إلى الاخت نور الهدى تعالي الحقي وشوفي تخبيصي,,,,,,
مرحبا...
قبل كم اسبوع كتبت هون موضوع بدي طريقه لتورته حلوه اسم اني ما الي بالتورته بعمل بس كيك بيطلع حلو معي بس كنت ناويه اعمل المره هاي شي مميز اني اعمل تورته"كان عندي مناسبه" بلا طول سيره شوفو شو صار معي وشو خبصت
كنت حافظه هدا الملف http://www.lakii.com/vb/a-16/a-519060/
للأخت نور الهدى فكرت حالي فنانه زيها ههههههههههههههه
كل كم يوم أقرأه واتشجعت اعملها
وفعلا أول امبارح اتهممت وقمت اعملها الي صارلي شهر بحلم فيها
هههههههههههه
عملت التورته من غير زيت ولا حليب ولا نقطة مي
خلطت البيض والفانيلا والسكر ربع ساعه وشو طلع كريمي رهييييييييييييبه
وبلشت اضيف الطحين وتوابعه المخلوط سوا معلقه معلقه وأقلب
شوييييييييييييييييييش بشوييييييييييييييييش واخ اخ
واجيت احطه بالصينيه ويااااااااااااااا حبيبي طلع الطحين لسه فيه تكتلات اخر الطاسه
وشوووووووو اعمل احترت واتحيرت ماصرت دايرته بالصينيه ارجعه واخلطه حيروح الهوا الي فيه
اخر شي حكيت الى الفرن دغري ماهي خربانه خربااااااااااااانه
واستني ياهديل هال40 د يمرقو قعدتهم الله وكيلكم قبال الفرن
وما تسألو عالنتائج طلع اشي بيخوف
وهيها مخبايه تحت الفرن فش حدا شافها
ههههههههههههه
زعلت عال6 بيضات الي راحو
ههههههههههههههه
وشايفه يا نور الهدى على هالتطبيق الي بيسم البدن
طلعت طالبه غير نجيبه ...............هههههههههههههه
شو رأيكم............
اه صح نسيت أقلكم مبارح رديت عملت كيكه من الخليط الجاهز ما استرجيت احاول محاوله اخرى
مع اني بعمل الكيك وبيطلع كتير حلو معي بس التورته لأ
يلا الحياه تجارب
عملت هالكيكه وحطيت عالوش كريمه سائله بشوكلاته بيضا عنار ومع ملون احمر وياسلااااااااااام
طلع منظرها حلو والي بيشوف بيحكي شو هالشطاره
الي بيدري بيدري والي مابيدري بيقول كف عدس
هههههههههههههههههههههههههههههههههههه
شو وجعكم راسي ولا لسه من وراي
عفكره هدا منتداي الغالي بحبه كتير وطول و قتي عليه
سلام ياحلوين
وكل تخبيص واحنا بخير
رد مع الاستدلال
الروابط المفضلة