تورتة الكنافة ** اكواب الكنافة المحشية ** قوالب الكنافة المحمرة

بسم الله الرحمن الرحيم

السلام عليكم اخواتى فى الله


يا رب تكونوا كلكم بخير
و كل سنة و انتم طيبين و يا رب يبلغنا شهر رمضان و بتقبل منا
الصيام و صالح الاعمال اللهم امين

دى مشاركتى التانية فى ملف الكنافة تحت اشراف ام ماهر الغالية
اللى دايما بتجمعنا فى الحلووووووووو و يا رب دايما

على فكرة موضوعى ده على الجهاز من فترة طويلة
و كل ما اجى انزله تحصل حاجة تعطله
بس سبحان الله اهو جه وقته و اتمنى انه ينول رضاكم

بسم الله نبتدى

موضوعى هو

تورتة الكنافة ** اكواب الكنافة المحشية ** قوالب الكنافة المحمرة

اولا: تورتة الكنافة

المقادير

نص كيلو كنافة مفتته

كوب سكر ناعم(و ده سر الكنافة المتماسكة)

كوب سمن سائح

موز مهروس بقليل من القرفة للحشو او موز ترنشات زى ما تحبى

شربات للكنافة ( كوب سكر+كوب ماء+ معلقة صغيرة عصير ليمون)

كسترد لوجه الكنافة

كريمة و قطع فروالة للتزين

الطريقة

** نسيح السمن و صنية و نضع فيه الكنافة مع السكر البوردة و نقلب جيدا لحد الكنافة ما تشرب السمن و السكر

** هناخد نص الكنافة و نرصها فى الصنية و نضغط عليها بايدينا و نحط فوقيها الحشو و نحط باقى الكنافة

فوق الحشو و نضغط كويس بايدينا و ندخلها فرن ساخن

** و لما تحمر نطلعا من الفرن و نسقيها بالشربات البارد و نتركها تبرد

و هتلاقوها بالتفصيل هنا



ღ♥ وصفةمبتكرةღ♥كنافتى بالموز .. متفريقهاش عن الجاهزة

**و بعدين نجهز الكاسترد زى ما هومكتوب على العلبة و نصبه فوق الكنافة

بطريقة عشوائية

** و لما يبرد نزينه بالكريمة و قطع الفراولة بالشكل ده

******************************

ثانيا : اكواب الكنافة المحشية

المقادير

كنافة طازجة

سمن سائح لدهن اكواب الكنافة

شربات

كاسترد للحشو

كريمة و قطع فروالة للتزين

اكواب صغيرة للف الكنافة حولها ( انا استخدمت معيار زجاجات المضاد الحيوى +علب التونة الصغيرة)

الطريقة

** هنلف الكنافة اسفل الكوب و حوله جيدا و نضع قليل من الماء او بياض البيض فى نهاية طرف الكنافة عشان تلزق كويس و مش تفك و هى فى الفرن

URL=http://www.lakii.com/vb/uploader/freeupload.php][/URL]

** هنلف حول اكواب الكنافة ورق و نحوط كوب الكنافة كويس بيه عشان الكنافة تمسك فى بعضهاو فى الكوب كويس و نسيبها فى التلاجة من ساعتين الى 4 ساعات

** هنبتدى نطلع الكنافة من الاكواب براحة و بحظر و بعدين هندهنها سمنة و ندخلها فرن ساخن

** و لما تحمر قليلا نطلعها و نسقيها شربات و لما تبرد نرص فى قلب كوب الكنافة شرائح فروالة

**و بعدين نصب الكاسترد فى اكواب الكنافة و لما يبرد الكاسترد نزينه بالكريمة

و قطع الفراولة بالشكل ده

*****************

ثالتا: قوالب الكنافة المحمرة

المقادير

ربع كيلو من الكنافة المفتتة

جوز هند و زربيب

2 معلقة سمن

شربات للكنافة

قوالب او اكواب صغيرة او مكعبات التلج عشان نحط فيها الكنافة

الطريقة

**هنسيح السمن و بعدين هنحمر فيه الكنافة لحد ما يكون لونها دهبى فى بنى فاتح

(اواللون اللى انتى تفضليه )

**هنحط جوز الهند و الزبيب و الشربات و نقلب كويس

**و بعدين هنحطهم فى القوالب حوالى ساعة او ساعتين لحد ما يتماسكو و بعد كدا هنزينها بقطع الفراولة و الكريمة بالشكل ده

[URL=http://www.lakii.com/vb/uploader/freeupload.php][/URL

و التفاصيل هتلاقوها هنا

مكعبات الكنافة **سهلة **لذيذة ** و شيك....الكنافة فخر الحلويات الرمضانية

و دى صورة لانواع الكنافة مع بعض

و دول انا عملتهم من كام يوم فحبيت اضيفهم هنا

اتمنى انها تعجبكم
و كل سنة وانتم بخير
و رمضان كريم

فى رعاية الله

ماشاء الله
شكلهم يجنن

تسلم إيدك أختي

وطبعا مش هنسى اللطش قبل ما يجوا الحبايب

ماشاء الله منظرهم روووووووووووووعة
واكيد الطعم اروع
بارك الله فيك وفي اهل بيتك
وبالف صحة وهنا

تعرفي سبحان الله ابداً مابحب الفواكه مع الحلو هههههههههه
بس الشكل مغري هههههه
صحة وهنا

يالهوى
ياخرابي
ايه يا ام يحيى الحاجات الحلوة دى؟
الرحمة يا ست الكل
اخر شياكة واناقة وفخامة ..حاجة كدة تبيض الوش وتفتح النفس
ربنا يباركلك فى اسرتك ومايحرمناش الابداعات الحلوة دى على طول
انا كل يوم لازم افخر ان امى مصرية واما اخد الجنسية لازم اجى عندك اخد كرنيه عضوية فى فن الكنافة يا عسل
تسلم الايادى

تسلم ايدك يارب شكلها كتير روعة
انا كمان متل ام مريم مستحيل اكل فواكة مع الحلو بس عنجد شكلهم كتير روعة واكيد الطعم خرافي

كتبت بواسطة . تيوليب***

ماشاء الله
شكلهم يجنن

تسلم إيدك أختي

وطبعا مش هنسى اللطش قبل ما يجوا الحبايب

تسلمى حبيبتى
ربنا يبارك فى عمرك
دا انتى تامرى
دا انا اعملهم مخصوص ليكى و اوصلهم لحد باب البيت كمان
نورتينى بجد اختى

كتبت بواسطة ام مرمر و ليلو

ماشاء الله منظرهم روووووووووووووعة
واكيد الطعم اروع
بارك الله فيك وفي اهل بيتك
وبالف صحة وهنا

تعرفي سبحان الله ابداً مابحب الفواكه مع الحلو هههههههههه
بس الشكل مغري هههههه
صحة وهنا

يا هلا و غلا ام مرمر
نورتينى و شرفتينى يا غالية
دا بس من ذوقك حبيبتى
تسلميلى يا غالية
انا كمان كنت زيك ما بحبش الفواكه مع الحلويات و خاصة الكيك بس بعد التجارب غيرت راييى هههههههه
اسعدنى مرورك جداااااااااااااااااا

كتبت بواسطة مجد الاقصى

تسلم ايدك يارب شكلها كتير روعة
انا كمان متل ام مريم مستحيل اكل فواكة مع الحلو بس عنجد شكلهم كتير روعة واكيد الطعم خرافي

تسلمى حبيبتى
ربى يرضى عنك
و انا مبسوطة جدا نها عجبتك
منورانى يا غالية

كتبت بواسطة غزاوية شاطرة

يالهوى
ياخرابي
ايه يا ام يحيى الحاجات الحلوة دى؟
الرحمة يا ست الكل
اخر شياكة واناقة وفخامة ..حاجة كدة تبيض الوش وتفتح النفس
ربنا يباركلك فى اسرتك ومايحرمناش الابداعات الحلوة دى على طول
انا كل يوم لازم افخر ان امى مصرية واما اخد الجنسية لازم اجى عندك اخد كرنيه عضوية فى فن الكنافة يا عسل
تسلم الايادى

ههههههههههههههههههه
حبيبة قلبى
ربنا يبارك فى عمرك
و احنا نيجى جمبك ايه يا معلم
تسلمى حبيبتى دا انتى اللى اخر رقة و ذوقك و حلاوة
و الحلو ما بيقول الا الحلو زيه
و شرف ليا انك تشرفينى و تنورينى
و انا اعملك الكنافة اللى تعجبك و اللى تامرى بيها
مشاركتك دى غالية عليا و هتفضل دايما فى بالى
ربى ما يحرمنى من طلتك عليا حبيبتى

ابدااااااااااااااااااع
سلمت يداكي غلاتي

تسلم ايدينك

جمال والا فن والا روعة

بالضبط مو لاقية وصف يليق بهالمشاركة

تسلم الايادي يا ام يحيى

تبارك المولى كل طريقة أحلى من التانية

صحتين وعافية