انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 37

الموضوع: مشاركتي الاولى في ملف الكيك ..مع طريقة الكيكة الاسفنجية واسرارها من مطبخي اتفضلو

  1. #1
    تاريخ التسجيل
    Jan 2009
    الموقع
    بين احبائي في منتدى لك ..........
    الردود
    7,463
    الجنس
    امرأة
    التكريم
    • (القاب)
      • مبدعة ركن الحلويات
      • جوهرة الحنان
      • متألقة ركن المعجنات
    (أوسمة)

    Special Cook مشاركتي الاولى في ملف الكيك ..مع طريقة الكيكة الاسفنجية واسرارها من مطبخي اتفضلو













    يعطيكم الف عافية يارب
    اليوم جايبة معي طريقة الكيكة الاسفنجية

    لنجاح الكيكة الاسفنجية:

    * يجب أن تكون كل المواد بدرجة حرارة الغرفة

    * البيض لازم تفصلي الصفار عن البياض اول ما اطلعي من التلاجة
    وبعدين تتركيه بدرجة حرارة الغرفة ساعة زمان

    * الطحين نخليه مرتين
    * السكر الناعم برضو نخليه

    * لازم الصحن اللي بدك تخفقي البياض فيه مايكون فيه اي نقطة مي حتى ما يخرب معك

    * اخفقي الصفار اول اشي وبعدين اغسلي الخفاقة منيح ونشفيها واخفقي البياض
    او اذا عندك خفاقة وعجانة بكون الشغل اسهل

    الصينية يا ريت تكون المنيوم امسحيها بالزيت وحطي ورق الزبدة وعالجوانب رشي طحين
    وازا ماعندك ورق زبدة ادهني القالب بسمنة او زبده ورشي طحين

    * شغلي الفرن على درجة حرارة 200 ولما تحطي القالب بالفرن وطيه ل160
    ماتفتحي الفرن قبل نص ساعة لانه الكيكة بالفرن بدهها تقريبا ساعة الا ربع

    * حاولي تستخدمي عود رفيع متل اعواد الشواء للتأكد من نضوج الكيكة

    * بس تستوي الكيكة اقلبيها على فوطة مطبخ وغطيها بنفس الفوطة وما تخافي عليها تهبط

    * استخدمي عصير الليمون وبشر الليمون عالكيكة الاسفنجية ويعتبر الليمون بديل عن كريم الترتار


    * اهم خطوة لنجاح الكيك المحافظة عالهوا الموجود داخل الكيكة وهاي الخطوة تتوج بطريقة التحريك الصحيحة
    وهي من فوق لتحت

    * للحصول افضل النتائج بالكيك اعملي الكيكة قبل بيوم وخليها تبرد وبعديها غلفيها بنايلون وحطيها بالتلاجة




    نيجي للمقادير

    هاي الكيكة كنت ماخدتها من عضوة هون اسمها فراشة الربيع الله يجزيها الخير
    بس انا غيرت بالطريقة شوي واعملت فيها نفس الكيك الاسفنجي العادي
    والنتيجة مرضية الحمد لله وكتير ناجحة معي


    مقادير رقم 1
    صفار 5 بيضات
    بشر ليمونة (ملعقة صغيرة)
    نص ملعقة صغيرة خل ابيض
    ملعقتين كبار فانيلا
    كاسة سكر ناعم
    نص كاسة زيت
    وكاسة الا ربع ماء
    كاستين طحين انا مرات بحط كاستين الا ربع
    انا بستعمل دائما طحين خصوصي للحلويات ومرتاحة كتير عليه
    بس ازا ماعندك حطي بكيتين بكنج باودر


    مقادير رقم 2
    بياض 5 بيضات
    نص كاسة سكر
    عصير ملعقة كبيرة حامض





    الطريقة
    بنحمي الفرن على درجة حرارة 200
    بندهن الصينية وبنحط فيها ورق زبدة
    هاي الكيمة بتنفع لصينية 26 او 24



    افصلي البيض وحطي كل نوع بصحن مناسب








    اخفقي الصفار اول اشي 10 دقائق لحتى يفتح الصفار ويتضاعف حجمه
    حطي السكر واخفقي وماتنسي الفانيلا والخل وبشر الليمون







    حطي المي واستمري بالخفق والزيت واستمري

    حطي الطحين المنخول واستمري بالخفق وماتخافي من استخدام المضرب الكهربائي بهاي المرحلة







    اغسلي المضرب منيح ونشفيه
    اخفقي البياض ومافي مانع تحطي رشة فانيلا انا بحط رشة ملح عليه
    بعد مرور 5 دقائق حطي نص كاسة السكر واستمري بالخفق

    بعد 10 دقائق تقريبا رايح البياض يرتتفع عندك ويصير جامد
    ساعتها حطي ملعقة عصير الحامض
    عصير الحامض بحافظ عالبياض وبخليه متماسك وريحته روعة





    شوفو البياض قديش متماسك



    اهم مرحلة هي مرحلة خفق الصفار مع البياض

    بنحط من البياض عالصفار على دفعات وبنصير نقلب من فوق لتحت
    لا مانع من استخدام ملعقة خشبية





    قسمي البياض على 3 دفعات






    بنحط الخليط بالصينية وبنمسك الصينية وبنضربها مرتين منشان الهوا يطلع من الخليط





    بنخبزها على درجة حرارة 160

    بنقلبها على فوطة مطبخ لحتى تبرد





    بنغلفها بكيس نايلون وبنحطها بالتلاجة لتاني يوم ليسهل تقطيعها



    لي عودة عشان اورجيكم الكيكة بعد ما تزينت

    آخر مرة عدل بواسطة (( ام ماهر )) : 05-12-2012 في 08:19 PM

  2. #2
    تاريخ التسجيل
    Jan 2009
    الموقع
    بين احبائي في منتدى لك ..........
    الردود
    7,463
    الجنس
    امرأة
    التكريم
    • (القاب)
      • مبدعة ركن الحلويات
      • جوهرة الحنان
      • متألقة ركن المعجنات
    (أوسمة)




    الكريمة فيكي تستخدمي كريمة خفق او كريمة دريم ويب

    مقادير الكريمة اللي بستخدمها
    4 بكيتات دريم ويب
    كاسة حليب بااااااااااااااارد
    2 حبة كيري
    علبة قشطة قيمر صغيرة 125 ملم وفيكي تستخدمي نصها للقيمر

    بنخفق الكريمة لحتى تنفش ويتضاعف حجمها

    بنحطها بالتلاجة ساعة قبل التزيين

    بنقسم الكيكة حسب مابدك
    وبنشرب الكيكة اما بشراب الفواكة المعلبة او قطر بارد مايكون تقيل
    او فيكي تخلطي الشراب و القطر مع بعض وبواسطة فرشاة

    انا هون اجيت اعمل ورد مازبط معي لانها كانت اول محاولة الي
    بس مع الممارسة حسيت حالي احسن شوي







    عملت لونين ابيض وزهري
    وكانت هاي الكيكة لعيد الاضحى وكتير انبسطو اولادي عليها












    ام حسن ما تسأليني كيف طلع معي التزيين هيك رب رمية من غير رامي ههههههه

    بتمنى كيكتي تعجبكم



  3. #3
    تاريخ التسجيل
    Oct 2007
    الموقع
    بعيدة عن حضن اهلي الدافي الله يحميهم ويخليهم لي
    الردود
    20,392
    الجنس
    امرأة
    التدوينات
    1
    التكريم
    • (القاب)
      • متميزة ركن الأمومة والطفولة
      • بحر العطاء في ركن الكروشية
      • باحثة متميزة
      • أبرار
      • محررة بمجلة انا ورحلة الامومة
      • سيدة مبدعة
      • متألقة صيف 1432هـ
      • زهرة ربيعية
      • نبض وعطاء الشتاء
      • درة صيفنا إبداع 1431هـ
      • أميرة المقبلات
      • لؤلؤة شتوية نادرة
      • متألقة ركن الحاسوب
      • فراشة ركن التصاميم
      • همسة متميزة
    (أوسمة)
    يميييييييييييي

    روعة والتزين عجبني ههههههههههههه
    ربي يحميك
    مقادير ال2 ناقصها طحين
    وانا اخفق البياض اولا ومن ثم الصفار حتى ماتحتاجي لتنظيف الخفاقة
    جوزيتي خيراً غاليتي
    والكيكة رووووووووووعة

    يَا نَارُ كُونِي بَرْداً وَسَلاماً عَلَى عراقي الحبيب
    انستجرامي ام مرمر و ليلو
    كنوز من الحسنات
    اللهم اغفر للمؤمنين والمؤمنات الأحياء منهم والأموات
    سبحان الله وبحمده سبحان الله العظيم
    قراءة ما تيسر من القرآن, قول الحمد لله
    لا حول ولا قوة الابالله
    لا إله إلا الله وحده لا شريك له 10 مرة
    اللهم صلى على محمد وعلى آل محمد كما صليت على إبراهيم وعلى آل
    إبراهيم ..
    ستبقى محبتكم بالقلب ما حييت

  4. #4
    تاريخ التسجيل
    Mar 2008
    الموقع
    عراق - الانبار
    الردود
    3,097
    الجنس
    امرأة
    تسلم الايادي
    الله يعطيك العافية
    كيك لذيذة اني اريدها كلها وما احب احد يشاركني لوسمحتو
    هههههههههه
    آخر مرة عدل بواسطة ام كوجي : 05-12-2012 في 06:29 PM
    [/IMG]

  5. #5
    تاريخ التسجيل
    May 2007
    الردود
    14,492
    الجنس
    امرأة
    التكريم
    • (القاب)
      • متألقة ركن المعجنات
      • درة صيفنا إبداع 1432هـ
      • متألقة صيفنا إبداع 1431 هـ
      • زهرة العطاء في ركن المعجنات
      • مترجمة متميزه
      • أميرة البرتقال|لغوية بارعة
      • الذوق الراقي
      • ضياء القرآن
      • ضياء مناهل النور
    (أوسمة)



    وااااااااااااااااااااااو

    ما شاء الله

    رااااائعة عجبتني جدا يا مجووووووووووود

    ربي يسلمك يديك






  6. #6
    تاريخ التسجيل
    Dec 2009
    الردود
    172
    الجنس
    امرأة
    مججججججججججججججججججججججججججد مش طبيييييييييييعية شو زاكية والله اشتهتي منها قطعة
    بس آجي عندك ضروري تدوقيني كيكة اسفنجية من ايديك وتكون على نكهة فانيلا مو كاكاو
    مممممممممممممممممممممممممم

  7. #7
    تاريخ التسجيل
    Jan 2010
    الموقع
    في قلوب أغلى الناس (زوجي وأولادي)
    الردود
    918
    الجنس
    امرأة
    ما شاء الله مجود كثير الكيكه روعه وشغلك ما شاء الله عليه بجنن
    وانا مجربه الكيكه الاسفنجيه على طريقتك وبالفعل مثل الكيك الجاهز بتطلع
    وبنصح الكل يجربها الله يجزيك الخير

  8. #8
    تاريخ التسجيل
    Mar 2007
    الموقع
    غزة فلسطين
    الردود
    18,627
    الجنس
    امرأة
    التكريم
    • (القاب)
      • معطاءة ركن الصحة والتغذية
      • سيدة مبدعة
      • متميزة شتاؤنا ألوان
      • وهج العطاء
      • قائدة شتوية بارعة
      • بصمة مبدعة
    (أوسمة)
    واوووو
    شو ها الروعة وشو هاالنصائح الرائعة

    ويا عيني على التزيين

    بالهنا على قلبكم ام عبادة

  9. #9
    تاريخ التسجيل
    Jan 2011
    الموقع
    في الغربة بعيدة عن غزة الحبيبة ...
    الردود
    116
    الجنس
    أنثى
    ريتوووووو يسلم المعدل منك بتعلم الله يسعدك مجود حلوة الطريقة بس سؤال عملت كيكة اسفنجية ومن جووه بتجنن افضل من الجاهز واطرى وازكى تاعت ميلاد حمود وزينتها بكريمة الخفق وكانت اطيب بكثيييييييير من الدريم ويب وكل ماظلت بالثلاجة بتكون ازكي من اليوم اللي قبله بجد كانت روعة من جوه بس في مشكلة صاحبة الوصفة شطورة كثيييييييييير ونزلت الطريقة بالتفصيل وتزيينها رووووووووعة وبتعمل طلبات وتواصي بس هي قالت انه بنحطها ع حرارة عالية اول شي بنحمي الفرن 10 دقائق وبعدها بنحط الكيكة ع حرارة عالية لمدة 15 دقيقة وبعدها ع نار هادية 20 دقيقة وبعدها بنختبر نضوجها من الوسط واذا بدها بنتركها كمان 10 وانا فرني يابطتي الغالية ببلش من 190 واعلى من 260 فانا خليته عالي يمكن نص ساعة وبعده خفضت حرارته ربع ساعة عبين ماجهزت اموري ورديت رفعته 260 ودخلت الكيكة ووبلشت ترتفع عين الله عليها مااحلاها بعد 10 دقائق خليتها ع 240 وبعدها بلشت قشرتها اللي فوق محمرة ولونها بجنن تنشف وتتكسر بعد 15 دقيقة رحت خفضت الحرارة ياقلبي 190 وياعيني اياعيني قلت مشان تستوي براحتها لانه من النص مو مستوية ياحبيبي شهوة وطلعت معجنة ههههه بمزح بدل ماتظل اخرى 10 دقائق ظلت ساعة هههههه او اقل بشوي قمت رفعت الحرارة 240 ابو 20 دقيقة كانت طالعة ومستوية وممتازة طبعا هي من جو بتجنن صررراااااااااااااحة وافضل من الجاهزة واللي بقدموها بالفنادق بس من بره قشرتها طالعة وناشفة فرفعت قشرتها فوق ومن تحت ومن الجوانب وقطعتها من النص كانت ممتازة وطيعة بالتعامل معها ولما حطيتها لتاني يوم بالثلاجة صدقا كانت رااااااااائعة بمعني الكلمة فياصاحبة السمو والخبرة وين الخطأ بموضوع الفرن والحرارة وانتي بتقولي احطها 160

  10. #10
    تاريخ التسجيل
    Dec 2010
    الموقع
    بعيدة عن اعز الناس
    الردود
    946
    الجنس
    امرأة
    التكريم
    (أوسمة)


    انا ما دخلني بدي قطعه كيف ما بعرف *_*

    شكلها بشهي يسلمو ايديكي وصحتين وعافية يارب

مواضيع مشابهه

  1. ممكن طريقة الكيكة الاسفنجية
    بواسطة قمراية في الحلويات والكب كيك والكيك وحلويات العيد
    الردود: 1
    اخر موضوع: 23-11-2009, 11:03 PM
  2. طريقة عمل الكيكة الاسفنجية و تزينها بالصور
    بواسطة baby_flower في الحلويات والكب كيك والكيك وحلويات العيد
    الردود: 24
    اخر موضوع: 23-07-2008, 07:51 AM
  3. يا صبايا بدي طريقة الكيكة الاسفنجية لو سمحتوا
    بواسطة سندريللا في الحلويات والكب كيك والكيك وحلويات العيد
    الردود: 5
    اخر موضوع: 25-01-2008, 10:39 PM
  4. طريقة عمل الكيكة الاسفنجية و تزينها بالصور
    بواسطة baby_flower في الحلويات والكب كيك والكيك وحلويات العيد
    الردود: 20
    اخر موضوع: 23-12-2007, 12:25 PM
  5. أحتاج طريقة الكيكة الاسفنجية
    بواسطة روائع في الحلويات والكب كيك والكيك وحلويات العيد
    الردود: 5
    اخر موضوع: 13-02-2003, 09:02 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ