*وصفه مبتكره*رول الباونتي (مشاركه لحفله بسكويت الشاي )
رول الباونتي او بسكويت محشي جوز هند
المقادير :
3 باكيتات بسكويت شاي مطحون
بيضه
نص كاس زيت قلي
3 ملاعق كبار كاكاو
ربع كوب ماء
باكيت قشطه
بنخلط كل المقادير السابقه ما عدا البسكويت والقشطه وبينحطهم على النار لحد ما يتماسك الخليط وبعدها بنضيف عليه البسكويت والقشطه وبنحركهم مع بعض بتصير عنا عجينه قريبه من الليزي كيك بنفردها على ورق قصدير او نايلون تغليف الاكل اذا حسينا العجينيه بدها بسكويت بنضيفلها وبنبل ايدينا بميه واحنا بنفردها وبنبلش نحضر بعدها حشوه جوزهند
حشوه الجوز هند :
كوب ونصف جوز هند
نص كوب حليب سائل
نص كوب سكر
كله على الغاز وبنضل نحرك لحد ما تنشف الميه عنه وبنتبه لانه بسرعه بتنشف الميه وبعدها بنحط الخلطه فوق البسكويت وبنلفه رول وبنحطه بالفريزر
معلش الصور مش واضحه كثير
تعليق