السلام عليكم ورحمة الله وبركاته
ازيكم جميعا يا احلى عضوات فى ألذذذذ منتدى
هأقولكم اليوم على طريقة عمل المهلبية .. طبعاً بتقولوا هى المهلبية عايزة عمايل يعنى لبن وعليه شوية سكر ومعلقتين نشا وخلاص يبقى مهلبية ... صحيح دى طريقة المهلبية بتاعتنا يعنى بتاعة الايام دى اللى كل حاجة فيها بالرتم السريع .
ولكن طريقتى اليوم قالتلى عليها حماتى الله يمسيها بالخير وقالتلى كنا بنعملها زمان كده وعلى نار هادية جداااااااااااااا ويمكن تاخد ساعة واحنا بنقلب فيها (أيام روقان )بس النتيجة مختلفة طبعاااااااااااااااا وانتوا الحكم..
بسم الله
اولا : نجيب نص كوب أرز مصرى ونغسله وننقعه فى ماء لمدة ساعة وبعدين نطحنه ناعم جدا يعنى يبقى زى الدقيق
ثانيا : نضع حوالى لتر لبن وعليه دقيق الأرز والسكر طبعا حسب الرغبة ولا ننسي شوية فانيليا للطعم
ثالثا: نهدى النار جدااااا ونقلب بملعقة خشب ونقلب الى ان يغلى اللبن وكل ده مع التقليب المستمر
رابعا : طبعا نحطه فى اطباق ونزينه باى شئ انازينته بجوز الهند واللوز
وبألف هنا
رد مع الاستدلال
الروابط المفضلة