✿* حلى متميز*✿مثلثات الجلاش بالكاسترد لذييييييييييييييييييييييذة
السلام عليكم و رحمة الله و بركاته
كيفكم حبيباتى جميعا من زمااااان ما عملتش الجلاش بطريقة امى ربنا يديها الصحة
اكيد الكل بيعرف طريقتها بس انا كل ماباكلها باحس انى فى بلدى مع امى و اخواتى و بشتاق ليهم اوى ربنا يقرب الايام و ان شاء الله اشوفهم قريب
يالا ندخل على المقاير :
كاسترد (حسب الطريقة المكتوبة على العلبة) و اضفت عليه قليل من الزبيب
كمية من السمن وممكن اضافة ملعقة قشطة للخليط بس انا ماكان عندى
علبة جلاش
شربات او قطر سميك قليلا
الطريقة:
1-انا كنت حطيت الجلاش فى الفريزر و طلعته قبلها بقترة من الفريزر حتى فك تماما علشان ما يتكسرش منك
2-انا قفلت التكييف الاول مع ان الجو حار جدا بس علشان الجلاش بينشف بسرعه و اخذت طبقة من الجلاش و غطيت الباقى جيدا بقطعه من القماش
3-دهنت طبقة الجلاش بالسمنة البلدى او سمنة المراعى برضه رووعه فى الحلويات
4- بعدين قسمت العجينة ل3 اقسام بدون ما اقطعها بالنظر فقط و تضمى التلت الاول و دهنت بالسمنة و بعدين ضميت التلت التانى و برضه دهنته بالسمنة فتقريبا بتكون بنفس سمك عجينة السمبوسة بعد ما تطويها فبيكون كده سمك طبقة الجلاش مناسب لانك لو طويتيها من النص هتكون كبيرة
5- و بعدين نضع كمية مناسبة تقريبا ملعقة من الكاسترد على قاعدة الجلاش و نلفها على شكل مثلث و نرصها بالصينية
6- نرص مثلثات فى الصينية و بعدين ندخلها فرن ساخن فى الرف الاوسط حتى تحمر من فوق و تحت
ثم نضع الجلاش و هو ساخن فى الشربات او القطر و يكون متوسط السمك و نقلب على الجانبين فى الشربات و نشيلها و نضعها فى مصفاة
و دوقوا احلى جلاش فى الدنياو ادعوا لى ان ربنا يوفقنى انا و زوجى للخير
رد مع الاستدلال
اعذروني لغيابي 
*
*
[
الروابط المفضلة