✿* حلى متميز*✿تورتة الست البالونه بكريمة الزبده بتاعة نور الهدى
تورتة الست البالونه بكريمة الزبده بتاعة نور الهدى
بعد ما عملت سمسمه ام هوبا تورتة كريمة الزبده
وطلع شكلها رائع
اتشجعت اعملها
بس عملت التورتايه بطريقه تانيه بس سهله جدا وزي الاسفنجيه وجميله جداا
حقدم لكم النهارده تورتة الست اللبلونه
طبعا دا علشان حامل في توأم وشكلي بقا زي البللونه هههههههههه
ادعولي ربنا يتمملي على خير
اولا طريقة عمل كريمة الحشو الجميلة جدا والرائعه حتلاقوها على الرابط دا من ايدين نور الهدى
نخلت السكر زي ماقالت
وضربت الزبده ثم ضفت السكر على مرتين ثم مقدار اللبن اللي قالت عليه وملعقتين الكاكاو والفانيليا
وبقت بالشكل الكريمي دا
اما طريقة التورتايه
فهي كالتالي:
المقادير
كوب ونص دقيق
4 بيضات
نصف كوب لبن
كوب سكر عادي خشن متخفوش حيذوب في الفرن خالص
نص كوب زيت
هوا انا حطيت نصف كوب اللا ايئ الإيئ دا اقل من السنتي بشويه
وباكت بيكنج باودر وفانيليا
وملعقتين كبار مليانين كاكاو خام بودره
الطريقه :
اخلطيهوم كللهوم مع بعض في وعاء غويط بمضرب اليد جيدا
وتكوني مولعه الفرن يحما شويه
ادهني الصينيه فتفوتت زبده وبطنيها بالدقيق طبقه رقيقه جدا
وكوبي الخليط بتاع الكيكه في الصينيه ودخليها الفرن نص ساعه في منتصف الفرن
واتركيها نصف ساعه
ثم خرجيها من الفرن واطفيه
وشكشكيها بالسكينه انا عن نفسي قتلتها ههههههههههههههههه
وكنت مجهزه نصف كوب لبن بالكاكاو ومحلياه بملعقة سكر
كوبيه على التورتايه وهيا لسه في الصينيه وشربيها بيه وامسحي سطحها بظهر ملعقه الى ان
تتشرب نصف كوب اللبن بالكاكاو
ثم دخليها الفرن بعد ما طفتيه حيكون لسه سخن متخفوش
وسيبيها 10 دقائق والفرن مطفي عادي
وطلعيها وخبطي جوانب الصينيه على الرخامه وحوطي التورته في طبق مسطح
او صينيه
شايفين سوده وجميله ازاي تقولوش بالك فورست يا اخواتي ايه الطعامه دي
شوفو جميله ومرتفعه ازاي ؟
وكمان طريه وحلوه زي الجاتوه او التورتايه بتاعة المحلات
واقسميها
وادهنيها بكريمة الزبده كلها من جوا وبرا ومن الطرفا والحواف
واحشيها بزبدة الكريمه
زي ما عملتها نور الهدى وسمسمه ام هوبا
وزينيها باكريم شانتيه بالزبده والكاكاو
طبعا حتقولو البللونه طلعت مدوره ومنسقه ازاي
حقلكم على الطريقه
هاتي الغويشه بتاعتك اللي بتلبسيها في ايدك
وحوطيها على التورتايه ههههههههههههههه
زي ما في الصوره
واحشيها شيكولاته
وبعد كدا حدديها بالكريمه اللي في الرابط
وزينت التورته بكور صغيره
او بللونات ممكن تسموها هههههههههههههه
وحطيت فوقيها قطع شيكولاته كادبوري
وبالهناء والشفاء يا رب تعجبكم
التورتايه دي مفيده وكويسه لكل حوامل التوأم البالونات
رد مع الاستدلال
كتبت بواسطة omarafa
[
الروابط المفضلة