ღ♥ وصفة مصورة ღ♥ تورتة وميني جاتوه من مطبخ ريحانة

**ريحانة عطرة** · 14-01-2010, 02:58 PM

أحلى سلاااام وأحلى تحية لكل الحلوين في منتدانا الرائع
حبيت أشارك معاكم اليوم بمشاركة متواضعة يعني من باب التواصل أنا عارفة أني قليلة المشاركات لكن اعذروني هذا ما تسمح به الظروف ، بلااااااش حجج وكلام فارغ ، وخلينا في المفيد
عملت تورتة فراولة وأيضا ميني جاتوه
أنا عارفة إنهم مش perfect قوي يعني خربانين شوية لكن حبيت أشارك بيهم كفكرة جديدة وبسيطة يمكن تنفع وحدة حامل وتعبانة وزهقانة وقرفانة زيي ، مرة أخرى بلاش عكننة وخلينا في المفيد علشان ألحق أروح أعمل الغدا ...........

بالنسبة لتورتة الفراولة عادية جدا ولا جديد فيها سوى أني غمست الفراولة قبل رصها في جيلي فراولة بارد ومركز(يعني استخدمت نصف كمية السائل المكتوبة على العبوة )وبالنسبة للجوانب فهي أيضا عبارة عن قطع صغيرة من الفراولة المضاف إليها بضع ملاعق من الجيلي السابق علشان لو غمسناها وهي قطع صغيرة سنحتاج لتصفيتها من الجيلي مرة أخرى وهتبقى حووسة _بعد الشر عنكم _

بالنسبة للميني جاتوه قمت بتقطيع طبقات رقيقة من الكيك الإسفنجي المتبقي من تورتة الفراولة إلى دوائر صغيرة ممكن تستخدمي لذلك قطاعة أو فنجان قهوة ، أنا استخدمت فوهة الأسطوانة الخاصة بمكنة البتيفور

لكل قطعة جاتوه اسخدمت ثلاث طبقات لصقتها ببعضها بالكريمة ثم غلفتها بها من الخارج ، وبعد ذلك دحرجتها في جوز هند محمص ( طبعا انتوا شطار وهتحمصوا جوز الهند كويس مش أي كلام زيي وأنا تعبانة )وبعدين وضعت كل قطعة على قاعدة عبارة عن قطعة أناناس وزينتها من فوق بشريحة كيوي ونصف فراولة أترككم مع الصور .................