✿* حلى متميز*✿«®•°°·.¸.•° كب كيك التفــــاح ·.¸.•°°®»
حبيبات قلبي اغلى و احلى بنات
ازيكو عاملين ايه يارب تكونو تمام الحمد لله
النهاردة جايبالكم وصفة جميلة بجد و احلى حاجة فيها
انك ممكن تستغلي فيها تفاح طلع مش مسكر مثلا او استوى عندك
وكمان تخلي الاطفال ياكلو فاكهة تفاح بقى والحديد وانتو فاهمين
.
.
.
.
كفاية رغي كالعادة و ندخل في المفيد
الكيك ممكن تعمليه في صينية كبيرة براحتك انا عملت كب كيك
واتنين قالب مستطيل، يلا نبدأ
.
.
.
.
المقادير:
2 بيض
2 كوب دقيق
2 : 1.5 كوب سكر ، انا استعملت 1.5
5 تفاحة متوسطة
1 ملعقة صغيرة بيكنج صودا (كربوناتو)
1 كوب زيت نباتي ، انا استعملت نص زيت و نص زبدة
2 ملعقة صغيرة قرفة مطحونة
نص ملعقة صغيرة ملح
نص كوب ماء حسب الحاجة
.
.
.
.
في وعاء كبير نقطع التفاح الى مكعبات صغيرة و ممكن تقشرية او تخليه بقشره
براحتك انا قشرته
نخلط كل المواد الجافة مع بعض الدقيق و السكر والفانيليا و البيكنج صودا و القرفة
والفانيليا او سيبيها للخلط مع البيض زي ما تحبي
نضرب البيض مع الزيت لحد ما يختلطوا تماما ويبقى الخليط خفيف
و بعدين نضيف خليط المواد الجافة ونقلب بخفة و دلع .... مش عارفة جملة خليط
المواد الجافة دي جايباها منين خخخخخخخخخخخ
نشوف سمك الخليط مش لازم يكون تقيل اوي ولا خفيف يعني اكتر من سمك
الكيك العادي شوية بس زي الصورة
نصب الخليط على التفاح و نقلبهم مع بعض كويس
نصب الخليط في القوالب المدهونة او في قوالب الكب كيك المبطنة بورق بيليسيه
ندخلهم في فرن هادي يعني 180 درجة و نسيبهم حوالي نص ساعة او اكتر بس
خلي بالك لما تختبري الكيك بالسكين ان ممكن التفاح يخرج السكين مش نظيف
فانتي شوفي ملمس الكيك و كمان هتلاقي الوجه بقى لماع و مكرمل ولذييييييييذ
بعد خروجها من الفرن
معلش زوجي اخد واحدة بسرعة هههههههه ، ودول القوالب المستطيلة
يلا يا بنات كلكم معزومين في ضيافتي انا و عمور حبيبي ........ ابني ما تخافوش كدا
اتفضلواااا الكلللللللللللللللل معزووووووووووم
صورة اقرب شوية
ممممممممممم ريحيتها جايبة من بعييييييييييييييييد
اتمنى تكون عجبتكم يا قمرات وتجربوها
بجد حلوة وجديدة وتستحق التجربة و على ضمانتي
رد مع الاستدلال
[
كتبت بواسطة noorelhoda
الروابط المفضلة