السلام عليكم ورحمة الله وبركاته

الى حبيباتى فى المنتدى كنت كتبت فى المنتدى من فترة انى نفسى اعرف اطبخ بطريقة احترافية شوية ويكون الاكل شهى
والحمد لله
طبقت نصايح وكلام من ناس كتير جزاهم الله خير الجزاء
ودلوقتى بقيت متشجعة انى اجرب حاجات كتير واعمل اصناف كتير

ام نور ....عملت اغلب الاشياء اللى فى ملف التفريز والحمد لله استفادت كتير ربنا يخليكى يارب

ودلوقتى جة وقت الزن على الودان مش انتوا اللى قولوتولى اتعلمى وطبقى واسألى

بصوا بقى ...عندى فاكهة كتير ومش عارفالها استخدام وبتبوظ عندى من الحر

العنب ...حد عنده افكار استخدمة فيها لان عندى كمية ولونها بيغير يوم عن يوم

الشمام او اللى اسمة الشهد عندى بردو كمية وعايزة فكرة غير انى اقطعه وناكلة متقطع بس
فية اى طريقة حلويات استخدمة فيها

هاستنى خبراتكم وردودكم ...اختكم فى الله

هلا فيك حبيبتي وانشالله تستفيدي زي مكلنا استفدنا هنا
بالنسبه للعنب ممكن تستخدميه فعمل الكيك او تعمليه زبيب او عصائر
بالنسبه للكيك
http://www.lakii.com/vb/showthread.php?t=584657
هادا الرابط فيه كيكه تفاح نفس المقادير ممكن تستخدمي العنب بدل التفاح كوبين من العنب بس تحطيه مع العجينه لانه لو حطيتيه فالقاع يحترق
اما الزبيب فحلا هدورلك على رابط لماما الاء الغاليه واجبهولك
وممكن تعمليه مربى ولو عايزة طريقتها انا حاضره

اما الشمام ممكن تعملي سلطه فاكهه او عصاير
واي سؤال انا بالخدمه
ده رابط ماما الاء لتجفيف الفواكه والخضروات
هتلاقي تجفيف العنب
http://www.lakii.com/vb/showthread.php?t=573599

تسلم ايدك ياااااااااااااااااااارب وكل سنة وانتى طيبة

مش عارفة اقولك اية ...جزاكى الله خير

تصدقى اول مرة اعرف ان فية مربى عنب ....تعالى نجربها ياريت تبعتيلى الطريقة
ولو هاتقل عليكى كمان
سؤال محرجة اسأله الحقيقة ...دخلت القسم ولقيت مواضيع كتيرة عن الشوفان وكوب وكوبين وحاجات كتير كدة

اية هو الشوووفاااااااان بقى ...كنت فاكراه الدقيق فى الاول طلع مش هو
ممكن تعرفينى اية هو لاحسن محرجة اسأل

يارب البنات يفيدوك للللرفع

رمضان كريم

حبيبة قلبي هوه ده الشوفان هتلاقي فالسوبرماركت وعند العطار
فالسوبرماركت هتلاقيه من منتجات دريا وكويكر
وهوه نوع من الحبوب المفيده جدا المربى هقلك عليها حالا

هتجيبي كميه العنب الي عندك نقي الحبات الحلوة يعني ميبقاش فيها حاجه هتضرب
وتحطي عليها سكر يعني لو 2 كيلو عنب لو كان مسكر هياخد نص كيلو سكر هتحطيهم سوا على النار بس تكون متوسطه وتقلبي باستمرار علشان ميشطش او يتلسع معاك ولما تنزل الميه ويبتدي يتهري ممكن تدوقي حلاوته لو عيزاها مسكرة اكتر ممكن تحطي سكر تاني
وتحطي عصير لمونه او اتنين حسب اللمون
وتسيبيهم على نار هاديه وتقلبي كل شويه لغايه اما يستوي وبالف هنا وشفا
وهتدوقي احلى مربى
لو عايزة اي تفاصيل انا فالخدمه ومن غير احراج ياقمر

يمي يمي يمي يمي

تسلم ايدكِ يا قمر

طيب من ايديكِ ... ننتظر المزيد من ابداعاتكِ