اثورة يا عسل **قرع العسل وصل **لملف الباشميل

المقادير1 ثمرة قرع عسل متوسطة
3/4 كوب سكر عادى ( للقرعاية )
2 م ك جوز هند
2 م ك زبيب
1/4 كوب ماء
م ص ماء ورد اذا وجد

و دى مقادير الباشميل الحلو
3 معلقة سكر
3 م ك جوز هند "دى الاضافة الاولى لانو هينضاف للباشميل و يخلى الطعم رائع
3 م ك زبد او سمنة
3 كوب لبن ( ممكن نص ماء و نص لبن )
بيضة واحدة بس
فانيليا

الـــــطــــــريـــــــقـــــــــــــــــــــة
1- طبعا هتقشرى القرع العسلى و تبشريها بالمبشرة و بعدين تحطيها فى الحلة مع3/4 كوب السكر العادى و تسيبهم نص ساعة و بعدين تحطى المية و تسيبيها على النار لحد ما تستوى و تلاقيها انهرت او بقت مهرية بنسبة 90 % و بعدين حطيها فى المصفة عشان تصفى المية اللى فيها
2- وانتى بتسوى القرعاية على النار حضرى الباشميل اللى هقولك على طريقته و هى :
حطى 3 م سمنة فى اناء على النار و بعدين حطى الدقيق قلبيه لحد ما يبتدى لونه يصفر و بعدين حطى اللبن و قلبى كويس وسبيها تغلى لمدة 3 او 4 دقايق و قبل ما تطفى عليها بنص دقيقة حطى السكر بتاعها و جوز الهند
و لما تبرد طبعا تكونى ربة البيض بشوية فانيليا و لما يبرد الباشميل حطى البيضة بس مش كلها سيبى شوية صغيرةعلى جنب ( هنضيفهم لوش الباشميل )
كدة احنا حضرنا الباشميل
3-نرجع للقرعاية ههههههههه ( متفهمونيش غلط ) شوفى يا ستى ... احينا صفينها من المية حطى بقى عليها جوز الهند و الزبيب و الماورد و تقلبهم كويس
تجيبى صنية و تحطى نص الباشميل فى قاع الصنية و بعدين تحطى القرع العسلى و طبعا تحطى باقى الباشميل على الوش
4- تجيبى شوية البيض الصغنانين اللى فاضلين و تمسحى بيهم وش الصنية و تكونى طبعا مشغل الفرن قلبها بخمس دقايق عشان الوش يحمر



و لما تتطلعيها من الفرن تسيبها تبرد الاول و بعدين تحطيها فى التلاجة لانها مبتتكلش الا و هى ساقعةو تقطعيها و ترصيها فى طبق ...و الطعم بقى مقولكيش........حكااااااااااااااااااية



اتمنى انها تعجبكم




و اعو تنسوا اختكم ام يحيى باى دعوة حلوة

و انتى و ضميرك بئى ههههههههه

فى رعاية الله و حفظه
احبكم فى الله