لكل اخت غالية بالمنتدي تحب تزيين الكب كيك
انا حبيت اكتب موضوع عن تزيينة بطريقة مبسطة و جميلة بشوية طرق جمعتها من مواقع اجنبية ( ايام ماكنت زهقانة من عمايل الكيك و كان نفسي اعمل الميني كيك ) و ان شاء الله حأحط صور و فيديوهات من اليوتيوب و ان شاء الله لما تضغطوا علي الرابط هيظهر الفيديو بس بدون اي فيديوهات جانبية ( لان انتو عارفين ساعات اليوتيوب بيخرف ) و لو عجبكم الموضوع عاوزين شوية دعوات حلوة و لو كان مالهوش لازمة برضة بالغصب عاوزين شوية دعوات حلوة
أولا مقادير الكب كيك
طبعا ممكن تعملي مقادير اي كيكة و تصبيها في قوالب الكب كيك او تأخدي الطريقة دي و انا معتمداها و الحقيقة روعة ولاخت غالية اسمها ام ناصر و هي كالأتي:
المقادير

4 بيضات
كوب سكر
فانيلا
3/4 كوب زيت
كوب حليب سائل
كوبين وربع طحين
3 ملاعق بكنج باودر صغيرة
نكهة حسب الرغبة
والتزيين حسب الرغبة

و نعملة بالطريقة العادية نخفق البيض جيدا ثم الفانيلا ثم السكر مع الاستمرار في الخفق ثم الزيت و ممكن استخدام الزبدة ثم الحليب ثم نضيف الدقيق المنخول مع البيكنج بودر تدريجيا مع التقليب بخفة ثم في الاوراق الخاصة بالكب كيك وصواني الكب كيك حتى ثلاث ارباع الورقة ثم في فرن 180 درجة لمدة نصف ساعة

ثانيا كريمة التزيين

بالنسبة لي أفضل كريمة الزبدة المخلوطة بنسبة من الكريمة شانتية و مقادير كريمة الزبدة هي
2 اصبع زبدة في درجة حرارة الغرفة تخفق جيدا بالمضرب ثم نضيف 4 كوب سكر بودر مطحون ناعم جدا و منخول مع استمرار الخفق ثم نضيف 2 ملعقة كريمة لباني او قشطة مع اضافة الفانيلا و نستمر في الخفق لغاية ما يكون لها قوام كريمي منفوش و ممكن بعد كدة نضيف كمية من الكريم شانتية المخفوق بيديها طعم اجمل و دي كن تطبيقي لها


ثالثا التزيين
( شفتوا ماشيين بالترتيب اهو علشان محدش يتريأ علي الموضوع )
دي شوية طرق بسيطة و يارب تعجبكم
(1) للحصول تزيين بسيط كدة و بيسموة swirl او الدوامة

بنستخدم قمع شكل النجمة و ايدينا بزاوية 90 درجة و بنبدأ من الاطراف و دي صور موضحة



و ممكن بعد كدة نرش عليها شوية شيكولاتة فورماسيل او سكر ملون و دا طريقتة اننا بنجيب كيس و نضع في شوية سكر و نضع علية قطرة او اتنين من اللون اللي احنا عاوزينة و بعدين نرج الكيس و دا اللي هنلاقية و ممكن نستخدم الطريقة دي برضة مع جوز الهند



(2) تكنيك الوردة buttercraem rose

و دي بيستخموا لها قمع رقم 104 و بتاعة مدورة كدة علشان نعمل الوردة عليها اسمها rose nail


و لو مش عندك القمع دة زي حالاتي ممكن تروحي عند اي واحد بيصنع الاقماع و تخلية يعمل لك واحد شكلة و البتاعة المدورة دي ممكن تستبدليها بأي حاجة مدورة زي كوباية مقلوبة او اي شئ
و دا تطبيقي للوردة هي مش صعبة اوي و ان شاء الله تجيبوها من اول مرة


و دا اللي عندي للنهاردة و ان شاء الله اكمل بكرة شوية اشكال بسيطة تانية بس بالله عليكو لو الموضوع مش كويس قولوا علشان ما أتعبش علي الفاضي
و متنسوشي دعواتكم الحلوة و ان ربنا يسهل لي اروح اعمل عمرة السنة دي قولوا أميييييييييييين

ما شاء الله تحفه

ميرسى على الدرس الجميل

وبجد تسلم ايدك يا قمر

تسلمي يارب

إلا كويس .. ده كويس وستين كويس كمان ...................تسلم الايادي يارب ومتحرمناش من المزييد .. رزقك الله زيارة بيته واياكي.... امين

دة يجنننننننننننن ربنا يباركلك ياربببببببب
احنا مستنيين ياجميل
ربنا يجعله في ميزان حسناتك

مشكروة على الافكار الهايلة
ربي يبارك فيك

الشكر لكل غالية ردت علية و ان شاء الله هأكمل لكم شوية تكنيكات النهاردة و يا رب تعجبكم

تسلم ايدك

افكار حلوه

بارك الله فيكى على التشكيله الحلوه وجزاك الله كل خير و يا ريت تنورينا بأفكار تانيه