اللى يحب يعمل لقمة القاضى ويعرف سر المهنة يتفضل يعرف الطريقة
المقادير :
300 جرام دقيق ( طحين )
300 جرام ماء
25 جرام خميرة
2/1 ملعقة صغيرة ملح
2/1 ملعقة صغيرة سكر
حبة بطاطس مهروسة ( مسلوقة )
شراب العسل ( القطر أو الشيرة )
الطريقة :
- تذاب الخميرة فى الماء مع السكر وتترك ربع ساعة حتى تفور .
- يضاف الدقيق المضاف اليه الملح الى الخميرة تدريجيا مع التقليب بالمضرب السلك ( مضرب البيض اليدوى ) حتى تمتزج العجين .
- يضاف اليهم البطاطس المهروسة مع الأستمرار فى التحريك جيدا .
- نضع الزيت على النار ( غزير ) ونبدء بواسطة ملعقة صغيرة نضع فى الزيت عندما تضفوا على الوجه ويكون لونها دهبى نرفعها فى مصفاه حتى نتخلص من الزيت الزائد ثم نضعها فى العسل حتى تتشرب ثم نصفيها ونضعها بطبق التقديم والف صحة وعافية .........
ملحوظة :
- غير ضرورى التقيد بنفس المقادير بمعنى ( يمكن استخدام كوب معيار للدقيق وبنفس الكمية للماء ) .
- بالنسبة للبطاطس هى سر هشاشة الزلابية وضرورى تكون مهروسة جيدا بواسطة ( الميكسر أو هراسة البطاطس ) ولا يكون بها قطع صغيرة لكى تندمج جيدا بالخليط .

مشكوره نجوى وفعلا طعمها رائع

عزيزتى ام عبود وسلوم لا شكر على واجب وبالهنا والعافية

عاشت ايد يكى يا نجوان تسلمى على الطريقه الجديده دى و ان شاء الله تطاع كويسه و اقولك

عشتى يا noshe ويارب تعجبك بجد

نجوان من فضلك 25 جرام خميره تعادل اد ايه انا عندلى ف البيت خميره جافه فهل تعادل ملعقه كبيره مثلا و الا اكتر 000000000 يالا باىىىىىىىىىىىىىىىىىى

هى فعلا يا noshe ملعقة كبيرة مليانة انا بحط كده جربى وبلغينى

ok يا حبى حاجرب و اقولك شكرا جزيلالالالالالالالالالالا0

تسلم الايادي يا نجوان معندكيش اد اية انا بحب لقمة القاضي وانتي ادتيني فكرة سمعت عنها كتير وهي البطاطي المهروسة وطالما عن تجربة شخصية منك بعد كدة حعملها كدة ان شاء الله تسلم ايدك يا عسولة

تسلمى يا نانو جربيها لأنها فعلا رائعة وانا مستنية رآيك