بسم الله الرحمن الرحيم

بما ان ليا فترة مادخلت على المنتدى ...وكل مادخلت عليه لقيته مقفل

توة فجأة قلت خل نجرب ...والحمدلله لقيته رجع ...وما تصوروش فرحتي بيه

لأني محتاجتكن ضرووووووري هالايام ...

أولا نزف لكن خبر جديييييييييييد وهو :

خطوبتي

الحمدلله انخطبت الفترة اللي فاتت لولد حلال رزقني بيه المولى عز وجل...وتم دفع المهر على بركة الله ...

وأنا متأكدة انكن ح تفرحن لي كيف أهلي وأحبابي لأنكن من أعز أعز أحبابي ...

والايام الجاية راح نعملو حفل خطوبة مصغر ...

وأنا نسقت كل شي بمساعدة اخواتي و الوالدة طبعا الله يخليها لي

بس انا محتاجة مشورتكن في شي وهو :

احنا راح نعملو بعد الشيكولاتة والعصير والكابتشينو والحلويات ...عشاء رز بالخلطة ومعاه موالح...وسلطات

بس أنا حبيت نقدموا شي بعد العشاء غير الفواكه والمكسرات لأن الرز هيكون فيه مكسرات ...

أنا في بالي ندير حلى كاسات لكن الجو طبعا بارد جدا في بنغازي هاليومين ..ف أنا مترددة شوية في حكاية حلى الكاسات ..

بس أنا نتصفح في التطبيقات لقيت تطبيق لحلى كاسات الجيلي للأخت عجلونية الله يحفظها ...

وأعتقد الجلى عادي يكون برة الثلاجة قبل التقديم بشوية ...وألا انتوا شنو رايكم ؟ وللاسف لقيت التطبيق بدون رابط الوصفة !!!!!!!

والله أنا متوترة ومحتارة وفي راسي ميت حاجة وبما اني عارفة ذوقكن وإبداعاتكن ...حبيت تعطوني رأيكن شن نعمل ؟؟؟؟

وياريت ياريت ....تعطوني طريقة أو رابط أي حلى أو شيكولاتة ... نقدر نزينها بحيث نعمل عليها دبلتين لونهن ذهبي ...ولو إني عارفة ان اللون الذهبي مش متواجد في ملونات الطعام

بس بحكم خبرتكن ممكن عندكن فكرة

أمانة يابنات ساعدوني ...وبيضن وجهي قدام أهل خطيبي ...ربي يبيض وجوهكن يوم الدين بنور الايمان والتقوى

وماتنسونيش من الدعاء ...ربي يتمم عليا بالخير يااااااارب

نحبكن وأنا متأكدة انكن ح تخدمنني بعيونكن للروح الطيبة اللي لقيتها فيكن ولكن مني أحلى التحيات وعقبال الانسات جميعا

اولا الف الف مبروك الخطوبة و يا رب يتمملك فرحتك

و طبعا الكل سيفرح بهدا الخبر السعيد

و ثانيا انا قترح كيكة الخطوبة للغالية سوسو يا رب يحقق امنيتها عاجلا غير اجل

كيكة رااااقية جدا و بسيطة و تستاهل التجربة يا رب تعجبك

اليك الرابط

http://www.lakii.com/vb/showthread.php?t=507750

حبيبتي moon and stars :

نشكرك جدا لسرعة تعاونك معايا ...بس والله هالكيك صعب شوية وانا مش ح يكون عندي وقت يومها ...

وييييييييييييينكن يا بنااااااااااااااااااااات

ألف مبروك فرحت لك كثيرا الخطوبة و يا رب يتمملك فرحتك

و طبعا الكل سيفرح بهدا الخبر السعيد

أختي الغالية أتمنى حياة سعيدة مليئة بالافراح

سأحاول ان أبحث لك في ما طلبتيه

ألف مبروك فرحت لك كثيرا الخطوبة و يا رب يتمملك فرحتك

و طبعا الكل سيفرح بهدا الخبر السعيد

أختي الغالية أتمنى حياة سعيدة مليئة بالافراح

سأحاول ان أبحث لك في ما طلبتيه

الف الف الف
مبروووووك
ياكلاسي
فرحتلك ياغاليه

شوفي في فكره حلو بكل
بس منعرفش هى متوفره في بنغازي ولا لا
نفورة الشوكولاتة
شوفي الرابط هذا

http://www.fatafeat.com/new/main.php?action=viewrecipe&id=285

اسئل الله أن يجمع بكما بالخير والرضا ويتم عليك فرحتك آمين
والله أنني كلما سمعت بخطوبة بنت أسعد كثيراً
ارجو من الأخوات بأن يفيدوك

1000000000000000000000000000000 مبرووووووووووووووووووووووووك حبيبتى كلاسى
الله يجمع بينكم على خير ويوفقكم يا رب

انا مع جورى فى نافورة الشوكولاته بصراحه حلوة وشيك
اما بالنسبه للون الذهبى اللى تبى تزينى بيه الشوكولاته خطرتلى فكره وليدة اللحظه ههههههههههه الا وهى:
خودى سكر البودره واخلطيه مع ميه يعنى زى الخلطه بتاع الايسنج بتاع الدوناتس
واشرى بخاخ الزينه بتاع الحلويات اللون الذهبى واخلطيه مع خلطة السكر اكيد حيطلع لون ذهبى.
موفقه ان شاء الله وربى يتمملكم على خير.

مشكورات حبيباتي على سرعة الرد

اختي الهام دلوعة شكرا لدعائك..ولأمنيتك القلبية اللي وصلتني من الدار البيضاء لعند بنغازي واني نستنى فيك بالك تفيديني بارائك والف شكر على الدعم واالاهتمام

حبيبتي جوري ...انستي موضوعي يا غالية وشكرا لمباركتك ليا وان شاء الله عقبالك قريبا ياااااااارب ....ناخذك في جرتي وقريييييييييب جدا..وديمة أفكارك حاضرة وتهبل ...ذوقك يجنن ...ماشاء الله عليكي....وياذن الله نتصفح الموقع اللي عطيتيه ليا ونقولك شن صار معايا

بس فكرة نافورة الشوكولا ماعتقدش انها متوفرة في بنغازي ....بس تو نحاول نسأل عليها

حبيبتي أم طلحة :

مشكورة جدا على الدعاء ...وربي يزيد يفرحك بخطوبة جميع العضوات اللي مازال ما جاهن نصيبهن ...وان شاء الله الايام تكون مخبيتلهن الأفضل زي ماصار معايا ...ورزقني ربي بولد حلال وفرحني بيه


حبيبتي dream light :

فرحت لما لقيت اسمك والله كنت ناوية نبعث لك رسالة ع الخاص بس والله النت استك عندي وانا نكتب فيها

والحمدلله من القلب للقلب رسول ....دخلتي موضوعي وكالعادة كنتي سباقة في الرد و أفدتيني ألف ألف شكر ..وعجبني دعائك جدا ...كل مافيك يهبل....بس بخاخ الزينة هضا مش عارفة زعما وين نلقاه....تو نحاول نسأل عليه


ياالبنات مانوصيكنش اللي تخطر عليها حاجة تبلغني ....نحس فيكن اتعاملن معايا بقلوبكن الصافية ...ربي يخليكن ليا وما يحرمني منكن بكل

الف الف الف مبروك يا غالية وانشاء الله ربي يتمملك علي خير والفرح دايم في حوشكم


اعزميني عالعرس يا امورة بالك ان شاء الله نولي لليبيا زيارة هكي ندير سبلتك

هههههههههههه



عقبال الفرحة الكبيرة يااااااااااااااااارب

اني رايي تديري مهلبية وتزينيها بالفستق


ولا كنافة تحطيها فياوراق للتزيين الخاصة بالحلويات وهادي فكرة اورجينال شني رأيك ؟



تحياتي يا غالية