ازيكم اخواتى فى الله يا رب تكونوا كلكم بخير و بصحة جيدة
حبيت نعمل سوا مربى الفراولة
و على فكرة الموضوع ده انا كنت مجهزاه و عملاه مخصوص
لملف الفراولة اللى فات بس لم يقدر له النزول وقتها و الحمد لله على كل حال
و ميزة مربى الفراولة هنا انها مش بتاخد سكر كتير زى اغلب المربات ( شرط انها تتشال فى التلاجة )
لان السكر الكتير ده بيخلى طعمها حلو زيادة فالبتالى محدش بياكل منها كتير
تحسى انك عايزة تاكلى زتونه ورا كل لقمة مربى هههههههههههههه دا بالنسبة للسكرها زيادة عن اللزوم
لكن هنا مربى الفراولة بتجمع ما بين الحلاوة المعتدله لطعم مربى الفراولة + التوفير فى السكر
نبتدى بسم الله3 كيلو فراولة مغسوله و مقطعة ( و ممكن تضربيها فى الخلاط لو تحبى بس انا هنا بحبها قطع )
المقادير
1 كيلو سكر فقطط ( و احيانا بنقص من الكيلو سكر كوب سكر كمان )
عصير 2 ليمونة متوسطة
بسسسسسسسسسس
لا بحب اضيف لون و لا قرفة و لا قرنفل( انا عايزة احس بطعم الفراولة و بسسسس )
الطريقة
هجيب الفراولة المتقطعة عندى فى الحلة و اضيف اليها السكر و اقلبها مرتين بالمعلقة و اسيبها فى التلاجة ساعتين تلاته
عشان تنزل العصير اللى فيها
احط الفراولة على نار متوسطة و مش اغطيها ابدا لانها بتفووووور خلى بالكم
و لما تلاقيها عملت حاجات بيضة على الوش (الريم ) بتشيليها بالمعلقة
و لما توصل للسمك المطلوب اضيف عصير الليمون و اسيبها 5 دقايق كمان بس على نار هادية شوية وا طفى عليها
و لما تبرد اعبيها فى برطماتان و اشيلها فى التلاجة
و بتبقى روعة فى حشو الكيك او البسطا فلورا و السويسرول
بقى فى اسهل و لا اطعم و لا اوفر و لا انظف من كداااااااااا؟
اكيد لا ... لان مفيش احلى من عمايل ايديكى انتى
يا رب موضوعى البسيط يكون عجبكم
و عايزة منكم دعوة حلوة لاختكم ام يحيى و مازن
فى رعاية الله و حفظه
احبكم فى الله
الروابط المفضلة