شوية حلويات من مطبخي مشاركتي بملف حفلة بسكوت الشاي للغالية ام ماهر

**مجد الاقصى** · 29-04-2012, 10:25 PM

مسا الخير صبايا هاي مشاركة مني لام ماهر ويارب تعجبكم
اول اشي البيتيفور اللذيذ
كاسة سمنة نباتية او نص كاسة سمنة واصبع زبدة 100 غرام
كاسة سكر ناعم
بيضتين حجم صغير او حبة بيض حجم كبير مع بكيت فانيلا ونقطتين خل
نص كاسة نشا
كاستين طحين

نخفق السمنة جيدا مع السكر نقوم باضافة البيض والفانيلا ثم النشا
نضيف الطحين ونحرك بملعقة خشبية حتى يتشكل عنا عجينة قابلة للتشكيل
نضع العجينة بالتلاجة اقل اشي ربع ساعة نضعها بالة البيتيفور او نقطعها بقطاعات البسكوت

هون حشيت كل حبتين مربى

هون عملتهم بقالب الوردة وبس بردو زينتهم بالبلوبوري

وهون زينتهم بالتوفي

**مجد الاقصى** · 29-04-2012, 10:31 PM

مبشورة التمر رووووعة ورايحة تعجبكم لانها خفيفة كتير
بخلاط العصير نضع بيضتين مع فانيلا ونقطتين خل
حبتين كيري او لافشكري نخفقهم منيح
كاسة الا شوي سكر
كاسة الا شوي زيت
عصير نص برتقالة صغيرة مع ملعقة صغيرة برش برتقال
بنخلطهم منيح عالخلاط لحتى يصير عنا خليط نااااااااااااعم
بنصبهم بجاط عميق وبنضفلهم طحين لحتى يتكون عنا عجينة سهلة التشكيل
انا بحط 3 كاسات ونص طحين مع ملعقة صغيرة بكنج باودر
بنفرد تلات ارباع العجينة بالصينية
بنرق العجوة وبنحطها فوق العجينة بنرش عليها شوية يانسون مطحون وشوية سمسم
بالمبشرة بنبرش باقي العجينة وبنخبزها على نار هادية لمدة تلت ساعة

**مجد الاقصى** · 29-04-2012, 10:32 PM

هشة لابعد الحدود ومع كاسة شاي ممممم خيال

**(( ام ماهر ))** · 29-04-2012, 10:36 PM

يسلمووووووووووووووووووووووووووووووو يا غاليه

بجنن يعطيك العافيه الله يسلم ايديك يا قمر ابدعتى

ممكن الصينيه علشان الاولاد يتحلو لانو عاملين شاى

**مجد الاقصى** · 29-04-2012, 10:36 PM

حلا الكاستر والجلي تطبيقي لدمعات العيون
بسكوت شاي بنحطه بالبايركس انا حطيت طبقتين
4 كاسات حليب عالنار مع سكر حسب الرغبة
8 ملاعق كاستر انا استعنلت فورستر كلاركس
بس يجهز الكستر بنحطه عالبسكوت شوي شوي
بنحطه بالتلاجة ربع ساعة
بنعمل جلي عادي وبنحطله بس نشيله من عالنار علبة قشطة انا استعملت بوك بنكهة الفراولة

**مجد الاقصى** · 29-04-2012, 10:38 PM

ههههههه على حسابك ام ماهر
معلش تعبت بكرة بكمل ضايل عندي كمان حلويات

**(( ام ماهر ))** · 29-04-2012, 10:43 PM

يسلموووووووووووووووووووووووووو حبيبتى الطبق الثانى كثير بشهى

تم الحفظ للعمل الله يعنى شو بدى اطبق بتعرفى مع الصيف هذة احلى الاطباق بموت فيها وبعلى السكرى هههههههههه

بس تطلعى على عمان باجى ازورك عند قرايبك وبذوق براحتى هههههههههههههه

**مجد الاقصى** · 29-04-2012, 10:44 PM

هههههههه بتشرفي ام ماهر
طبقي وانتي مغمضة وان شاء الله تعجبك الوصفة وتدعيلي

**أحلى بيرو** · 29-04-2012, 10:55 PM

تسلم الايادى الحلوة يا عسل
بصراحة كلهم بيشهو
ان شاء الله عودة للمطبخ وللتجارب
بالف هنا على اللى لطش

**kenana** · 29-04-2012, 10:55 PM

ماشاء الله وتسلم ايديك بس يمكن استبدل عصير البرتقال في مبشور التمر بعصير الليمون ؟ لاني انحب اجربها

Sent from my iPad using منتديات لكي app(ربي هب لي من لدنك ذريه طيبه انك سميع الدعاء)

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: شوية حلويات من مطبخي مشاركتي بملف حفلة بسكوت الشاي للغالية ام ماهر

أدوات الموضوع

العرض