تشيز كيك التوفي .... اطيب تشيز كيك ممكن تعمليه ... التشيز كيك ينافس التارت
تشيز كيك التوفي
المقادير
للقاعدة كاسة ونص بسكوت داجستيف مطحون
50 غرام زبدة
رشة قرفة
ملعقة كبيرة سكر بني
بنحطهم بقالب التشيز كيك وبنحاول نرفع البسكوت على جوانب القالب
بخلاط العصير بنحط
3 بيضات مع ملعقة صغيرة فانيلا ملعقة صغيرة خل
تلات ارباع علبة حليب مكثف محلى
6 حبات كيري انا حطيت كيري ولافشكري
4 ملاعق جبنة كاسات متل بوك او كرافت
علبة قشطة
بنخلطهم منييييح بالخلاط وبنصبهم فوق البسكوت
بنحط صينية التشيز كيك بصينية اكبر منها وعالفرن بنخبزها على نار هادية لحتى تجمد الخلطة
بس تطلع من الفرن بنتركها تبرد ساعة بعيدن بنحطها بالتلاجة 4 ساعات
بنزينها بالتوفي بالطريقة اللي بتحبيها
طريقة التوفي لهاي الوصفة
كاسة سكر
باقي علبة الحليب المكثف المحلى يعني ربع العلبة
ومعلقتين كبار جبنة كاسات
بنحط السكر عالنار لحتى يتكرمل ويتغير لونه
بنحط الحليب والجبنة بسرعة وبنحرك
بس يبرد التوفي بنزين التشيز كيك فيه
او فيكي تعمليه من الحليب المكثف المحلى
انا استعملت توفي جاهز جبته من محلات بيع الحلويات
بتمنى اخر مشاركاتي تعجبكم
بنصحكم تجربوه لانه طعه روووووووووعة
تعليق