تويت
♥♥♥تعالوا معي على كورنيش الشارقة وشاركوني كاتو الموز والتفاح...ابتكار سريع وناجح♥♥♥
أهلا وسهلا ومية مليون مرحبا فيكم أخواتي
اشتقت لكم كتير
واشتقت لركن الحلا والحلوين
هالمرة وصفتي غير شكل
بصراحة كانت تجربة والحمد لله نجحت
كل يوم جمعة ما شاء الله تبارك الله منطلع برا البيت
وإلا بيصيروا الأولاد بياكلونا من قعدة البيت 
وبصراحة متعودين نطلع لدبي ونكتشف الجديد فيها لأنها دوماً فيها كل جديد
بس هالمرة بيوم الجمعة الماضي ما طلعنا لأنو شيخ الشباب نام بعد الصلاة ولم
يعد هناك وقت كاف للذهاب لدبي والعودة
مع أنها لا تبعد سوى 25 كم ولكن الزحمة تجعلها بعيدة وكأنها 200 كم
فاستقربنا وقلنا لحالنا نروح على بحيرة خالد المعروف بكورنيش الشارقة
المهم وبلا طول سيرة
قلت لحالي لازم أعمل شي طبق حلو لنأخذه معنا ونتسلى
ومن مللي من أطباقي قررت أن أجرب شيئاً جديداً خطر ببالي
وقلت لحالي بدي أكل هالتطبيق حتى ولو كان كاتو معجن وما زابط
بس الحمد لله ما شاء الله رب العالمين ما خيب ما سعيت له ونجح الحلو
كنت أفكر من فترة في كاتو الأناناس ومن فترة قريبة ساويته
فقلت لحالي مثلما يتحمل الأناناس وضعه بالفرن فبالتأكيد التفاح والموز حيتحملوا مثله
وبالفعل عملت حوالي كاستين شاي بيالة مملوءة سكر
وسخنتها على النار حتى ذوبتها وبعد قمت بصف التفاح والموز بعد أن جمد السكر
والمقادير لكيكتي التي لا أحيد عنها منذ أكثر من ثمانية سنوات
كيكة التفاح والموز
3 حبات بيض
ملعقة صغيرة فانيليا
2 ملعقة صغيرة بكم باودر
حوالي نصف ملعقة صغيرة خل
ملعقة طعام كاكاو منخول
نصف كاسة حليب
نصف كاسة زيت
كاسة سكر
بعد خلط كل ما سبق جيداً
نقوم بإضافة كاسة وربع طحين منخول
وصبيت المزيج فوق التفاح والموز
ويخبز بالفرن مثله مثل أي كاتو عادي
انتظري قليلاً قبل أن تقلبيه حتى يجمد السكر قليلاً
وتذهب سخونة الكاتو
اعذروني ما صورت الخطوات
لكن لي موضوع من قبل عن كيكة الأناناس
فيمكن اتباع نفس الخطوات ما عدا بدل الأناناس نضع تفاح وموز
وهيدا الرابط
لأنني كنت مستعجلة 
لكن أي سؤال أنا بالخدمة
وأترككم مع الصور
وهيدي صورة حصرية مع منتدى لك
وصورة الكاتو لما تعبى بعلبة الرحلة
وأخيراً هي ابني حامل الكاتو قبل أن يقضى عليه ويصبح بخبر كان
مع خلفية اطلالة لكورنيش الشارقة بلحظات الغروب
بتمنى تجربوا الطبق لأنه لذيذ وناجح والحمد لله
ولن تندموا عليه
[
تعليق