كيكه بالكريما والجلي مممم تفضلواااااااا
اليوم جايبه معي كيكه عاديه بس طريقه تزيين جديده وبسيطه كثير وبنفس الوقت حلوه
المقادير :
اي كيكه معتمديتها عندك مقادير كيكتي :
4 بيضات
كاس سكر
نص كاس زيت
ملعقه فانيلا
ملعقتين كبار باكنج باودر
2 كاس طحين منخول مرتين
كاس حليب سائل
برش ليمونه
3 ملاعق كاكاو بودره
للتزيين :
باكيتن كريما دريم ويب
علبه حليب بنكهه الفراوله 125 مل
باكيت جلي فراوله
2 كاس ماء مغلي
شوكلاته ام اند امز
الطريقه :
اول شي بنحط بالخلاط البيض ولازم يكون بدرجه حراره الغرفه وبنضفله الفانيلا وبرش الليمون وبنخفقه لحد ما ينفش البيض ولونه يصير فاتح وبعدين بنضيف السكر وبنخفق منيح وبنضيف الزيت والحليب وبنخفق واخر شي بنضيف الطحين المنخول مع الباكنج باودر بنضيفه تدريجيا وما بنحركه كثير بس يختلط الطحين مع باقي المواد
بنوخذ ثلث من خليط الكيك وبنضيفله الكاكاو البودره بنجهز قالب الكيك بندهنه زيت وبنرش عليه طحين وبنصب طبقه من الكيك الاببض وفوقه خليط الكيك الي حطينا عليه الكاكاو وبعدها بنرجع نحط الي ظل من خليط الكيك الابيض عشان يطلع عنا الكيك لونين وبتقدري تعملي الكيكه بس لون واحد وبنخبز الكيكه وبنتركها تبرد
بنحضر الكريما بنخفق الباكتين مع الحليب وبنحط الكريما بالثلاجه تجمد شوي وبنجهز الجلي بانه نخلط باكيت الجلي مع كاستين ميه مغليه وبنصبه بصينيه مستطيله وبندخله الثلاجه عشان يجمد ويفضل انه نعمل هاي الخطوات قبل ما نبلش بتحضير الكيكه
بس تبرد الكيكه بندهنها بالكريما من كل الجهات وبنجيب الجلي وبنقطعه لشرائح بالطول وبنحطه فوق الكريما وبنحط كمان شوكلاته ام اند امز وبنرجع الكيكه على الثلاجه عشان تبرد
هي خطواته بتبين كثيره بس كثير سهله وصحتين وعافيه
رد مع الاستدلال
كتبت بواسطة لا تحزنين
الروابط المفضلة