حلا طبقات البسكويت بخلطه الكريما
الجو صار دافي وصرنا بدنا حلويات بارده واليوم جبتلكم حلو بارد كثييييييييير بشهي وطعمه زاكي كثير والكل راح يحبه
المقادير:
بسكويت شاي
4 مغلفات كريما بودره
نص علبه حليب مكثف محلى
5حبات جبنه مثلثات
علبه قشطه
ربع كوب ماء بارد
ملعقتين كاكاو بودره
كاس حليب سائل لتغميس البسكويت
للتزيين :
فراوله
شوكلاته مبروشه
الطريقه :
بنحضر خلطه الكريما بنخفق الكريما البودره مع الجبنه والحليب المكثف والقشطه والقليل من الميه اذا شوفناها جامده كثير
بنرتب طبقه من البسكويت بعد ما نغمس البسكويت بالحليب السائل وبنوزع فوقه كميه من خلطه الكريما وبعدها بنرجع نعمل كمان طبقه بسكويت مغمس بالحليب فوق الكريما وبنحط طبقه كريما فوق البسكويت بعد ما نكون اضفنالها ملعقه كاكاو عشان لون الطبقه الثانيه يكون اغمق من الاولى وبنرجع نحط كمان طبقه بسكويت فوق الكريما واخر طبقه بتكون كريما بنضفلها ملعقه الكاكاو الي ضلت وهي بكون عنا 3 طبقات من البسكويت والكريما وبنزينها مثل ما بنحب وبنحطها بالثلاجه بصراحه طعمها كثييييييييير زاكي بنصح الكل يجربها
رد مع الاستدلال
[/IMG]
الروابط المفضلة