السلام عليكم ورحمة الله وبركاته

عملت حاجات

يارب تعجبكم

أول حاجة عملتها كيك البرنسيس
وهي بتغلب شويه في عمايلها
بس بتطلع روعة
وطعمها جنان كمان

أنا للأسف ماصورتهاش وهي في طبق التقديم
صورتها وهي لسة بتتعمل بالخطوات
بس بيتهيألي شكلها واضح

دي صورتها

الطريقة والخطوات
أولا التزيين

انا استخدمت كريمة بمبى
ودي عملتها ازاي
جبت 4 حبات فراولة مع معلقة سكر
ضربتها في الخلاط
مع شوية ميا صغيرين
وحطيت معاها كيس أيس كريم فراولة باودر
ضربتهم مع كريم شانتية باودر
بقا شكله كده

واستخدمت كمان كريمة لونها أصفر
جبت كيس كريم كراميل باودر
ضربته مع كريم شانتي
اداني اللون الأصفر
وطعمه روعة

هاتي كيك أسفنحي شيكولاتة
أنا عملتها في صينية مستطيلة كبيرة
وقطعتها بالطول نصفين
وقسمتها كمان نصفين
من الجنب
وده طبعا بعد ما قطعت الحروف والأجناب

هاتي أول طبقة بالشكل ده

اسقيها بالشربات

ادهنيها بطبقة من الكريمة البمبى

بعد كده حطي الطبقة التانية وادهنيها بالشربات

بعد كده حطي عليها طبقة من الكريمة الصفرا

بعد كده كرري اللي عملتيه
يعني حطي الطبقة التالتة وبعد ماتدهنيها بالشربات حطيلها طبقة كريمة بمبى
وبعدين حطي الطبقة الرابعة والخيرة
وادهنيها بالشربات
حطي عليها ورقة زبدة وسيبيها في التلاجة حوالي 3 ساعات
وبعد كده طلعيها
وده شكلها بعد ماطلعت

شيلي ورقة الزبدة
وساوي الأجناب والحروف
خليها متساوية من كل ناحية
وابدئي الشغل

اول حاجة ركزي في الصورة دي
بتبين طريقة القطع هتكون ازاي بالسكينة

اقطعي بالميل وبزاوية بطول الكيك
بالراحة جدا جدا
وخللي بالك وانتي بتقطعي
ولازم السكينة تكون مشرشرة
علشان تقطعها كويس

وده شكلها بعد مااتقطعت

بعد كده
بندهن وجهها اللي كان من فوق بالكريمة الصفرا ونلزق معاها الطبقة اللي كانت من تحت
يعني بالعكس
زي الصورة دي

نسيبها تتماسك شوية في التلاجة
بعد كده ندهنها بالكريمة البمبى

نريحها شوية في التلاجة
وبعدين ندهنها بكريمة الشيكولاتة

انا هنا حطيت كاكاو مع الكريم شانتي وشيكولاتة خام مبشورة
ودهنت بيها الكيك بالشكل ده

كنت مسيحة شيكولاتة خام في حمام ميه
بس ضفت له شوية لبن صغيرين
ومعلقة صغيرة سمن بلدي
وشوية زيت للتلميع
بعد مابردت صبيتها على الكيك كده

بعد كده ضفت مكسرات مفرومة ( بندق ولوز )
وشيكولاتة خام مبشورة

قطعت الزيادات من ادام وورا
وده كان شكلها النهائي

وهنا بعد التقطيع

شكلها شيك جدا جدا
وطعمها فوق الوصف
هي اصلا صنف جاتوه
بس بجد جميلة جدا جدا جدا
جربوها وعلى ضمانتي

ودي وهي في الطبق

يتبع

عملت كمان تورتة الفواكة

وده كان شكلها



ودي وهي متقطعة بتبين الطبقات



اتفضلوا معانا



بس اياك أى واحدة فيكم تقولي اديني الطريقة بتاعتها
لأني تعبت جدا جدا وانا بنزل الموضوع ده

والتورتاية دي بالذات تعبتني أخر تعب
في عمايلها وفي تصويرها
ده غير اني لسة هخفف حجم الصور

اصبروا عليا شوية
هنزلكم الطريقة يا اما هنا او في موضوع منفصل

ماتنسونيش بالدعاء انا وبناتي

تسلم ايديكى ياقمر

طبعا حلويييييييييين جداااااااااااااا وطبعا عايزين الطريقه طبعا وربنا يبارك فى مريم وساره وكل سنه وانت طيبه

راائع ..تسلم الأيادي يا رب

تسلم ايديكى

رووووووووووووعه ما شاء الله شكلها يجنن

شجعتيني اعملها ممكن تقوليلي مقادير كيك الشكولاته اللي عملتيها

وتسلم ايديكي يا قمر

تسلم ايدك اختي ابدعتي والله
ومنتظرين التكملة والطريقة