بسم الله الرحمن الرحيم
والحمد لله رب العالمين
والصلاة والسلام على سيدنا محمد ..
*.......**.......*
- اللهم بلغنـا رمضـان -
حياكنَّ الله أخواتي الحبيبات
أسأل الله تعالى أن تكنَّ بخير حال ، كما أسأله تعالى أن يمن علينا ببلوغ رمضـان لا فاقدين ولا مفقودين
جئتكن اليوم بحلوى رائعة مع الشاي والكابتشينو ، تصبيرة بين الإفطار والسحور
تعلمتها من أم زوجي - بارك الله في عمرها - وعادة لأنه خفيف المحمل أهديه لأخواتي في المسجد ..
رحبنَّ معي اليوم بـــ
::
][ بسكويت اليانسون ][
المقادير على ترتيب استخدامها :
5 بيضة
1 كوب سكر
1 كوب زيت ذرة
فانيليا
2 ملعقة كبيرة يانسون مغسول ومصفى من الماء
3 كوب دقيق
1 ملعقة كبيرة بيكينج بودر
الطريقة :
نخفق البيض بواسطة مضرب البيض [ أو أي وسيلة أحدث حسب الإمكانيات المتاحة ] ثم نضع السكر ونخفقهما معاً
مع إضافة الفانيليا حتما يتكون معنا سائل ثقيل نضيف الزيت ثم اليانسون
[ أنا حماتي بتختصر كل ده وبتجيب الخلاط العادي وتضع البيض والسكر والفانيليا والزيت واليانسون مرة واحدة وتضربهم شوية وخلاص ]
بعد ذلك نضيف البيكينج بودر مع الدقيق ونضيفهم للخليط السابق ونحرك ببطء حتى لا يخرج الهواء
حتى تنتهي كمية الدقيق ويختفي تماماً
نحضر قالب الخبز ويكون قالب حوافه قصيرة ويا حبذا لو كان مستطيل لو مربع عادي جداً ولو دائري ولا بتفرق معانا
: )
ندهنه بقليل من السمن ونصب الخليط
أنا سبته لحد ما تساوى الخليط فيه لوحده
لكن حماتي بتدهن إيدها زيت وبتساويه بإيدها بس لما عملته كده لزق في إيدي برضه فقلت أسيبه براحته
[ حماتي خبرة اللهم بارك أنا لسه بتعلم ]
وندخله الفرن على درجة حرارة متوسطة تقريباً ربع ساعة بس يا ليت لو كل شوية نبص عليه علشان أوقات بيستوي بسرعة
ولما يستوي بشغل الشواية علشان الوجه يتحمر
وبعد ذلك لما يخرج من الفرن نسيبه شوية ونقطعه طولياً شرائح رفيعة وبالعرض على حسب ما نحب شكل البسكويت في الآخر
وفي صاج الخبز نرصه بحيث تكون الجوانب وشها لفوق ونشغل الشواية لحد ما تتحمر
معذرة اتلسع مني علشان كنت المفروض أخرج في الوقت ده ونور كان بيبكي فاتلخبطت
بعد ما يخرج من الفرن نقلبه على الناحية الثانية ونحمرها علشان يكون محمر من جميع الجوانب
والنتيجة قبل ما النور يقطع
الروابط المفضلة