حلى الكريم كراميل مشاركه بسيطه لملف الشوكلاته وملف القشطه
حلى الكريم كراميل كثير سهل وخفيف وكثييير طيب ومقاديره وطريقته سهله
المقادير :
الطبقه الاولى
كيك على شوكلاته او فانيلا حسب الرغبه (انا عملت كيكه على فانيلا )
5-10حبات بسكويت مفتفت على شوكلاته اذا استخدمنا كيك على فانيلا واذا كيك على شوكلاته بنستخدم
بسكويت ساده يعني بنعكس الالوان بين البسكويت والكيك
الطبقه الثانيه :
2 كاس حليب
فنجان سكر
2 باكيت كريم كراميل
علبه قشطه
باكيت بسكويت ساده
الطبقه الثالثه :
2 كاس حليب
فنجان سكر
2 باكيت كريم كراميل
ملعقه صغيره نسكافيه
ملعقتين كاكاو بودره
الطريقه:
بنقطع الكيك لشرائح رفيعه وبنرتبه بصينيه بايريكس وبنوزع فوقه البسكويت المفتفت وبنبلش نجهز الطبقه الثانيه
بنخلط الحليب مع السكر والكريم كراميل وبنحركهم على البارد وبعدين بنحطهم على الغاز وبنضل نحرك حد ما يغلو وبعدها بنحط الكريم كراميل بالخلاط وبنضيفله علبه القشطه وباكيت بسكويت ساده وبنخلطهم مع بعض منيح بالخلاط وبنصبهم فوق الكيك وبس تبرد بندخل الصينيه على الثلاجه ربع ساعه
بنبلش نحضر الطبقه الثالثه بنخلط الكريم الكراميل والحليب والسكر والنسكافيه والكاكاو وبنحطه على الغاز لحد ما يغلو بنضيفه شوي شوي فوق الطبقه الثانيه وبس يبرد بنغطيه بالنايلون التغليف وبنفوت الصينيه على الثلاجه عشان يبرد
وصحتين وعافيه
رد مع الاستدلال
![[ سَدن ]'s صورة](images/avatars/123.jpg)
كتبت بواسطة مجد الاقصى
الروابط المفضلة