كرات الكيك بالشوكولا

سبق وعملت كيكة اسفنجية وللاسف ما نفشت وعجنت شوي اثناء الخبز
المهم قلت حرام تنرمى وتركتها بالبراد يوم كامل

في اليوم التالي استخدمتها
والمقادير والطريقة كالتالي

كيكة خربانة يعني ما نفشت او فيها خطا معين او اي كيكة بايتة عندك
حليب مركز غير محلى لانو الكيكة فيها سكر
توابل ( قرفة ،قرنفل ، زنجبيل ، هيل ) حسب الرغبة

شوكولا مذابة مع قليل من الزبدة
الطريقة
طحنت الكيكة بالفود بروسيسر لصارت فتات متل البقسماط واضفت التوابل
بحسب ما تحتاج الكيكة اضفت حليب مركز وعجنت لتشكلت عجينة
وبعدها كورتها كرات وتركتهم ليرتاحو شوي
دوبت شوكولا نص خام ونص بالحليب مع ملعقة زبدة
غمست الكرات فيهم وتركتهم مرة تانية لتصفو منيح وجمدو
انا زينتها برشة كاكاو وفيكي تزينيها كيف ما بتحبي



ارجو ان تنال اعجابكم

كثير حلو
وفكرة جميلة
تسلم ايديك

حلو جدا يا مرمر
خاصة للي بيفشل كيكهم كثير مو انا طبعا


تسلمي يا ام الافكار

يسلموا ايديكى فكرة كثير حلوه

صحه وهنا على قلبكم

كتبت بواسطة sana5783

كثير حلو
وفكرة جميلة
تسلم ايديك

الله يسلمك يارب

كتبت بواسطة MUM

حلو جدا يا مرمر
خاصة للي بيفشل كيكهم كثير مو انا طبعا


تسلمي يا ام الافكار

الكل بيفشل معهم الكيك إلا انتي معقووووول ؟!!!!
ربي يسعدك حبيبتي

كتبت بواسطة (( ام ماهر ))

يسلموا ايديكى فكرة كثير حلوه

صحه وهنا على قلبكم

الله يسلمك يارب احلى ام ماهر

والله يا مروة باخر فترة عملت كيك 3 مرات وفشل ما اعرف السبب ههههههههه
وامس عملت كيك نجح بس مو راضضيه عنه مو مثل اول مع اني ما غيرت شي من مقاديري يعني هو نفس الدقيق ونفس البايكنج باودر

ممكن الفرن بيكون جانن او طريقة الخفق او البيكنغ باودر خالص مفعوله
بس يالله اعملي كرات هههههههههههههه لبين ما تصلحي المشكلة

هههههههههههههههه لا انا كمان فكرت هيك وجبت علبة بايكنج باودر جدييدة
بس تعرفي انا كمان شكيت بالفرن حسيت الباب ما بينغلق مزبوط

انا فرني هيك صار لهيك خربت الكيكة لجين خانم قعدت على الباب مرة وانا فاتحته قام مال وما انتبهت بس هلق لازم ادفشو شوي لجوا مشان يشكر منيح
تعرفي استعملي طحين آلدي بيجنن للمخبوزات

الحقيقة : هالكرات الحلوين صاروا بقلب تمي
و حاسة بطعمتهن الخيالية و عم إتذوفها

فكرة راااااااائعة
و الكرات بتجنن

ذكرتيني بحالي أول ما اتعلمت أعمل الكيك و كيف كاون يفشلوا معي أحيانآ
و لكن : بحياتي ما رميت شي

كنا ناكل الكيكة أنا و أهلي و ندبر حالنا

بس سبحان الله

الإنسان بيضل يتعلم و يستفيد

بارك الله فيكي
دمتي بود

ملاحظة : عجبتني كلمة : تنرمى
يا ترى في حدا ما فهم شو معناها ؟؟؟
( يمكن : بسبب اختلاف اللهجات )
بس الحقيقة : أنا بموت بمفرداتك السورية

الله يسعدك و يكرمك , و نشوفك عن قريب بسورية
إنه سميع مجيب