع العجين في صينية مدهونة بالزيت او بالطحينية ويسوى ظهر العجين براحة اليد المبللة قليلا بالماء
6) تقسم الصينية الى مربعات اوشكل بقلاوة ثم يزين كل جزء بالمكسرات
7)تترك الصينية مدة ساعة او اكثر حسب الجو للتتخمرثم توضع بالفرن (تقريبا درجة الحراة مثل الهريسة 170درجة مئوية)
حتى تنضج (تعرفين ذلك من احمرار الاطراف قليلا او اختبريها بعود ثقاب ) تقريبا تحتاج الى ثلث ساعة او اكثر
8) بعد ان تنضج تحمر من الاعلى قليلا تم تخرج من الفرن ويصب عليها القطر البارد

ممكن حشو صينية القزحة بالجوز وجوز الهند نفس الطريقة بس لما تحطيها بالصينية اقسميها قسمين افردي القسم الاول بالصينية ثم رشي الحشو (الكمية حسب الرغبة بس ما تكتري كتتتير بعديين بتغير طعم الصينية ) وغطيه بالقسم الثاني واكملي كما في الاول ,,,,,,,,,,,,,,,,,,,,,,,,,,,, وصحتين و عافية

السلام عليكم ورحمة الله وبركاته السلام عليكم ورحمة الله وبركاته

يسلموا ايديك اخت زهرة و اهلا و سهلا فيك بين اخواتك
و ياعيني اذا اول مشاركة هيك حلوة
و على فكرة انا فلسطيية اردنية, و بصير قلبي يرقص لما بسمع حدا من الاردن , من ريحة الحبايب (اهلي ) ...

يسلموا الايادي , بشهي شكلها و كمان انا من الاردن يلا كترنا مع بعض , عندي سؤال يا ترى بتعرفي القزحة السائلة الي متل الدبس كيف بتنعمل فيد ينا ولك الشكر ..

على فكره انا بعرف انه بنات جينين كثير بيعملوا هذه الوصفه وكمان اهل جنين معدلين كثير

وسلم دياتك على هالحلى رح اسويها واقول لك بس اجهز المقادير

واخت لموعه بدك وصفه القزحه السائله قبل فتره حطتها الاخت وعود الخير
ورح ادور على الرابط
هنلي .. وين طريقة ال........

شكرا لك اختي ام رامي الاخت لموعة و الاخت هنلي وعذرا عن الرد المتأخر جدا بس الكمبيوتر مو راضي يفتحلي على المنتديات ابدا لحتى فرمته من جديد ويا اهلين مرة ثانية

يعطيك العافية على الوصفة

أموت في جينين وحلويات جنين ..
يسلموا يازهرة احلى المدن.

يعطيج العافية على الوصفة اللذيذة بس سؤال المقدار المتبقي من السمسم شسوي فيه أرشه على الوجه ولا أحطه مع العجينية مع الشغلات الجافة ؟؟؟؟

مرحبا يا صبايا
يا اهلين فيكم كلكم
بانسبة الك اخت عسولة انا ما فهمت سؤالك منيح بس المفروض تخلطي مقدار السمسم مع القزحة قبل ما تطحنيهم وهيك ما بتغلبي في السمسم المطحون وكمان السمسم بيتجانس احسن لو انطحن مع القزحة وكمان بتقدري تضيفي للعجينة سمسم حب
واي سؤال انا حاضرة

انا مني وعليي قمت اول شي بتحميص السمسم والقزحه وبعدها طحنتهن في تبعت البهارات اللي في المولينكس وبعدها وضعت كل الكميه في الخليط
وزياده من عندي
رشيت شويه مكسرات لوز وسمسم وقزحه على الوجه
جربوها على ضمانتي بس لا تنسوا تدعنوا للاخت زهره جنين الله يرضى عليها