كيكه الارنب كيكه شغلها كثير سهل وبسيط والاطفال كثير بنبسطوا عليها وان شاء الله تعجبكم انا لما عملتها ما كان عندي اغراض لتزين الكيك فزينتها بالموجود عندي وطلع هيك شكلها

ممكن تعمليها باي كيكه بتزبط معك انا عملتها بكيكه الشوكلاته
المقادير :
2 كوب طحين
كوب ونصف سكر
نص كوب كاكاو بودره
100 غرام زبده
3 بيضات
ملعقتين باكنج باودر
نص ملعقه صغيره كربونه
كوب ماء
ملعقه فانيلا
الطريقه:
بنخفق الزبده والسكر منيح لحد ما يصيروا مثل الكريمه وبنضيف بيضه بيضه مع الفانيلا على الزبده وبعدها كوب الماء وبنخفق وبنضيف الطحين المنخول مع الكربونه والباكنج باودر والكاكاو وبنخبز الكيكه بصينيتن مقاس 22 بس بردت الكيكه حطيت قالب كيك بالنص والقالب الثاني قصيت الاطراف على شكل اقواس عشان تصير الاذن للارنب والقطعه حطيتها تحت وجه الارنب وبعدها زيتنها بالكريمه و وبرشت شوكلاته وحطيت على اطراف الكيكه فوق الكريما وحطيتها بالثلاجه
ان شا ءالله يكون الشرح واضح



الكيكه من نصيب أم غيث ما حد يلطش قبل أم غيث ههههههه^_^

ممممممممممممممممم شو هالارنب الي بجنن
عنجد ررررررروعة يسلمو ايديكي

الفكرة جميلة حتما تُفْرِح الأطفال
تسلم الأيادي

ماشاء الله سلمت الايادي

يسلمووو الايادي

والف صحة على قلب ام غيث

وأنا بقـــــــــــــــــول ليه وأنا نايمة عم أحلم بأحلام حلوة كتير
طلع في كيكة على اسمي وبتجنن كمان
ربنا يبارك في عمرك وأولادك (^_^)

سهلة وجميلة وكمان عجبت غيث جدا (^_^)
حرم الله جلدك على النار وجعله في ميزان حسناتك

تسلم الأيادي
وتستاهل أم غيث كل خير

ماشاءالله تسلم ايديك

ماشاء الله تسلم دياتك ياقمر وبالفعل جربتها وكانت تحفه
صحتين وعافيه على قلب ام غيث وغيث , ونحنا ياام عبود ماالنا نصيب بالارنب اخخخخخخ

رقيقة وخفيفة وسهلة وكييييييييييييوت تحياتي