مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 21

ღ♥ وصفة مبتكرة ღ♥ كحك و بسكوت و بيتيفور و غريبة

(الحلويات والكب كيك والكيك وحلويات العيد - منتدى لكِ)
كل عام وانتم بخير عيد سعيد على الجميع ان شاء الله اقدم لكم اصناف حلويات العيد التى قمت بصنعها و الحمدلله النتيجة كانت اكتر من ...
  1. #1
    مى مودى ميزو غير متواجد النجم البرونزي
    تاريخ التسجيل
    Apr 2009
    الردود
    550
    الجنس
    امرأة

    Wmop ღ♥ وصفة مبتكرة ღ♥ كحك و بسكوت و بيتيفور و غريبة

    كل عام وانتم بخير عيد سعيد على الجميع ان شاء الله




    اقدم لكم اصناف حلويات العيد التى قمت بصنعها و الحمدلله النتيجة كانت اكتر من رائعة و اتمنى ان تجربوها و تعجبكم

    اولا طريقة كحك العيد وهى طريقة معتمدة من صديقتى ام ياسمين الله يبارك لها و يسعدها و نجحت معايا جدا و كحك ناعم و رائع و لا يسبب حموضه او حرقان فى المعدة بعد اكله



    المقادير
    1 كيلو دقيق " ممتاز خاص بالمعجنات
    1/2 كيلو سمن فيرن


    1 كوب لبن مغلي ويترك ليبرد


    قطعة خميره بيره من عند الخباز بحجم عين الجمل او خميرة فورية ملعقتين صغيرين مثلا تذاب في ربع كوب ماء دافي مع ملعقة سكر
    60 جرام سمسم
    30 جرام ريحة الكحك
    تمن كيلو ملبن خاص بالحلويات مش بتاع الاكل ويدعك بملعقتين من السمن ويمكن اضافة قليل من السمسم
    ربع كيلو عين جمل
    او اي نوع مكسرات حسب الرغبه
    الطريقه
    تترك السمن على النار حتى درجة الغليان ويختبر غليانها برمي قطعة عيش فيها اذا احمرت يطفا النار
    ضعي الدقيق في اناء كبير وعميق وعليه ذرة ملح والسمسم ورائحة الكعك ويقلب جيدا
    اعملي حفرة في وسط الدقيق لسكب السمن المغلي فيها وبملعقة خشب كبيره يقلب الدقيق بالسمن حتى يمتزجا معا
    ويترك قليلا حتى تهدا درجة حرارته لا يبرد لكن يمكن احتمال درجة حرارته باليد
    وتبداي ببس المقدار جيدا وطريقة البس بين راحتي يديكي تدعكي المقدار كله حتى تلاحظي تماسكه
    لمدة لا تقل عن الساعه لو عندك العجانه يبقى تسبيها ربع ساعة تقلب العجين
    بعد ذلك اضيفي كوب الخميره واعجني ثم اللبن كوب كوب واعجني مرة اخرى
    حتى تتكون عجينة متماسكة لينه
    اتركيها لتهدا نصف ساعه
    بعد تغطيتها واحرصي طوال فترة العمل ان تكون العجينه مغطاه بكيس بلاستيك مثلا او قطعة قماش
    ابداي تشكيل العجينه على شكل كرات صغيره بحجم صغير ويفضل في هذ ه المرحله ان يكون معك شخص اخر واحده تقطع العجينه والاخرى تنقش الكحك
    نرجع للكحك الكره الصغيره يوضع في وسطها قطعة صغيره من الملبن او وحدة بندق او تترك بدون حشو لعمل الكحك الساده حسب الرغبه وانا كنت اضع قطعة ملبن مع قطعة عين جمل و الطعم روعة روعة روعة
    وتنقش بالمنقاش الخاص بذلك
    اشكال حسب رغبتك
    وترص في صاجات الخبز على نار عاليه لمدة تلت ساعة
    وعند التقديم يرش عليه السكر المطحون وبالهناء والعافيه


    وادى صورة الكحك الجميل




    ادى البسكوت الهش

    البسكوت الهش


    البسكوت

    المقادير

    نص كيلو سمن بدرجة حرارة التلاجه " ممكن نخلطالنص كيلو سمن و زيت وفى ناس بتعمله بالزيت بس و بيكون جميل بردو

    كمان ربع كيلو سكر بودرة

    كيلو دقيق

    كوب لبن

    اربع بيضات

    ملعقة كبيرة بيكنج

    نص وقية نشادر " ممكن الاستغناء عنه"

    اى رائحة تفضليها

    يعنى ريحة موز او برتقالاو فراولة اى حاجة تحبيها حطيها مش عاوزة ريحة خالص براحتك بردو

    ذرة الملح مننسهاش


    بناخد السمن مع السكر و الزيت و نضربهم لغاية ما يبقوا كريمى ويفتحوا
    بعدين نضيف البيض و اللبن ندوب معاه البيكنجو النشادر و على طول نحطه على الخليط " اوعوا تركنوه احسن بيفور "

    بنضرب كل دا مع بعضه و نضيف الريحه و ذرةالملح

    و نضرب كويس جدا لما الخليط يتجانس

    بعد كدا نضيف الدقيق و نقلب لغاية ما يكون عجينة طريه و لينه و قابلة للتشكيل

    بردو بقول نفس ملحوظة البيتيفور لو هنعمله بالكيس نشيل من وزن الدقيق حوالى 100 جرام يعنى بنخلى العجينة طرية عشان تبقى سهلة فى التشكيل ولو هنعملها كاكاو بنشيل وزن الكاكاو من قبل اضافة الدقيق للخليط و نقسم العجينة و نضيف الكاكاو و الدقيق ناقص وزن الكاكاو للجزء اللى هنلونه شوكولاته


    بيشكل بالكيس او الماكينة و يرص فى الصاجات و يسوى علىدرجة حرارة متوسطة لمدة تلت ساعة تقريبا

    والف هنا وشفا


    هنا البسكوت كان المفروض اشيل منه حوالى 100 جرام لانى كنت بعمله بالكيس ونسيت اشيلهم فكان تقيل على ايدى فى التشكيل بالكيس انماالطعم رااااائع وهش و طعم اوى


    الغريبه النواعم


    الغريبة الناعمه

    المقادير

    750 جرام دقيق يعنىكيلو الدقيق بنشيل منه حوالى كوبايه ونص تقريبا

    نص كيلو سمن

    ربع كيلو سكر بودر

    ذرة ملح

    و بياض بيضه


    هناخد السمن اللى بدرجة حرارة التلاجه " لازم و ضرورى " و نضربه مع السكر البودره لغاية ما يبقى ابيض جدا و زى الكريمه

    عند النقطة دى لو لاحظنا ان الكريمه سايلة او طرية اكتر من اللازم يستحسن نحطها فى التلاجه ربع ساعة تتماسك شويهمش تجمد يعنى مجرد تتماسك

    بعد كدا بنضيف بياض البيضه و ذرة الملح

    و نقلب و بعدين الدقيق

    و نقلب الغريبه و هى مش بتحتاج بعد اضافة الدقيق لعجن كتير

    هنلاحظ ان العجينه " قد تبدو مفرفته " منحاولش نعمل فيها اى حاجه هى بتبقى كدا

    نضغط عليها و نكورها هنلاقيها تماسكت بالراحه بنضغط فى الوسط و نحط الذواق اللى عاوزينه بندق ملبس فضى مربى زى ما عملتها لوز فستق اللى تحبوه حطوه وممكن طبعا تسيبوها من غير اى حشو او ذواق

    بنرصها فى صاجات و تدخل فرن " هااااادى " يعنى درجة حرارة 120 تقريبا
    لمدة عشر دقائق الى ربع ساعة كحد اقصى

    الغريبة بتطلع بيضا زى ما دخلت و يدوب بتحمر او بتاخد لون دهبى من القاعدة فقط

    الغريبة الافضل لها انها تؤكل بعد يومين من خبزها بيكون طعمها رائعو كل ما قدمت كل ما بقيت اطعم فى الاكل

    و الف هنا وشفا

    ودى اظبط مقادير للغريبة عن تجربه



    البتيفور الشيك

    البيتيفور الشيك

    المقادير لكيلو الدقيق
    " لازم تدوروا على افضل نوع"

    واذا جبتو دقيق سايب لازم تنخلوه"


    يبقى كيلو دقيق

    750 جرام زبدة بدرجة حرارة التلاجة

    250 جرام سكر بودره

    بياض" بيااااااض" خمس بيضات لو البيض صغير يبقى 6

    ذرة ملح يعنى ربع ملعقةصغيرة كدا

    وكيسين فانيلا

    بناخد الزبدة نضربها بالمضرب على السرعة الاولى مع السكر نضربهم كويس جدا لغاية ما لون الزبدة يفتح خالص و يبقى زى الكريمه معانا

    نبتدى نضيف البيض و ذرةالملح و الفانيلا و نضرب و فى ملحوظة مهمة عاوزة اقولها

    هما نقطتين الحقيقة

    لو عاوزين نقسم العجين عشان نعمل جزء بكاكاو و جزء ابيض يبقى نقسم الخليط دا دلوقتى قبل"قبل" اضافة الدقيق ليه بقى عشان احنا لو هنضيف مثلا كوبايتين ونص دقيق هنشيل منهم نص كوب و نحط بداله نص كوب كاكاو لتلوين العجين وطبعا بنشيل كميه اكتر كل ما كانت العجينة اللى هنلونها اكبر
    ناس تقول طب ما احنا نعجن مره واحدهو بعدين نلون بالكاكاو دا هيخلى العجينه تبقى ناشفه يعنى اللى عملناه بالكاكاو هيبقى انشف من الابيض

    كمان نقطة احب اوضحهاوهو ان افرض معندناش ماكينة بسكوت وبيتى فور وهنعمله بالكيس بتاع الكريم شانتى

    يبقى هنشيل من كيلو الدقيق حوالى كوبايه عشان العجينة تكون طرية و سهل تشكيلها بالكيس و متبقاش تقيلةو عنيدة على ايدنا وترهقنا فى التشكيل
    وميهمكيش اذا كانت العجينة باينه طرية شويه او مش متماسكة اثناء التشكيل الحكاية دى هتروح ومع الخبز هتطلع واحدات ممتازة و متماسكة

    طبعا ازالة كوباية الدقيق دى فقط اذا كنا هنعمل العجينة بالكيس

    نكمل بقى دلوقتى نبتدى نضيف الدقيق و نخلطه كويس مع الخليط السابق
    لغايةما تتكون عندنا عجينة البيتيفور

    نبتدى نشكلها حسب ذوقنا و نمسح الصاجات مجرد مسح بالزيت فى اول صاج فقط

    يسوى على درجة حرارة متوسطة لمدة 15 الى 20 دقيقة كحد اقصى


    نسيبه ليله كامله و تانى يوم نزوقه حسب الذوق سواء بمربى او صوص شكولاته وفىكمان عجينة فوندان ممكن يتغلف بيها و كل واحدةو افكارها و بالهناو الشفا



    وادى طبق مشكل لكل اللى هيردوا
    وكل عام وانتم بخير
    وعيد سعيد علينا كلنا ان شاء الله




    آخر مرة عدل بواسطة حنان(البحرين) : 09-09-2010 في 12:24 PM السبب: اضافة شعار

    no0r

  2. #2
    موجو غير متواجد عضو نشيط
    تاريخ التسجيل
    May 2006
    الردود
    123
    الجنس
    أنثى
    ماشاء الله روعة

    [

  3. #3
    مى مودى ميزو غير متواجد النجم البرونزي
    تاريخ التسجيل
    Apr 2009
    الردود
    550
    الجنس
    امرأة
    اهلا بيكى موجو كل عام وانتى بخير و الله يقيمك بالسلامة لفت انتباهى شريط الحمل فى توقيعك الله ييسرلك ساعة سهلة يارب ويقر عينك بمولودك صحيحا معافا بامر الله

    no0r

  4. #4
    سأسوئه's صورة
    سأسوئه غير متواجد عضو نشيط
    تاريخ التسجيل
    Aug 2008
    الردود
    119
    الجنس
    أنثى
    كل عام وانت بخير
    وتسلم الايادى



  5. #5
    مجد الاقصى's صورة
    مجد الاقصى غير متواجد زهرة لا تنسى
    تاريخ التسجيل
    Jan 2009
    الموقع
    بين احبائي في منتدى لك ..........
    الردود
    7,464
    الجنس
    امرأة
    التكريم
    • (القاب)
      • مبدعة ركن الحلويات
      • جوهرة الحنان
      • متألقة ركن المعجنات
    (أوسمة)
    ما شاء الله حلويات روعة
    تسلم ايدك وكل سنة وانتي بالف خير يارب


  6. #6
    ضــ ح ـــى's صورة
    ضــ ح ـــى غير متواجد كبار الشخصيات
    تاريخ التسجيل
    Sep 2008
    الموقع
    مع احلي اولاد واطيب زوج بالعالم
    الردود
    17,252
    الجنس
    امرأة
    التدوينات
    3
    التكريم
    • (القاب)
      • مجموعة العطاء في أركان الجمال
      • مُبدعة صيف 1430هـ
      • النجم الذهبي
      • شعلة العطاء
    تسلم ايدك وكل سنة وانتي بالف خير يارب
    كتير طيبين شكلهم

    عدت الحمد لله ومشتاااااااااااااااااااااقة لكل الحبايب

  7. #7
    مى مودى ميزو غير متواجد النجم البرونزي
    تاريخ التسجيل
    Apr 2009
    الردود
    550
    الجنس
    امرأة
    تعقيب كتبت بواسطة سأسوئه عرض الرد
    كل عام وانت بخير
    وتسلم الايادى
    وانت بخير يا سأسوئة
    نورتينى

    تعقيب كتبت بواسطة مجد الاقصى عرض الرد
    ما شاء الله حلويات روعة
    تسلم ايدك وكل سنة وانتي بالف خير يارب
    وانت بالصحة والسعادة يا مجد الاقصى اهلا بيكى دايما

    تعقيب كتبت بواسطة *~° ضحى *~° عرض الرد
    تسلم ايدك وكل سنة وانتي بالف خير يارب
    كتير طيبين شكلهم
    وانت بالصحةو السعادة ياضحى

    و بتمنى تجربوهم و ان شاء الله بيعجبوكم

    no0r

  8. #8
    عتود غير متواجد عضو جديد
    تاريخ التسجيل
    Jun 2007
    الموقع
    usa
    الردود
    7
    الجنس
    امرأة
    كل سنه وانتى طيبه ياقمر وتسلم الايادى على الحاجات الحلوه بس ليا سؤال ممكن اسخن السمن فى الميكرويف ولا لازم على البوتاجاز وهل ينفع استبدال السمن بالزبد ومشكوره ياقمر


  9. #9
    مى مودى ميزو غير متواجد النجم البرونزي
    تاريخ التسجيل
    Apr 2009
    الردود
    550
    الجنس
    امرأة
    السمن لابد وانا تقدح اختى عتود وانا لا املك مايكرووويف فلا اعرف حقا هل يمكن ان تقدح السمن به ام لا

    بالنسبة لسؤال هل يمكن استبدال الزبد بالسمن
    ف البسكوت و البيتى فور المفضل فيهم استعمال الزبد

    اما الكحك فلابد من السمن

    و الغريبة من الممكن الزبد او السمن و السمن فيها افضل

    اهلا بك اختى الكريمة وكل عام وانت بخير

    no0r

  10. #10
    أم فئ's صورة
    أم فئ غير متواجد عضو نادر
    تاريخ التسجيل
    Jun 2004
    الموقع
    المملكة العربية السعودية
    الردود
    23,087
    الجنس
    أنثى
    الله يعطيك ألف الف عاافيه...


    وكل عام وانتي بألف خير....



    [IMG]

مواضيع مشابهه

  1. ღ♥ وصفة مبتكرة ღ♥♥ღ♥ تورتتى المعتمده بالخطوات المصوره ♥ღ♥
    بواسطة ♥أخت فى الله♥ في الحلويات والكب كيك والكيك وحلويات العيد
    الردود: 84
    اخر موضوع: 16-12-2013, 02:00 PM
  2. ღ♥ وصفة مبتكرة ღ♥غريبة الحمص من يد ***ام منير ** بالصور وعيدكم مبارك
    بواسطة am munir في الحلويات والكب كيك والكيك وحلويات العيد
    الردود: 40
    اخر موضوع: 01-12-2010, 12:02 PM
  3. ღ♥ وصفة مبتكرة ღ♥غريبة القرفه من مطبخ النطاحيه&&&&&
    بواسطة النطاحيه في الحلويات والكب كيك والكيك وحلويات العيد
    الردود: 23
    اخر موضوع: 01-05-2010, 04:30 PM
  4. ღ♥ وصفة مبتكرة ღ♥غريبة اللوز والكاكاو من مطبخ ام عبدالمعز
    بواسطة ام عبدالمعز في الحلويات والكب كيك والكيك وحلويات العيد
    الردود: 28
    اخر موضوع: 14-04-2010, 12:58 AM
  5. ღ♥ وصفة مبتكرة ღ♥غريبة البصمة من ايدياتي
    بواسطة نوارة ليبيا في الحلويات والكب كيك والكيك وحلويات العيد
    الردود: 22
    اخر موضوع: 09-03-2010, 04:34 PM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97