يعطيكم الف عافية صبايا
كان المفروض انزل كل كيكة لحال بس وقتي ضيق
وبنتي مريضة الها اكتر من اسبوع ولسه بعدها بتاخد العلاج دعواتكم يا غاليات

اليوم جايبة معي كيكة الكل بعملها وصارت مشهورة كيكة منها وفيها
بس انا حبيت احط عليها لمساتي الخاصة

بحب اشرب الكيكة بالصوص اول ماتطلع من الفرن وتتشربه الكيكة
هيك بحس طعمها اطيب واولادي بموتو فيها



المقادير
بخلاط العصير
كاسة سكر
كاسة زيت
كاسة ماء
4 ملاعق حليب بودرة
4 ملاعق كاكاو سادة
بنشغل الخلاط اقل اشي 4 دقائق
بنشيل من الخليط تلات ارباع الكاسة

بنحط عالخليط
بيضتين
بكيت فانيلا
ملعقة صغيرة خل

بنشغل الخلاط منيح

بنخل كاسة طحين مع بكنج باودر
بنصب الخليط عليه بنحرك بخفاقة يدوية
بنصب الخليط بصينية مدهونة سمنة وطحين
بنخبز الكيكة على فرن محمى مسبقا وبنعير الفرن على 170

بس تطلع الكيكة من الفرن بصب الصوص عليها طوالي رايحة تتشربه كانه قطر
خليتها تبرد منيح وزينتها بالكريما عملتها على شكل ورد
وعملت خطوط عشوائية بشوكولاتة بيضة سيحتها على حمام مائي













الوردة عملها سهل كتير على فكرة
تفرجت كتير على اليوتيوب وصرت اعرف اعملها بس بدها شوية ممارسة
وبدها الكريمة تكون جامدة منشان تساعدك بالشغل
جبت قلم حبر وصرت اعمل الوردة عليه
بس خلصت منها صرت امسك المقص وامسك الوردة فيه
بعدين بتجيبي سكينة وبتصيري تسحلي الوردة شوي شوي
وهي شكل القمع اللي استعملته

الكيكة التانية كيكة عملتها لبنت اختي ليوم ميلادها
التزيين كان ببسكوتة السكر اللي ميسو حطت طريقتها من قبل
بتعملي اي كيكة اسفنجية
انا عملت الكيكة مقدار ونص لانه بدي اياها كبيرة
بتحطي الكريمة عالكيكة منيح
بتحطي هاي البسكوتة عالكيكة وبتتركيها
بتعملي بالقمع اشكال من الكريما
معلش خبصتها شوي هههههههه بس شو اعمل بنتي لما تنكد بصير اخبص واحط

ولانه ممنوع بالمنتدى صور الارواح اخفيت شكل التويتي وحطيت صورتين بس








وهي صورة اقرب للكيكة

الكيكة المخملية
اي كيكة معتمدة عندك
بعض قطرات من اللون الاحمر

للزينة جبنة كيري مع حليب محلى










كيكة الجزر على طريقة فتوش ( ام المجد) الله يجزيها الخير

المقادير

كوبان طحين - واحد ونص كوب سكر - كوب زيت - ثلاث بيضات كبيره - معلقه فانيلا -
- من ثلاث اكواب الى اربعه جزر مبشور ناعم - نصف كوب جوز مجروش خشن (اختياري) -
معلقتين صغار قرفة مطحونه -
نصف معلقه صغيره زنجبيل مطحون - نصف معلقه صغيره جوزة الطيب ناعه - ربع معلقه صغيره
ملح - معلقه صغيره بيكنغ باودر ومعلقه صغيره بيكنغ صودا - بشر برتقاله اختياري
الطريقه :
يحمى الفرن على 180 درجه
يخلط الزيت مع السكر والفانيلا
يضاف البيض بالتدريج مع الاستمرار في الخلط
ينخل الطحين مع الملح والبهارات
يضاف نصف كمية الطحين ونخلط .. ثم نضيف الجزر والجوز ونكمل خلط
نضيف باقي الطحين ونخلط حتى يصبح لدينا قوام الكيك الثقيل
توزع في اوراق البليسيه او في وغاء الكب كيك .. انا استعملت معلقة الأيس كريم في التوزيع
كتير سهله عشان تتساوى الكميه بي كل الكب كيك وعلى الفرن لمدة من ربع ساعه
حتى ثلث ساعه وممكن نص ساعه بيعتمد على نوعية الفرن ... بس اتبعي طريقة عود الاسنان
حتى تشوفي النضج ... ورح تظهر ريحة الكب كيك علطول لما تنضج

انا عملتها بقالب كيك دائري

مقادير الكريم تشيز انا عملت نص المقدار
400 جم جبنة فيلاديلفيا أو أي نوع جبنه كريمية
نصف كوب زبده او اصبع واحد
كوبان سكر بودره منخول
معلقه صغيره فانيلا

من الأفضل أن تكون الجبنه والزبده بارده نسبيا - يعني مو بنفس درجة حرارة الغرفة
تخلط الجبنه مع الزبده والفانيلا
نضيف السكر البودره ونخلط حتى تمتزج المقادير وتتكون لدينا الكريمه
الزياده في الخلط يؤدي لعمل فجوات او فراغات في الكريمه - وهاد بعد تجربه
طبيعة قوام الكريمه يميل الى الطراوه










انا لونت شوي من الكريمة بلون اورنج منشان اعمل جزر واي حدا يشوفها يعرف انها كيكة جزر
الكيكة روعة والكريمة كتير طيبة حبيتها



بتمنى كيكاتي يعجبوكم

........

طيب انا الطش ايه واترك ايه؟؟؟؟
روووووووعة مبدعة

ماشاء الله رااااااائع كل وحده احلى من التانيه تسلم ايديك

تسلم يداك مجد الاقصى

رائعة كعكاتك

ربنا يشفي بنتك ويحفظها

تسلمي مجود كيكات ولا اروع
ربنا يشفيلك بنتك ويخليلك اياها
صحتين وعافيه يارب

ماشاء الله تبارك الرحمن طلعتي فنانة وشيف حلويات

من الطراز الأول ربي يحميكِ..وحده أروع من

الأخرى..تسلم ايدينك غلاتي ومشكورة على

طرح الوصفات والصور الشهيه..وقولي آمين الله

يشفي لك بنتك ويعافيها ويقومها بالسلامه وتبهذلك

بشقاوتها آآآآمين..ماتشوفون شر يارب.

يسلموا ايديكى مجود روعه

سلامتها الامورة الله يعينها الجو متعب

صحه وهنا على قلبكم