بسم الله الرحمن الرحيم
حبيباتي النهاردة حبيت انزل تطبيقي لتورتة الايس كريم الرائعة للغالية قوي على قلبي " نور الهدى " اللي مش بقدر دايما اوافيها حقها لذوقها واخلاقها ووصفاتها اللي دايما بتشرفني وبتبيض وجهي ربنا يبارك فيكي يا غالية وما يحرمني منك ابدا ويجازيكي كل خير دنيا واخره ويجعلك من اهل الجنة ويحققلك كل مرادك دايما اللهم امين.....
ده الرابط الاصلي لنور الهدى فيه شرح مفصل طبعا:
http://www.lakii.com/vb/showthread.php?t=519060
1- انا بصراحة كان عندي خطة للتزيين بس مطبقتهاش وخليتها بسيطة عشان وقتي وطلعت بجد حلوة .
2- الايس كريم استعملت شيكولاتة وفراولة وفانيليا وهو الايس كريم البودرة دريم وجهزته بالطريقة المكتوبة على العلبة بس بدل 200مم لبن مثلج استعملت 150مم فقط وكمان ضربته 5 او 6 دقائق كمان مش 3 دقائق زي ما مكتوب على العبوة عشان يتماسك كويس وده كله برضه بارشادات ام نور الغالية.
3- الكيكة استعملت كيكة البرتقال بتاعتي المعتمدة لاني واهل بيتي بنعشقها وقسمتها جزئين بطريقة الحبل لام نور زي ما موجود في الرابط اعلاه واول مرة اجربها وطلعت طريقة وهمية ورائعة كالعادة كصاحبتها.
4- الطريقة كلها واضحة في الصور بطنت الصينية بالنايلون وصفيت اناناس حلقات وفواكه مقطعة صراحة كنت هستعمل فراولة وكيوي بس مش كانوا متوفرين فقلت المرة الجاية وكسلت انزل والجايات اكتر من الرايحات بإذن الله.
5- وبعدين اضفت ايس كريم فراولة وبعدين طبقة كيك واضفت ليها عصير شرائح الاناناس وفواكة مشكلة بس الصورة دي مش عارفة اختفت فين وبعدين طبقة ايس كريم شيكولاتة وقليل من الايس كريم فانيليا.
6- اخر خطوة طبقة الكيك وشربيتها عصير فواكه برضه قبل ما اضيفها وغلفتها بالنايلون جيدا.
ودخلتها الفريزر طول الليل وتاني يوم قلبتها وتركتها ربع ساعة وقطعتها واترككم بقى مع الصور،،،
رشيت على اجنابها شيكولاتة خام مبشورة
ودي صورتها بعد التقطيع ايه رايكم؟؟؟؟؟؟؟؟؟؟؟؟؟؟
ودي بقى ليكي يا ام نور يا قمرة:
يا رب تعجبكم وتعجبك يا ام نور
واكون عند حسن ظنك حبيبتي،،،
ربنا يبارك فيكي
✿*تطبيق متميز*✿تطبيقي لتورتة الايس كريم للغالية نور الهدى من مطبخ رضوى
رد مع الاستدلال
اعذروني لغيابي 
*
*
كتبت بواسطة um almajd
الروابط المفضلة