الحمد لله كنت اشتريت ماكينة المعمول و جربت اعمل الكيك فيها بطريقة أخت غالية علية من منتدي اخر و الحمد لله طلعت جميلة و ما شاء الله سهلة و هشة و دي طريقتها ....
المقادير
2 كوب دقيق
1 كوب سكر
نص كوب زيت
ملعقة متوسطه فانيليا
ملعقة أكل بيكنغ باودر
ربع كوب ماء
4 بيضات
الطريقة
نضرب البيض ونضيف السكر والزيت
نضيف الماء وبعدها الفانيليا والبيكنج بودر والطحين بعد ماننخلهم مع بعض
نصب العجينة في قوالب ماكينة المعمول بعد ماتسخن ونمسحها بفرشاة الزيت
ونسيبها بالضبط 4 دقائق و ان شاء الله تكون استوت و نرفعها بخلة.. و طبعا انتو ممكن تعملة طريقة الكيك اللي يريحكم يعني بالكاكاو او البرتقال و ممكن تستخدمو السمنة بدل الزيت بس اهم ملحوظة ما تملوش القالب لغاية الاخر علشان ندي الكيك مساحة انة ينتفخ و بالهنا و الشفا
دي صورة الالة
و دا الكيك بعد ما صبيتة ممكن بملعقة او في كيس الحلواني اللي يريحكم
و دا بعد ما طلع قولوا ما شاء الله
و طبعا ممكن تدهنوة بمربي او شيكولاتة نوتيلا و تغلقوا كل حبتين علي بعض و او تزينوة بأي طريقة تريحكم
الحقيقة احنا بنحبة سادة
و يارب يكون عجبكم
الروابط المفضلة