*وصفه مبتكره* مشاركتي التانية للغاليو ام ماهر حفلة بسكوت الشاي
مسا الخير صبايا
من اسبوع وانا احكي بدي انزل هالطبق وما بلاقي وقت
الحلو هاد سبق وقدموه الصبايا وانا حبيت اليوم اقدمه بطريقتي حلو الشمينت
المقادير
علبتين شمينت حجم 200 غرام او زبادي بالقشطة او سور كريم حسب المتوفر عندكم
تلتين كاسة سكر او حسب الذوق
اصبع زبدة مندوبها عالنار او عالمايكرويف المهم تكون دايبة
بسكوت شاي
وجلي فراولة
بنحط طبقة بسكوت
بنحط باقي المواد ماعدا الجلي بخلاط العصير
بنصب نص الخليط فوق البسكوت وبنحط كمان طبقة بسكوت ونص الخليط
اخر طبقة بسكوت بنحطها بطريقة مانخلي الطبقة البيضة تبين
بنحطها بالتلاجة اقل اشي ساعتين وبعدين بنعمل الجلي عادي وبنحطه بالمغرفة عشان مايطلع اللبن لفوق
بنحطها بالتلاجة طول الليل منشان البسكوت بتشرب المي اللي بالشمينت ويصير كانه كيك
بتمنى تعجبكم لانها عنجد كتير طيبة واولادي كتير بحبوها
اليوم عملتها وحطيت بكيت كريما مع الخليط وطلع مممممم خيال بس الصور ما نقلتهم عالجهاز لمرة تانية ان شاء الله هههههه
تعليق