بسم الله الرحمن الرحيم
السلام عليكم ورحمة الله وبركاته
شو يا ست هنلي يعني صرت مشرفة شفت حالك علينا .. إيش هالحكي الفاضي .. لتفكري غزة بعيدة عن قلقيلية.... الجدار واحد.


لا تزعلي بس كنت بمزح معالك انت عارفة معزتك عندي

من فترة الأخت لموعة طلبت منك طريقة صينية القزحة ومن يومها وانا بستنا اليوم بكرة بتكتبها ...
ام تالا يا حلوة .. اكتبي طريقتها وانا بعدين باكتب لك كيف باعمل القزحة معمول


صدقيني باعمل القزحة معمول وبيطلع طيب كثيييير كل من ذاقه عندي مدحه وطلب طريقته.
عمالة دعاية لمأكولات الضفة في غزة.
بانتظار ردك وانا واثقة انك لن تخذليني

اعذريني اختي والله طلباتك وطلبات الاخوات على عيني وعلى راسي
بس انا صراحه قرات طلب الاخت ورديت بس المشكله الها الخدمه كم يوم بطيئه عنا مش عارفه ليش
بس الصراحه اول مره بسمع بالقزحه انا بعرف انه القزحه هي حبه البركه وتوضع في المعمول وبعض الحلويات اما انه يصنع منها حلى المعمول الصراحه ما بعرف
اه ستي انا التيتا يعني بتعمل حلبه طيبه كثير كثير وبتحط فيها كميه من القزحه اذا بدك طريقتها انا حاضره
ممكن تكتبي طريقتك يمكن اكون عارفها بس اختلاف الاسماء ومنكم نستفيد

يا سلام اتخانقو و انا موجوده بينكم

يعني ما في احترام

بمزح بمزح

انا كنت قريبه عن هون

حبيت امسي عليكم

مرحبة بالاخت وعود الخير يسلم تمك انك زكرتي هنلي بالقزحة وكمان راح نكسب منك وصفة معمول وانا انتظرها منك, ويااخت هنلي القزحة الي بحكي عنها شكلها مثل الدبس بس لونها اسود وتؤكل بالخبز اكلتها مرة بالاردن عند صديقة فلسـطينبة بس من زمان ايام المدرسة , بالفعل كانت لذيذة , بفتكر الستات الكبار بعرفوها واناىسالتك لاني يشعر انك ما شاء الله شطورة بالوصفات الزاكية , فاذا حصلت على الطريفة لا تبخلي علينا وتسلمي .

لموعة لا شكر على واجب
سهر الليالي .....شو قصتك يا بنتي وين ما بروح بألاقيك في وجهي .. بس من غير زعل.

هنلي ..ز كنت واثقة انك مش رايحة تفشليني....
سأكتب لك المقادير والطريقة فيما بعد ... بس القزحة بتكون شبة سائلة يعني مثل الطحينية.
انتظري الرد القادم ....

اعتذر عن تأخري بالرد ..
لموعة .. كرمالك راح اعمل اتصال مع الوالدة وأسألها عن طريقة صينية القزحة ... ولا يهمك يا قمر بس فاتورة التلفون على مين احولها ...

معمول الحبة السوداء (حبة البركة)

المقادير:
- 6 كوب طحين
- كوب ونصف قزحة سائلة
- 2 كوب زيت زيتون (وممكن كوب زيت زيتون + كوب زيت ذرة)
- 2 ملعقة كبيرة سكر
- 2 ملعقة صغيرة خميرة
- 2 كوب ماء دافئ للعجن (حسب الحاجة )
- ملعقتين سكر للحشو
- جوز أو لوز مفروم للحشو
- سكر بودرة للزينة
الطريقة:
- أولا ينخل الطحين ويضاف السكر + حبة البركة السائلة + الزيت + الخميرة ويعجن جيدا باستخدام الماء حتى نحصل على عجينة مثل عجينة معمول الطحين.
- تقطع العجينة قطعا بحجم البيضة الصغيرة
- تنقر العجينة كما تنقر الكبة وتملأ بالحشوة.
- تغلق إغلاقا محكما وتوضع في قالب معمول للحصول على الشكل المطلوب.
- ترص في صينية وتدخل فرن معتدل الحرارة حتى احمرار خفيف في الأسفل.
- تخرج من الفرن وتترك لتبرد
- ترش بالسكر البودرة …
- أو تحفظ في مرتبان زجاجي محكم الإغلاق وتبقى صالحة لعدة أشهر.
و صحتين وعافية وان شاء الله تعجبكم
وحاضرة لأي سؤال.

اخواتى

ممكن اعرف طيب ايش هى القزحة

ما شاء الله عليك
شكلها بتجنن يا اختي وعود الخير

ولكن عل تقصدي بالقزحه السائله الي هو زيت القزحه او زيت حبه البركه ؟؟
ارجو الرد السريع لانه عندي زيت جبه البركه واذا هدا قصدك خليني اجربها
الله يرضى عليك

السلام عليكم ورحمة الله وبركاته
أختي روح المرح : القزحة هي حبة البركة أو الحبة السوداء شكلها زي السمسم بس لونها أسود.
عزيزتي ميرفت ... حبة البركة السائلة تكون بكثافة الطحينية وتختلف نهائا عن الزيت. هي بالضبط سائلة لزجة ولونها أسود ومن الممكن أكلها مع العسل بالضبط مثل الطحينة.
اتمنى أن اكون قد وضحت لك .

شكرا لك اختي وعود الخير وزي ما قلت اول مره بسمع في معمول القزحه ومنكم نستفيد
وعلى فكره للاخت لموعه في اشي نفس اللي بتحكي عنه وهو رب الخروب وهو زي العسل
ولونه اسود او بني غامق وطعمه حلو
وشكرا