انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 14 1234511 ... الأخيرالأخير
عرض النتائج 1 الى 10 من 139

الموضوع: حلويات رمضان الكريم والعيد من مطبخ نور الهدى بالخطوات التفصيليه المصوره

  1. #1
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة

    المواضيع المتميزة حلويات رمضان الكريم والعيد من مطبخ نور الهدى بالخطوات التفصيليه المصوره




    السلام عليكم ورحمه الله وبركاته
    اخواتى الكريمات كل عام وانتن بخير عندى عده وصفات كنت نزلتها فى قسم المعجنات فى مسابقه الاكلات التراثيه
    وبما ان منها يعد حلويات ففضلت انقلها وانزلها هنا مع اقتراب الشهر الفضيل
    فهى مناسبه جدا جدا واترككم مع الشرح


    العدليه

    المقادير

    2 ونصف كوب دقيق

    كوب زبدة طرى وليس سائل بدرجه حراره الغرفه

    كوب سكر بودره (مهم يكون بودره )

    بياض بيضتان

    فانيليا

    3 ملاعق كاكاو (اختيارى)

    نصف معلقة بيكنج بودر

    للتزيين

    سمسم -حبه البركه- مكسرات

    الطريقه

    ننخل الدقيق مع البيكنج باودر ونضعه جانبا

    نضع فى العجانه(او باستخدام المضرب الكهربائى) الزبده والسكر



    نضرب بالسلاح السلك الشبيه بالمضرب



    الى ان يتحول الخليط الى الشكل الكريمى هكذا



    نضيف بياض البيض والفانيليا ونضرب مره اخرى وبعدين نضيف الدقيق على مراحل الى ان تتكون عجينه بهذا الشكل



    نقسم العجينه قسمين وده اختيارى ممكن جزء نتركه ابيض والاخر نضيف عليه الكاكاو هكذا



    بعد تقسيم العجينه نبدأ فى تشكيلها بهذا الشكل



    او بعد تشكيلها نضع وجهها فى السمسم او حبه البركه ونغرز المكسرات فى المنتصف



    نرصها فى رف الفرن المبطن بورق زبده ونراعى ان نباعد بين الحبات لانها بتتسع وطبعا نزينها باى طريقه كما فى الصوره



    نضعها فى الرف المتوسط على حراره 180 لمده ربع ساعه وبعدها المسى بايدك سطحها لو تجمد تبقى استوت ومش محتاجه تفتحى الشوايه من فوق تتحمر ابدا



    وطبق تانى لاحلى بنات



    كعك العروسه بالعجميه

    او

    كعك العيد


    طبعا لا يخلو بيت مصرى من الكعك خصوصا فى عيد الفطر المبارك


    والنوع اللى حقدمه النهارده هو كعك العيد او كعك العروسه كما قلت بيتعمل للعروسه ويذهب به الاهل لها فى اول زياره لها فى بيتها الجديد ويتم التوزيع منه للاهل والجيران وبنحشيه عجميه او ملبن او عجوه


    المقادير


    3 كوب دقيق منخول


    نصف كوب دقيق (نتركه جانبا )


    كوب وربع سمن سايح او مقدوح


    ملعقه سكر كبيره


    ملعقه خميره كبيره


    نصف كوب لبن


    ريحه الكعك ان وجد (لم يتوافر عندى )


    سمسم


    ذره ملح


    (انا استخدم كوب الماء العادى كمعيار )


    الطريقه


    نذوب السكر والخميره مع نصف كوب اللبن


    نعمل حفره فى الدقيق ونضع ذره ملح والسمسم


    ملحوظه


    يفضل السمسم يكون عادى غير محمص ويوضع عالوجه والسمن المقدوح عندما ينزل عليه سيحمصه جيدا


    اذا اردتى الكعك ناعم زودى السمن يعنى كوب وربع اما اذا اردتيه عادى يكفى كوب الا ربع فقط


    لا تكثرى من السائل كاللبن لانه بينشف الكعك على العكس من معلومه انه بيطريه


    الطريقه


    نعمل حفره فى الدقيق ونضع الملح والسمسم




    نقدح السمن عالنار جيدا وعندما نتاكد من ذلك ننزل بالسمن عالدقيق شوفو فوران السمن





    نقلب بملعقه خشبيه فى البدايه حيبقى الخليط شبه سائل كما فى الصوره لكن نستمر بالتقليب




    اذا احتاجنا النصف كوب دقيق للخليط ممكن نضيفه ولذلك قلت يترك جانبا ونبدأ فى فرك العجين بالسمن باليد او نبسه حتى يتشرب الدقيق السمن





    نضيف اللبن المذاب به الخميره والسكر





    وممكن تحناج العجينه لبن اخر يبقى نضيف لكن قليل جدا الى ان تظبط معنا العجين


    نبدأ فى العجن


    وده شكل العجين بعد العجن



    نترك العجين يرتاح ونبدأ فى عمل العجميه

    مقادير العجميه

    كوب عسل نحل

    3 ملاعق ممسوحه دقيق

    سمسم

    مكسرات

    2 ملعقه زبده

    نبدا فى تسييح الزبده عالنار ونضيف الدقيق والسمسم معا ونقلب وعندما يصفر الدقيق ونبعد الحله او الطاسه من ع النار



    ونضيف كوب العسل انا استخدمت الابيض وممكن الاسمر كمان ونستمر فى التقليب ونرجع الحله للنار مره اخرى

    وعندما يبدأ فى الغليان نقلب بحركه سريعه جدا جدا



    سنجد مع الغليان والتقليب العجين تماسك مثل البشاميل نقلب ايضا الى ان يكون عجين كامل ونضيف اى مكسرات ممكن فستق مع حبه البركه او عين جمل مفروم خشن

    نشكل العجين كور صغيره لحين الاستخدام



    نقطع العجين ونضع الحشوه بداخله كما فى الصوره


    نغلق العجينه ونكورها هكذا



    نحضر قالب الكعك وفى مصر بنستخدم المنقاش

    نبطنه بالبلاستيك لسهوله رفع الكعكه منه



    نضع العجينه ونضغط جيدا حتى تظهر الصوره على العجين



    نضع الكعك فى صاج مبطن بورق الزبده هكذا



    وهنا انتهاء الكميه



    ودى اشكال تانيه من الكعك حشيتها تمر



    نترك العجين حوالى ساعه ونصف يخمر

    نخبزه على درجه 180 لمده ربع ساعه وبعدين نشغل الشوايه للتحمير

    وده شكله يارب يعجبكم






    رجاء عدم الرد الموضوع لم يكتمل بعد
    آخر مرة عدل بواسطة حنان(البحرين) : 16-08-2008 في 03:31 PM السبب: اضافة شعار التميز

  2. #2
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    عجينه الزلابيا

    او العوامات

    او لقمه القاضى

    اختلفت الاسماء والطعم واحد

    بنحبها جدا جدا فى مصر واليكم الطريقه المظبوطه

    2 كوب دقيق

    نصف كوب نشا

    ملعقه طعام خميره

    ملعقه طعام سكر

    ذره ملح

    ربع كوب زيت وليس زبده

    كوب ونصف ماء دافىء (مهم دافىء لتفادى الفرقعه

    نخلط المكونات معا وبتكون شبه سائله



    نتركها نصف ساعه مغطاه للاختمار وده شكلها بعد الاختمار



    نسخن زيت ونبدا فى قليها ولها طريقه نمسكها بقبضه اليد باليد اليسرى والمعلقه باليد اليمنى وناخذ منها على الزيت فورا



    نضعها ساخنه على شيره بارد



    او نضيف عليها سكر بودره




    المشبك الدمياطى المصرى

    طبعا اهل دمياط مشهورين بالمشبك اللى لا يعلى عليه ابدا كل المصريين تقريبا بيحبوه

    وكمان الاطفال

    نبدأ بالمقادير

    3 كوب دقيق

    1 كوب نشا

    كوب الا ربع ماء

    ملعقه مستكه (بتعطيه طعم مميز)

    ملعقه كبيره سكر

    ملعقه كبيره خميره

    نعجن المقادير



    نتركها نصف ساعه تختمر نضع الخليط الشبه سائل فى كيس التزيين او كيس بلاستيك ونقص طرفه رفيع جدا جدا

    وننزل به عالزيت الساخن بعمل دوائر عشوائيه وعندما يجمد نقلبه عالوجه الاخر

    وانا اخذت نصف الخليط ولونته بالملون الاحمر علشان نور بنتى تاكله الاطفال بيحبوا الالوان



    ونخرجه وهو ساخن ونسقيه فى شيره بارده متماسكه ونرش عليه زبده سايحه اعذرونى مش مصوره الخطوات بالتفصيل لان العجينه سائله جدا وانا اللى بصور بنفسى



    ودى صوره اقرب للطبق


    وكل عام وانتن بخير
    ورمضان كريم

  3. #3
    تاريخ التسجيل
    Apr 2007
    الردود
    5,679
    الجنس
    امرأة
    كل سنة وانتي طيبة يا نور الهدى رمضان كريم
    ماشاء الله ماشاء الله حلويات تجنن والله بارك الله فيك حبيبتي

  4. #4
    تاريخ التسجيل
    Jul 2007
    الموقع
    اليوم في الإمارات وغداً الله أعلم
    الردود
    11,921
    الجنس
    امرأة

  5. #5
    تاريخ التسجيل
    Aug 2005
    الموقع
    لن انساك طول عمري
    الردود
    2,710
    الجنس
    أنثى
    ماشاء الله ...

    لقمه القاضى
    عاجبني شكلها ماشاء الله حجمها واحد ومرتبه ....

    الله يعطيك العافيه أختي ...


    والله يبلغنا رمضان جميعا ...

  6. #6
    تاريخ التسجيل
    Nov 2006
    الموقع
    في قلب أحبتي
    الردود
    5,106
    الجنس
    امرأة
    التكريم
    (أوسمة)
    كل عام وانت بخير اللهم بلغنا رمضان

  7. #7
    تاريخ التسجيل
    Dec 2007
    الموقع
    تركية مقيمة بالدمام
    الردود
    410
    الجنس
    امرأة
    ماشاءالله تبارك الله
    وصفات شهية .. تسلم يدك حبيبتي
    ورمضان كريم للجميع

  8. #8
    تاريخ التسجيل
    May 2008
    الموقع
    مصر
    الردود
    13
    الجنس
    ذكر
    جزاك الله خيرا
    شكرا

  9. #9
    تاريخ التسجيل
    Jul 2007
    الردود
    883
    الجنس
    أنثى
    كل سنة وانت طيبة
    والله وصفات حلو ورائعة يسلموووووووو

  10. #10
    تاريخ التسجيل
    Sep 2007
    الموقع
    مصـــ الحره ـــر
    الردود
    4,481
    الجنس
    أنثى
    تسلم الأيادى نو الهدى بجد اول مره اشوف طريقه المشبك ان شاء الله اطبقها

مواضيع مشابهه

  1. شوربه السمك والجمبرى والكاليمارى من مطبخ نور الهدى بالخطوات المصوره
    بواسطة noorelhoda في المقبلات والسلطات والشوربات والمشروبات
    الردود: 72
    اخر موضوع: 14-02-2010, 04:27 AM
  2. *مقبلات متميزه*قرص عجه البيض الشهى من مطبخ نور الهدى بالخطوات المصوره
    بواسطة noorelhoda في المقبلات والسلطات والشوربات والمشروبات
    الردود: 111
    اخر موضوع: 23-12-2009, 03:33 PM
  3. ✿*موضوع متميز*✿ التارت الحلو ومجموعه حلويات من مطبخ نور الهدى بالخطوات المصوره
    بواسطة noorelhoda في الحلويات والكب كيك والكيك وحلويات العيد
    الردود: 172
    اخر موضوع: 14-12-2009, 06:42 AM
  4. الردود: 152
    اخر موضوع: 24-08-2009, 11:16 AM
  5. ** موضوع متميز ** الصميط المصرى والفينو حصريا بالخطوات التفصيليه من مطبخ نور الهدى
    بواسطة noorelhoda في المعجنات والسندويشات والفطائر والخبز
    الردود: 93
    اخر موضوع: 14-08-2009, 01:00 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ