كتبت بواسطة نسمه ليبيه

شكرا اوخيتى عالوصفات بس فكرة المرقاز هذى جديده اول مره نسمع بيه يعنى قصدك نقطعهم قبل القلى ما يطلعش الحشو؟؟

كيف حالك وخيتي نسمة و بارك الله فيك على الإهتمام

بالنسبة للمرقاز أو ما تبدي تحشيه تحددي طول المرقازة الوحدة يعني أبدي احشي لين توصلي لطول معين تبيه و بمجرد انك تحشي مرة ثانية خلي بين الحشو الأول اللي حشيتيه و الثاني فراغ و هكذا باش يسهلك عملية التقطيع و على فكرة ما تحشيشي هلبة لأنه راح يطربق في القلي خليه وسط مش مليان و مش فارغ

و بالنسبة لجنابه بعد التقطيع خليهم فاضيات يعني ما تخليش الحشو قريب منهم كان هذا يطلع

ان شاء الله انكون وضحتلك يا غالية

كتبت بواسطة نسمه ليبيه

كيتى بصراحه انت تبذلى فى مجهود جبار ربى يعطيك الاجر

سلم هالحبيبة يا ربي و نجيها بارك الله فيك

صدقيني على قد ما نبذل مجهودي مش راح نوفي حقكم ... لأني استفدت منكم هلبة هلبة و مش راح تتصوري قداش استفدت في حياتي و الحمد لله

كتبت بواسطة الفجر المسفر

تسلمي حبيبتي

حبيباتي هذه بعض من تطبيقاتي التي قمت بها السنة الماضية في منتدى لكي

لكن للأسف أنها من غير صور ... و ان شاء الله راح نعاود انزلها ليكم غدوة بقدرة واحد أحد و كل ما نضيف صورة نعلمكم بيها و هاذم الروابط للإستفادة :


●•° تطبيق متميز°•● تطبيقي لكيكة الدونات بالشكلاطة للأخت<<< juri >>>


تطبيق البراتا الهندية بالبطاطس للأخت المبدعة moon and stars



₪وصفه متميزه₪<<< طاجين الأرز المحشي بالسمك >>>


**تطبيق متميز**أول طبق لي بعجينة العشر دقائق .. و عمل بيتزا على طريقتي,, تفضلوا


شوربة عدس على طريقة أم زوجي .... تفضلوا


** موضوع متميز ** *****((( خبزة الكسكاس من مطبخي )))*****



**موضوع متميز**خبزة بالخضار التي تحبينها ... تفضلوووووا



₪وصفه متميزه₪فاصولياء بالثوم من مطبخي



** موضوع متميز ** فطيرة البطاطا المحشية



و كل الأطباق هذه أني ممجربتها شخصيا و كلها طعمها جنااااااااااااااااااااااااااان

و ان شاء الله نكون أفدتكم
و أي استفسار تفضلوا

أنا عارفة روحي مقعمزة نهدرز على روحي في عقبات الليل

بس نبي نقترح اقتراح و نشوفكم توافقوني عليه و الا لا

علاش ما نديروش ملف ثاني لرمضان هذا ان شاء الله نحطو فيه كل يوم و كل وحدة فينا شن دارت و تصور صفرتها ... ان شاء الله تكون مدايرة شريبة و معاها بيتسا بس ... المهم نستفيدو من بعض
باش اللي تشبح حاجة غريبة نسألوها و نفيدو حتى الأخوات الثانيين و حتى يكون موضوع يبان من الأول مش كل المواضيع و الحاجات الصقع مدسوسة بين الردود و نسموه ملف رمضان اليومي للأخوات الليبيات

أني نراجي في ردكم و الأمر يعود لكم

موافقة فكرة حلوة

ياسلللللللللللمها وسلم افكارها ياربي...
بالنسبالي عجبتني الفكرة حلوة روعة ولو درتوها ان شاء الله نكون معاكم

تحياتي

منوره انتي وافكارك اني موافقه .........تسلم الايادي

كتبت بواسطة kittygago

أنا عارفة روحي مقعمزة نهدرز على روحي في عقبات الليل

بس نبي نقترح اقتراح و نشوفكم توافقوني عليه و الا لا

علاش ما نديروش ملف ثاني لرمضان هذا ان شاء الله نحطو فيه كل يوم و كل وحدة فينا شن دارت و تصور صفرتها ... ان شاء الله تكون مدايرة شريبة و معاها بيتسا بس ... المهم نستفيدو من بعض
باش اللي تشبح حاجة غريبة نسألوها و نفيدو حتى الأخوات الثانيين و حتى يكون موضوع يبان من الأول مش كل المواضيع و الحاجات الصقع مدسوسة بين الردود و نسموه ملف رمضان اليومي للأخوات الليبيات

أني نراجي في ردكم و الأمر يعود لكم

هلا اختي kittygago مشكورة على هالمجهود وهالاكلات الجديدة وان شاء الله في ميزان حسناتك ..
واني عن نفسي وين انتم وين اني زي الملف هذا زي غيره المهم الفايدة وحدة وان شالله غير ما انريحوش من بعض بس ...