بعد ماعملت الكنافة بالمكسرات والقرفة فى الرابط ده
http://www.lakii.com/vb/showthread.php?t=484755
وبعد ماعملت الكنافة بالكريمة فى الرابط ده
http://www.lakii.com/vb/showthread.php?t=482029
النهارده عملت الكنافة بالبلح
ونقول ازاى :
الأول جبت البلح الرطب .... اهو


وفصصته بعد ماغسلته طبعا وقشرته وشلت منه النوايه


ودوبت معلقتين سمن حلوين كده فى الصينية


ولما دابوا نزلت بالبلح وقلبت كويس لحد ماتشبع بالسمن وداب شويه


فركت الكنافة بالسمن كويس وفردت نصف الكمية فى الصينية اللى حاعمل فيها الكنافة


ورحت نازله بالبلح وساويته كويس


وبعدين الطبقة التانية من الكنافة المخلوطة بالسمن ورشة سمن على الوش كمان


وآدى بعد ماتحمرت واتسقت بالشراب السكرى


وبجد بجد طعمها تحفه وجديد .... جربوها وقولولى ....

تسلم ايدك فكره حلوه

الله!! ابداع با عسل
تسلم ايديكي يا كارمن...
ما شاء الله عليكي
موسوعه في كل المجالات
الله يباركلك يا رب

fatimahamo.... تسلمى ياجميله ... انتى الأحلى....

فكره رووووووووووعة ومفيدة كمان منتظرين ابداعاتك كمان يا مبدعة

د. سوسن .... انتى اللى مبدعه فى كل أطباقك ياجميلة ونورتى بأطباقك سفرتى النهارده .... وربنا يباركلك انتى يارب وتسلميلى ياغاليه ....

جنى 23 ..... جربيها ... طعمها والله تحفه .... حاتعجبك اوى وسهله .... وتسلميلى على مديحك الجميل ياغاليه ...

راح اجربها بأذن الله

تسلمي ياكارمن ياأم الأفكار

أم حيدر ..... جربيها وعلى ضمانتى .... حاترفعى راسك قدام العيله كلها وتقولى لماما شوفى بنتك شطورة ازاى ....

تسلم يديك يا حلوه

الملكة العقربة .... تسلمى انتى يا قمرايه ...